大牙出來了~~

今晚發現阿b出緊第8隻牙仔, 係大牙來架, 真奇怪前面d門牙都未出齊就出大牙同埋d牙集中响左面出先!! 雖然影唔到隻牙仔, 但如果你想睇佢一定張開口俾你睇架(仲好自豪個款)…..
前晚同阿b玩玩具, 打波同讀書, 玩到阿b都悶要扭計開電視, 為阻止佢睇太多TV, 媽媽就問bb打筋斗俾你睇好唔好? BB諗都冇諗就話“好”……….哎呀! 唔可以欺騙佢喎~~好! 就表現一次喇~~成十幾年冇打(連爸爸都未睇過)…….爸爸就抱住bb坐梳化”睇表現”…..哈哈!! OK喎完成動作都冇撞倒其他野! 佢兩個睇完緊你拍手啦, BB仲好興奮咁第一時間走落地模仿我動作, 嚇c人喇~~好怕佢扭親….不過原來佢識就住架, 尋晚仲表現俾公公婆婆睇timè BB版側手翻 http://www.youtube.com/watch?v=hMYCw6TuEZE
跟住就想玩爬牆(呢樣我哋冇教過, 唔知邊度學番來) http://www.youtube.com/watch?v=tKJ9NDHxmG8

百厭bb依家要再睇緊d喇~~

幼潛畢業喇~~

尋日天諾上最後一堂, 有一個小測驗跟住就攞證書(不過因為阿b出席率不足8成, 所以冇證書呀~~得禮物仔一份). 等測驗時天諾都不離book book~~
個小測驗阿b都順利過關, 有疊高積木, 配對圖案, 指出動物圖同扮動物叫, 攞野食等…bb都跟住做, 形式好似幼稚園interview咁, 最後導師仲讚佢講野叻tim…哎呀~~唔識將測驗個video resize來post!!
畢業獎品--http://www.youtube.com/watch?v=BP9hvWgArxY

哈哈~~依家天氣熱我哋開始幫bb介片喇~~平時都會兜bb去尿尿, 不過有條片打底, 媽媽買咗d介片褲星期六試著咗一日, 戰績係痾濕咗3條(兩細一大), 每次要換褲時同佢講下次要尿尿話俾媽媽聽知唔知…..bb就話“知知”….雖然痾濕咗3次, 但都睇到佢進步架, 例如最後濕個次佢識得行去厠所門外(不過已經痾咗仲係大tim…) 我哋讚佢之餘有提佢下次要ngng前過去potty度啊!! Bb又有話”知知”wow ~~

天諾愛上讀書!

呢排阿b不論起身, 瞓覺都要“book book”…..朝早叫完媽媽第一件事就係攞書睇, 連飲奶都要拎住本書, 臨瞓前會睇起碼45分鐘, 有時要播住音樂睇, 有時要我哋讀俾佢聽, 其實有d書嘅內容佢已經記得, 拎住邊本書就有指定嘅唔同動作, 好似近來爺爺買咗Thomas書俾佢, 就指定要爸爸唱主題曲俾佢聽住來搖(媽媽唱佢會冇反應架) è http://www.youtube.com/watch?v=fKS5Z8pezSY

端午節

星期一同太嫲做節, 食飯前嫲嫲帶bb去咗泳池邊踢水, bb玩得好開心仲成餐飯心思思想去玩, 唔知係咪太耐冇見叔叔嬸嬸喇~~say goodbye時bb喊晒!!!
端午節果日bb著咗媽媽新買嘅Thomas衫仔出動, 第一擊先去飲茶(係史無前例由舅父仔去搵位架), 第一次同表弟一齊飲茶呵~~ 雖然平時同bb提起表弟佢就話“打打”仲做埋動作tim, 但原來唔係一見就打架!! 佢會親親表弟, 又想抱吓, 不過玩得肉緊上來偶然都會郁手打幾野~~飲完茶仲同表弟去行街~~hehe~~

