障礙賽

上星期日同公公飲茶, 飲完茶响商場逛一逛, 見到有個bb女拖住爸爸媽媽行, bb好有興趣走埋去打招呼, 不過佢太熱情喇…..嚇到人哋走唔切, 場面好好笑, 我哋買咗對Nike波鞋俾bb就返屋企zzzzzzzz……. bb瞓醒之後去上堂, 堂上嘅玩意終於可以令天諾坐定定數分鐘喇(好簡單只係用籌碼投入箱度)~~跟住嘅項目就失控lu- bb障礙賽, 要爬來爬去, 落梯級, 又有斜坡, 要捐過隧道……睇人玩時bb好興奮以為佢好鍾意啦~~點知佢又唔制又扮瞓, 要佢郁多d都唔肯呀...唔爬扮瞓=> http://www.youtube.com/watch?v=RNSRdPV0T8s

佢唔制係有原因架, 遊樂場嘅吸引力…. http://www.youtube.com/watch?v=4iwQ4d-Qbs0
玩到最後俾佢見到騎馬馬又標去玩, 一坐上去前後左右咁搖, 好high!!!騎馬馬--http://www.youtube.com/watch?v=b4WRsMNNtDo

參觀幼稚園

上星期六帶咗bb去劍鳴幼稚園參觀, 當日係幼稚園嘅interview day, 我哋只係閃入去望吓, 園內裝修都好新同乾淨, 老師又年青有本地有外藉….bb見到裡面d玩具都應接不暇,最留戀就係玩射籃入樽, 佢樣樣都想伸手去拍吓, 見到高過佢嘅米奇老鼠又好興奮, 攪笑嘅係見到吹氣復活蛋拍完又要驚, 我哋逗留20分鐘就走咗去食mum mum lu….下午返到屋企幫bb剪咗個靚髮, 唉~~佢好敏感呀!!把較剪放近少少已反抗得好犀利, 所以今次剪得唔太理想, 公公仲話剪到咁短成個X仔咁hehehe~~ 細佬仔d頭髮好快長番嘅>p<

星期日指定動作飲茶, 不過今次除同公公姨媽飲之外, 嫲嫲叔叔嬸嬸都有來呀!! 飲完就返咗屋企眠一眠, 準備上堂………hehe~~~今堂bb識行喇, Yeah!! 上堂時唱歌做動作對bb來講絕對唔難(一個頭仔搖搖搖, 兩隻眼睛…….) http://www.youtube.com/watch?v=6cZ0rH66e38佢好有意識咁做出來(當然平時媽媽同嫲嫲都有同bb練習啦~~), 不過要佢坐定定玩同聽導師講解就真係…… 要佢用手指將物件放入樽仔度佢就掟走晒, 自己走去搵玩具同圖書娛樂吓….. 到咗玩用水彩制腳印, 當導師講解完問邊個小朋友玩呀? 天諾好快速咁第一個舉手(快到連爸爸媽媽都俾佢嚇親), 以為佢咁叻叻知道攪緊咩, 點知佢行到去就想縮腳, 哈哈太遲喇~~佢唯有死頂好快咁完成!!

呢兩個星期bb係特訓週, 第一要佢自己响床仔訓唔駛抱住暗訓, 其實已經keep咗兩星期, 叫做唔駛抱住訓, 不過一放佢落床就好興奮咁自己玩, 起碼玩15分鐘先停低瞓, 仲要有人拍住先完全瞓著, 希望遲d慢慢改善啦!! 第二自己hold住奶樽飲奶, hehe~~呢樣已經唔成問題喇~~

