同學仔gathering@佐敦谷公園

忙咗一輪小一面試, 雖然天諾未有好消息, 但一班細佬都係時候要鬆吓! 今日相約班同學仔一齊玩, 一大片草地俾佢哋周圍走, 好開心呢! 妹妹最愛跟住哥哥………. 成班細佬同媽咪都一拍即合, 各有各玩, 各有各傾過不停!! 天諾因趕住去上乒乓堂, 玩咗唔夠3個鐘就好依依不捨咁走lu………

夜晚同公公婆婆食飯, 賀佢哋大陸間屋入伙! 成餐飯, 妹妹對呢條魚好有興趣仲主動要同佢合影,哥哥呢又氣管問題狂咳.....唉!!

Congratulations to Cling 表姨學有所成

好難得有咁齊人呀!! Cling表姨又靚又叻仲好孝順, 天諾天穎真係要好好學習啊!
我哋先相約飲茶, 咁啱商場佈置有Percy同James, 兩隻b開心到不得了!!多謝舅父同佢哋影咗好多靚相!!

去到理大影相, 呵呵似乎幾個B都唔係好明畢業的意義, anyway影咗相留念再慢慢解釋吧!! 我哋影相好有鋪排架, 除每家人影合照外, 長輩、同輩、後輩都各有影! 想當年我畢業都有影同輩合照, 印象中d表弟妹都係好似天諾咁嘅size, 時間過得真係快!

interview@民生 + 喪玩@AMC adventure zone

天諾果時冇報民生 , 不過見今年第一年開英普班, 就即管一試。Interview 只用了十五分鐘, 全程講普通話亦係媽媽同妹妹的弱項, 老師問顏色基本上天穎未能用普通話答, 所以媽媽轉用英文問天穎, 好彩天穎肯答!不過老師講故事時間天穎好似唔多專心, 其實個 interview好簡單, 唔知佢哋點揀學生呢?

完咗interview, 我哋同姨媽會合去AMC參加party, 兩兄妹同Anna Bella姐姐玩, 今日佢哋各有突破, Anna Bella第一次玩90度直角滑梯, 天諾由媽媽陪同下玩咗激少少的滑梯(做阿媽真不易, 其實離心力媽媽都驚架), 而天穎可以自己玩呢條彩虹滑梯…..勁呀!

Birthday party@明慧

天穎12月11日先生日, 估唔到學校咁早開party, 做birthday girl梗係扮靚d啦~~但好有性格的妹妹唔係件件衫/裙肯著。好彩再後都搵到套佢滿意既!

爺爺嫲嫲去完旅行返來喇!

返來第一時間帶班細佬去買玩具, 天穎同天行好快已搵到target,但天諾…..可能近排已買咗心頭好, 响玩具反斗城行咗三個圈都揀唔到, 最後爺爺recommend一盒玩具俾佢, 半推半讓就買咗! 出到門口, 媽媽就憑呢張相就知天諾根本唔鍾意,問佢一句要唔要換, 佢毫不猶豫入番去換, 最後佢放棄大盒玩具揀咗架車仔算lu~~

SC & KV interview

因應依家教育制度和課程, 爸爸媽媽認為俾天穎做大大女會好d,所以今年妹妹再報K1。我哋target一條龍同埋熱門學校, 今日天穎去兩間九龍塘超熱門學校interview, 上年哥哥間學校唔收, 今年再考過, 而且媽媽膽粗粗同天穎報用英文interview!! 10:30到學校報到後, 天穎先到玩具室, 同枱4個小朋友一齊玩lego,老師就開始俾分, 天穎反應算ok, 有答自己名又專心自己玩, 老師行埋來唱歌只係望兩眼, 好彩老師最後叫blow the candles, 天穎都俾反應! 到同英文老師傾計, 佢好乖坐定定答, 不過嚴格來講佢只答啱一半! 比起上年已經好好多喇~~見普通話老師時, 指出眼耳口鼻全無問題, 叫佢唱歌就怕怕醜醜! 希望佢過關啦!

約哥哥食過飯下午就去KV, interview過程不用15分鐘, 天穎答自己名幾多歲玩砌圖, 唱歌就完成喇!! 不過最重要門口個主任收form及派糖, 天穎接糖最快, 但講多謝好細聲, 老師問佢讀邊間幼稚園, 佢明明識答又唔答………..呢兩間都有六千多人報名………又要講good luck to us!!
P.S.今日天氣好熱, 媽媽原先買的戰衣太熱著唔到, 所以今日的衣著不多滿意呢, 希望個樣搭夠, 哈哈!