抱表弟
推表弟行街
原本打算帶阿b游龍舟水, 不過爸爸話穩陣d等佢強壯d先, 所以我哋返咗屋企午睡再玩zzzzzz 夜晚我哋食飯要讚bb坐足全程個半鐘冇扭計, 返到屋企沖完涼好乖, 睇咗半個鐘書就飲奶, 10點鐘就zzzzzzzz

BB活潑返喇~~

尋日父親節, 公公冇假放, 中午同姨媽姨丈食飯, 睇吓瘦咗嘅天諾好努力咁食野呀~~

夜晚就同爺爺嫲嫲食飯, 阿b食得好開心, 仲食到搖晒身, 食飯前爺爺買咗個大人玩嘅籃球俾阿b呵~~食完飯去咗商場行吓, 阿b扮Noody卡通裡面個警察“行必”, 手放後面….哈哈!!! http://www.youtube.com/watch?v=jMytHGdp8vs

多謝各位關心~~

多謝各朋友們and天諾嘅fans給我們message, e.mail, phone call的關心!! 佢d疹今日退晒喇~~ (不過d相就兩日前姨姨影嘅)...

呢幾日阿B返到屋企好扭計, 成日好似樹熊咁STICK住人+攬住自己d被(可能要有安全感),唔鍾意換片同沖涼, 又要扭開電視睇, 胃口及脾氣十分差好易喊, 連最鍾意嘅波波都唔玩, 冇法啦可能响醫院嚇壞了, 依家瘦咗成個碼, 呢幾日爸爸出完trip返來就好痴爸爸, 連夜晚醒咗都要爸爸抱(平時要媽媽先至制架!), 攪到爸爸冇覺好瞓~~hehe可能罰爸爸在住院唔陪佢啦~~希望bb快d好番啦~~因為父親節同端午節都來緊可以去玩吓呵!! 今日買咗架新嘅Thomas車仔俾佢, 希望佢有興趣玩啦!!