十四個月大喇~~

尋日係天諾十四個月, 我哋好感覺到佢大個仔, 爺爺嫲嫲帶咗bb同爸爸媽媽食lunch, 佢冇得食大人野嘅脾氣越來越大, 不過都好易氹返, 佢開始鍾意行路, 平時要有人扶先肯行, 呢排就fing開我哋隻手, 雖然未行得好穩, 但佢肯踏出第一步已經好好…..夜晚姨姨同佢玩佢放手成功行到6-7步仲行咗幾個round, 不過佢行到有野扶就合埋眼衝過去架, 我哋拍手讚佢,佢都不知幾興奮~~~~
http://www.youtube.com/watch?v=TmXli3nk0GE
學行大躍進-1 http://www.youtube.com/watch?v=2pi9YvhBMlA學行大躍進-2 http://www.youtube.com/watch?v=sMUDc-1aYPo
要講番星期日上堂趣事, 話說導師每個b俾牙簽拮蛋糕食, 同班同學仔都冇咩興趣, 佢哋一件起兩件止, 天諾好勁食完一轉自己舉手再要…好攪笑, 最衰唔記得帶相機啦!!! 跟住玩意粉仲好笑, 好多bb都唔鍾意黏著嘅感覺, touch到就fing走, 導師將一條意粉放响天諾個面上, 以為佢會潑走, 點知佢不單止唔理, 仲手執一堆放上自己個頭仔度, 真係吹脹~~

新年過後, 星期日帶bb上幼潛課喇~~雖然班上由第一堂兩個bb識行到依家只有兩個b未識行(include天諾), 但天諾有明顯進步…..例如點名時bb有反應, 唱校歌時, bb已經記得melody唱到尾會自動由玩搖鈴轉去拍手, 玩玩具又肯埋堆, 引導佢玩遊戲會睬吓你……到玩水彩印手印環節目的係俾佢認識吓手隻, 唔知係咪我哋冇同佢玩過水彩, 佢唔肯玩,連放近d都唔制, 我哋覺得佢怕dirty唔知係咪呢?
唱校歌è http://www.youtube.com/watch?v=4i26m531nW4
玩水彩è http://www.youtube.com/watch?v=wyq1kcyIPKU
Bb學野好快呀~~爸爸呢排扮怪獸同bb玩, 初初bb係驚住同佢玩, 依家bb好醒扮返怪獸來同佢對峙, 最好笑係bb以前聽有動物叫聲嘅歌會驚, 但依家會叫埋一份, 好好笑架!! 尋日仲突破叫爺爺同公公tim….仲有呀我哋發現佢捉巴斯光年去度高呀~哈哈!!!
扮動物叫-1 http://www.youtube.com/watch?v=XWg03Cvn17g
扮動物叫-2 http://www.youtube.com/watch?v=SFeqbjDWWF8

新年節目cont'

新年節目响weekend排到滿晒, 初七星期六去拜年之前公公帶bb公園玩, bb又手指指要去玩唔同嘅位置, 真係抱到(公公)手都軟!! http://www.youtube.com/watch?v=zaX2KUXhzIc

之後bb要招呼4批爸爸媽媽唔同嘅親朋好友, 其中去到爸爸朋友家拜年, 個姊姊已經識行但見bb爬得咁開心連佢都爬埋一份, 仲有佢哋一齊玩鋼琴時, 個姊姊打咗個“黑次”bb 又扮打, 好攪笑架…….
到咗星期日, 日間就同bb响屋企休息, 享受吓朋友送嘅水果, 要提一提bb食士多啤利食得好enjoy呀~~緊係啦成十幾蚊一粒架!! 睇片è http://www.youtube.com/watch?v=EP0KYCCmINY 睇完你會流口水想食架..haha..

午睡後就同bb去咗銅鑼灣同爸爸嘅朋友拜年, 席間bb周圍郁, 坐唔定, 對第一次見嘅人又唔驚, 人哋話帶佢睇魚魚就跟人走lu
成個新年bb做招牌動作都氹得人人開心, 我哋拍低俾大家回味吓~~hehe~~
新年動作http://www.youtube.com/watch?v=MCTO-cklfAQ
拋波波http://www.youtube.com/watch?v=9qiJfE6o2t8