世界盃

爺爺每次去旅行一定會買嘢俾bb, 今次仲同埋麻麻一齊去台灣, 嘩!!買咗一套世界盃主題嘅帽仔同鞋仔, 好靚ga~~~連鞋底都有世界盃個標誌。不過size就……bb大得咁快, 下星期可能唔啱著lu……睇吓bb著咗係咪好型呢!!原來bb已有甲組腳喇..哈哈!!

懶訓豬

尋日放工返去同BB玩, 佢好鬼精令,仲笑晒好happy, 連日日放咗工都嚟同bb玩嘅姨姨都話bb好醒神, 結果玩到8:30p.m.攰晒訓咗~~平時佢訓half an hour就起身再玩, 但佢訓得好好.爸爸媽媽好耐冇試過咁安靜睇電視lu...哈哈~~..連11點餐奶奶都係訓住食......跟住5:30am又訓住飲奶.........直到今朝9am.就醒晒再玩喇!!

地墊遊樂場

自從BB識返身後, 就想買張地墊等佢多d空間自己郁動吓同埋學爬, 搵咗好耐終於係玩具反斗城搵到鍾意的Disneyland, 放bb落去玩佢真係好興奮, 張地墊表面滑滑地佢訓係度用隻腳仔撐到身體向上移 (好似水母咁!!) 不過張地墊睇落細咗d, 要買多套加大佢至得。
婆婆屋企個張就唔同喇~~公公一早睇仲, 早一個月前已買咗, 係車仔圖案, 佢哋話男仔鍾意車wow………bb都一樣玩得開心!!

上星期一係bb五個月大呀!! 不過冇心情update, 因為佢病咗,第一次病好擔心同緊張, 可能係冷親所以去咗法國醫院爺爺個醫生朋友到check吓。爸爸話佢見醫生好乖(鵪鶉), 醫生放支雪條棒响bb個口想睇佢”喉嚨頂”, 諗住佢會喊唔制…….點知佢……..見嘢就食支雪條棒都唔放過..哈哈!! 依家响屋企唔開冷氣又怕佢熱, 開咗又怕佢冷親, 所以開冷氣都幫佢做足裝備, 出面三十幾度bb係屋企會著到咁ga……..

BB郵票

依家郵政局有一個叫"心思心意郵票訂製服務" 可以提供相片做郵票, 我同16個媽咪夾份做, 一人有一張全版16個同再多37張散裝嘅自己bb郵票, 而呢張相會放响全版嘅中間, 你們搵吓邊個係天諾啦!!

BB按摩班

Yesterday night, 同bb去按摩班, 一去到放佢係地墊度, 佢好開心咁郁手郁腳, 導師講嘢, 佢又眼定定咁聽, 之後我幫佢按摩由頭、 手、心口、腳、背脊, 佢冇反抗呀, 任我舞, 當按到要除衫時, 佢D muscle仲引到 姑娘啦, 其他爸爸媽媽過呢睇!!! 姑娘仲話bb好似8個月大呀~~


最後導師仲搵佢做model demonstrate俾其他爸爸媽媽睇, 幫佢四肢做exercise, 佢初初都唔制, 但俾導師制服咗, 仲越玩越happy…..

不同動態BB

BB攤係張床就反身學爬, 睇吓佢幾努力咁拮起個patpat, 不過維持5分鐘後就會發脾氣, 只要抱起一陣就可以放返落床再來過!!!

除咗學爬之外, bb依家嘅係企係度"腳撐撐", 好似識行咁郁郁吓, 聽講咁細個bb隻腳仔仲未可以支撐自己的身體, 所以我們俾佢企一陣過吓癮就算lu~~~~右邊張相係佢朝早訓醒坐係度同爸爸媽媽玩, 好精神呀!!!

見bb咁鍾意咬嘢同攞嘢, 星期日試吓俾佢用學習柸飲水, 佢一拿起隻柸就遞向自己臉, 眼仔鼻仔額頭仔都掂到, 就係放唔到個柸咀入口, 到我引導佢放入口, 佢猛咁咬都唔知原來係飲水,真係好好笑~~~

探索期

好得意呀!! weekend爸爸同佢玩bubu(震口唇)佢笑到卡卡聲,點知玩咗幾分鐘後,佢學我哋bu..........依家佢自己玩玩吓都bu...好攪笑, 有時飲完水又bu水出嚟真係激c ~~ 仲有呀!! 唔知bb係咪學爬爬,依家趴係度用肚仔頂住,四支好似游水咁郁吓郁吓, 但臉仔貼住張床博命捽,攪到個鼻仔紅晒!
BB依家進入探索期, 俾野佢玩佢會伸手仔去攞, 跟手就放入口,對周圍的事物又八掛, 亦好鍾意坐,睇吓BB唔同⻆度坐起來都好”硬正”, 尋日仲開埋輝表叔送嘅坐厠俾佢試吓!!

端午節劉氏飯局, BB都玩到謝晒~~~連第二朝餐奶奶都攰到冇飲呀!!! (有冇表叔/姑姊有相提供俾我UPDATE!!)