4日3夜法國醫院經歷

話說上星期三(6/6)早上5點, bb突然琴起身叫媽媽, 以為佢肚餓要飲奶啦~~~一抱起feel到佢個身好熱, 量體溫102點幾度即刻俾退燒藥佢食, 佢又如常玩wow, 平時食咗藥休息吓好快冇事, 點知到咗星期四(7/6)仲反覆燒緊, 體溫仲103-104度, 算係好高燒…….諗住同佢睇醫生啦, 點知平時睇開個醫生放假, 嗱嗱聲問其他朋友介紹醫生啦~~最後早上9點去咗浸會醫院一個到診醫生度睇, 當時醫生檢查過話冇徵狀, 不過咁高燒就建議入院~~嫲嫲話問多個醫生意見好d, 急死人喇….仲係好高燒, 爸爸要趕機去柏林開會, 最後夜晚11點半爺爺搵咗個朋友去法國醫院睇, 醫生話佢扁桃腺發炎, 咁高燒都係入院好d!
就係咁就入咗法國醫院, 上到病房先知原來要吊salt water, 仲要抽血, 取鼻涕, 喉嚨抽樣本做化驗, 聽到已經心寒, 爺爺嫲嫲趕返屋企幫bb拾入院野, 媽媽就抱住bb入護士室, 放低bb後就响門外等………聽到bb勁喊, 叫阿媽阿媽……15分鐘後bb出來喇, 已經吊住盬水, 撲向媽媽然後好攰咁僕低, 當時已零晨1點喇~~ settle晒 bb已經zzzzzzzz………媽媽就陪住bb!! 不過真係冇覺好瞓, 因為姑娘定時探熱, 探耳仔bb已經喊晒, 耳探溫度高仲要肛探, 阿b就喊到拆天…就係咁過咗一晚
住院第二日(8/6) 抗生素加退燒藥令bb體溫有所控制,不過都仲係反覆101, 102,103度, 佢好乖雖然隻手仔俾人紮住同埋駁咗喉, bb都冇想拔走佢, 只係唔肯食野同飲奶, 眼見佢原本漲卜卜肚腩仔已經流咗氣, 成個下午姨姨, 婆婆同佢玩, 姨姨氹佢食提子包總算有d野落肚, 食咗半塊啦! 响病房一見到白衣天使同穿西裝男人(似醫生), 不論係咪攪佢已經喊定先……….醫生巡房喇~~佢喊足全程, 醫生話佢扁桃腺仲好紅同大, 近喉嚨位仲生多粒”非之”tim………果晚好多人來幫bb打氣, 爺爺嫲嫲公公婆婆叔叔姨姨舅父姐姐姨丈, bb同佢哋玩得好開心tim…..10點左右就瞓著lu…..到咗零晨3點媽媽摸吓佢頭仔, 嘩好熱呀~~call姑娘一量104度呀, 又要塞藥退燒, 喊一陣bb又瞓返…..
住院第三日(9/6), 今早媽媽發現bb牙仔多咗一隻, 响下排門牙, 對上一次出牙已經係幾個月前嘅事lu~~~bb嘅胃口仍然好差, 不過燒就退咗, 只係偶然量到102度, 嫲嫲買晒麥皮, 通粉, 麵包睇吓bb食咩, 樣樣食幾口bb就令頭唔要lu………呢日bb退燒喇, 下午姨姨, 婆婆同姨婆搵佢玩後瞓咗1粒鐘, 醫生睇過佢都話佢扁桃腺冇咁大喇~~晚上隔離床換咗人, bb好活躍咁撩人玩, 叔叔來到都話佢好精神! 不過呢晚瞓得好差, 兩個鐘就喊一次, 都唔知佢邊度唔舒服…..
住院第四日(10/6), 因為bb已經冇燒, 媽媽心想出院應該冇問題, 所以8點鐘bb起身, 媽媽同佢講完good morning後就問佢返屋企好唔好? Bb話 “好”跟住就望向床邊個盬水架做出bye bye動作真係好好笑!! 醫生檢查過, 發現bb出疹, 係玫瑰疹, 好彩可以出院喇~~雖然檢查過程bb都係喊住, 但係最後我哋要佢叫伯伯byebye同謝謝都肯做, 佢真係知道睇完醫生架!! 之後姑娘好快就幫佢拆吊針, bb好耐冇出房門周圍行過喇, 媽媽就即刻同佢著鞋仔行吓, 出咗房門見到好多姑娘都唔驚仲同佢哋say hello同byebye, 都不知幾開心~~~~
今日d疹出晒來喇~~面, 胸, 腹, 背, 手, 腳都有, 仲眼腫腫tim….

第一次返大陸

帶bb返大陸真係好勞動, 加上天氣熱到人都溶!! 尋日帶bb返大陸拜山同埋返媽媽祖家探太公太婆, 行程緊密, 到依家仲覺得好攰(bb除外)!! 雖然天氣熱, 但都冇減弱bb嘅心情, 拜山時鞠躬拜拜bb都好用心, 佢仲跳舞俾太爺睇tim! 返到太公祖屋好乖咁叫人, 仲派荔枝俾太公太婆叔公叔婆食, 氹到個個都開心, 仲有唔知點解天諾影相時好開心, 睇吓張大合照個個都笑得好開心連太公嘅金牙都閃晒出來!
bb白白的皮膚第一次咁曬法, 返到屋企同佢沖涼先見到輕微兩隻色…….
好耐冇講吓bb學講野進度, 上星期佢大躍進, 識得叫自己”諾諾” “Tim Tim”, 最難叫嘅窿窿(公公)同諗諗(嬸嬸)都發到音喇~~就係姨丈難到佢, 姨咗好耐都叫唔出~~

表弟滿月

上星期日表弟滿月喇~~天諾唔知係咪開始呷醋, 成日摸完表弟就想大力拍落去, 表弟喊佢又扮叫, 好好笑呀! 不過拍唔到video, 呢個video最尾幾秒睇到d咋! http://www.youtube.com/watch?v=0kVaeVD-XNY 依家我哋問佢表弟呢? 佢就答"打打"