媽媽會gathering

上星期六, 爺爺嫲嫲去歐遊前帶咗bb去遊艇會個playground度玩, 唔記得帶相機影唔到靚相tim……
星期日參加咗媽媽會攪嘅大型gathering, 有八十幾個1月份出生bb, 我幫bb報名gathering裡面嘅爬行比賽同最似爸爸媽媽選舉, 唉!!爬行比賽就至在參與因為懶豬仲未識爬…. 雖然天諾完成唔到爬行比賽, 但都好攪笑, 比賽時佢猛咁捉住隔離個靚女隻腳同裙, http://www.youtube.com/watch?v=l1dn1lRhvrk

而最似爸爸選舉攞唔到獎但係都好好玩, 你哋睇吓攞獎d家庭真係好似架!!! 天諾仲同最突出造型bb影相tim, 影相時佢見到人哋個造型咁多毛毛不斷攪人, 真係唔好意思喇….呢個bb嘅磅數係同天諾最接近架, 都係好肉地之人!!! 同臺有個靚靚bb女同天諾同年同月同日生, 諗住一齊影張相啦, 點知兩個bb頭點頭好sweet….之後天諾仲令開笑~~~
呢個bb係爬行比賽第一名bb响gathering期間冇瞓過, 其他媽咪抱佢又唔喊, 同佢玩仲笑tim…. 不過就係唔合作同其他bb影相, 係都要推開/扯頭髮/拉衫/郁來郁去, 想搵張靚d嘅合照都難~~
仲未有時間拾相, 遲d先post出來~~
睇住大會攝影師嘅作品==>http://www.fotogb.com/windshalom/0924
http://www.fotogb.com/windshalom99/0924

好眼瞓呀~~

話說星期三晚, 姨姨同公公幾日冇見bb上咗呢同佢玩!! 只係8點半bb好似好眼瞓, 但又好貪玩…….哈哈佢玩玩吓呆咗, 好似開住眼釣魚咁好好笑架!!!
去片==>http://www.youtube.com/watch?v=OgDYJvWrJtg

BB第一次盪鞦韆

尋日兩個姨姨同媽媽帶bb去公園盪鞦韆, 初初要排隊時bb見到人玩已young晒腳, 我哋輪流抱佢玩, 玩咗十多分鐘已好開心喇~~玩玩吓佢自己識扶住tim呀!
http://www.youtube.com/watch?v=y9Qa79dAPN0
http://www.youtube.com/watch?v=ayjKifQjVWM

學爬

公公教咗bb踢波都好耐喇~~依家公公教練就訓練bb爬爬, 起初bb唔制架!! 依家都肯用膝頭點地郁兩下, 叫做有d進步……不過要留意佢心口要公公幫佢頂住先有爬的姿勢, 一放手佢就趴咗响樹lu,睇片就知佢有幾懶~~
http://www.youtube.com/watch?v=uoFirtrj_E4
http://www.youtube.com/watch?v=Z9BjkLk_ncA

另外尋日三姨姨話好耐冇見bb, 來左搵bb玩, bb仲讀書俾佢睇呀, 同埋尋日發現bb嘅咀好鍾意”do”起, 好似講個”好”字的口型咁, 好好笑!!
http://www.youtube.com/watch?v=T7N7dh9kpKk

八個月大喇~~

8個月大嘅bb笑起上來”yung”起個鼻, 笑個樣已經唔同晒lu, 可以話係冇之前笑得咁可愛, 有時佢好似好刻意咁笑tim…….依家已經食緊1日兩餐粥仔再加4餐奶(其他bb食緊3餐奶咋), 夜晚訓覺時間早咗, 大概9點鐘就訓喇,第二朝6-7就再飲奶到8點鐘度起身lu!!

BB揸車精彩片段

呢段片bb揸車興奮到又fing頭又搖又叫, 好攪笑!!
http://www.youtube.com/watch?v=eMrP4GqwvmU
星期三, 買咗個圍頸水泡俾bb諗住開浴缸水俾bb玩水, 點知佢表現到驚又唔鍾意用水泡, 最後要爸爸陪佢落水先放鬆玩, 玩咗15分鐘度就上水lu…..好下次再train過!!

太嫲生日宴

星期六我哋一家三口連埋Alma去超市買餸(因為公公婆婆去咗旅行, 要自己買定d儲備), 唉~~bb有d唔耐煩, 我哋試吓放佢落購物車度,佢完全唔驚, 仲好興奮咁扶住手推個位搖搖吓, 點知新事物佢只有15分鐘熱度, 跟住就唔制lu….

星期日, bb同嫲嫲叔叔嬸嬸去咗apm食飯, 間酒樓張bb椅好細, bb雖然未坐穩, 但都可以坐係張bb椅度食粥仔. 第一次出街食粥自己坐, 都算乖喇~~坐咗十幾分鐘先扭計!! 食完飯爸爸同叔叔仲同bb去扭蛋tim………..跟住就返屋企諗住俾佢眠一眠先夜晚精神d去太嫲生日宴……..點知返到屋企訓咗45分鐘就起身玩~~直到出發响車度訓咗一陣又玩過, 由於剛到步時未醒晒, 表演踢波都冇mood, 成場都呆呆地連食粥仔都唔肉緊, 原來對住部大電視就唔扭計又肯俾人抱, 呢場飯局上面, bb最醒神就係騎德表叔膊馬, 同埋幫德表叔練鐵頭功, 德表叔你好勁呀令bb玩得咁開心~~~下次再來吧!!
因為平時bb 9點左右就訓, 所以我哋提早離開俾佢早d休息, 回家嘅車程佢已經訓著lu, 返到屋企就好快咁沖涼…飲奶…等佢多d時間休息, 點知bb飲完奶對眼睛明明好攰都唔肯訓, 點解呢………..原來佢想疴c呀!!! 仲係第一次疴呢仲texture 嘅c呀, 我哋有相紀錄不過post上呢太嫲生日宴個topic好似唔係幾好, 有興趣俾個e.mail我啦…哈哈!! 幫bb清潔完後, 唔駛10分鐘佢就覺覺豬喇~~