小型畢業Party(N班同學仔)

話咁快媽媽就認識咗呢班同學仔和家長三年喇~~當初一個新手媽媽慶幸遇到呢班友善又熱心的家長，令我哋一家學識和見識好多野!! 呢次gathering, 小朋友先到會所放電，唔知點解呢個年齡的小朋友喜歡男女各自與同性玩。Tim就當然係痴實視為best friend的Ambrose啦, 而妹妹就跟住哥哥粗粗魯魯咁, 媽媽叫佢同d姐姐玩吓啦, 天穎即答--唔得!……唉~~~

之後去function room食野, 唔知係咪做完運動的關係, 班細佬食野好落力!多謝Queenie姨姨準備的BINGO遊戲紙, 令我哋食完仲有得用問答遊戲來玩，從而令各爸爸媽媽更了解小朋友…..問題有關時事, IQ, 數學,政治……有d真係妙問妙答架~~Tim的攪笑之作係….人哋問今次神舟九號d太空人上太空的任務係咩, 一個小學五、六年班的哥哥答咗甚麼交接的正確答案, 但Tim仍舉手作答, 媽媽當時都打個突, 期待佢的答案呢…..Tim即答上太空打筋斗…….哈哈大家捧腹大笑亦不忘讚吓佢呢….今晚真是開心盡興呀!!!