Interview @WKF

來近呢三個月將會係P1 and K1 interview嘅高峰期, 爸爸媽媽都有迎戰的感覺, 但天諾似乎放暑假放到心散晒, 好多k2學的字都忘記…… 雖然媽媽都有同佢溫吓習, 但佢似乎未回魂呢!! 今次去呢間一條龍直資小學, 校舍新, 好多人comment課程creative, 程度淺d, 屬愉快學習唔太谷, 但未有畢業生唔知學術程度如何。 由於未有畢業生即無譜睇,選呢間學校都好15/16, 所以呢次interview我哋都平常心, 冇同天諾講解太多, 只提醒佢要有禮貌!!

Interview完見到天諾個樣冇咩表情, 問佢interview點呀?
佢第一個comment話呢間學校好悶, 首先要畫畫(佢話畫咗張一家四口响草地的畫), 有NET同佢傾計, 之後又有位老師問佢,如果有一日搭lift佢入咗lift但爸爸媽媽未入咁佢會點做? 天諾答:按38樓然後叫auntie開門。老師再追問:如果响街發生呢? 天諾話佢响街搭電梯唔搭lift架喎! 老師再問: 如果呢個情況真係出現咗呢? 佢話企番响度等媽媽……哈哈爸爸媽媽聽完都讚佢肯答好叻, 最難得佢咁清楚講番俾我哋聽!! 面試結果在十月公佈! 下星期就in最like嘅Ying Wa喇!!

兩日一夜澳門遊

諗起去旅行帶住兩個b會好辛苦, 所以每次諗完好快打消念頭…..今次澳門遊由姨媽姨丈發起, 仲有公公婆婆一齊去, 爸爸媽媽應該handle到啦~~ 唉!想起天諾唔夠兩歲已去日本玩, 相反天穎今次係第一次出門玩呢, 真慚愧爸爸媽媽俾天穎的時間同節目都冇天諾咁多咁豐富!!

估唔到開船十分鐘左右”天諾已經問:到未呀?”攪到妹妹都不耐煩呢! 上岸後先去醫肚再去大三巴行一轉, 熱氣迫人影張相後就返酒店游水, 有得玩兩個都好開心!

游咗個多小時就搭hotel shuttle去食飯, yummy又抵食嘅一餐, 兩個細佬可能游完水特別餓, 自己”扒”飯食好乖呀! 之後去咗威尼斯人行一轉, 好攪笑, 入到去天諾以為仲係daytime啊! 呢晚,天諾天穎成日扮攝影師, 所以我哋今次多咗大人合照!

原本見gondola rides有d特色,天諾又想坐, 諗住豪花$500左右玩吓, 哈哈!買票時太夜趕唔到尾班船, 慳番d錢去食雪糕, 食完都差不多10點就搭的士返酒店 。 返到房, 兩個都好精力旺盛, 就等佢哋浸吓浴, 之後响床度玩一陣, 天諾話今日係day of Tim, 幾點瞓由佢話事, 天穎呢諗瞓前講咗次想返屋企, 不過冇人和應佢就瞓lu……最後妹妹11:30瞓, 佢差不多12點先瞓!

第二朝食過早餐再去游水, 爽呀!! 下午主攻kids city, 天諾見有電子遊戲機成日痴實, 天穎呢好想玩滑梯,媽媽唔可以陪玩, 妹妹自己膽粗粗去玩, 叻叻呀! 玩咗個幾鐘去買手信後竟就順順利利返香港!!

小白兔送紅蘿蔔

得Kaitlyn媽媽幫手訂票一齊去睇話劇, 連妹妹都有份!!唉~~本來好地地, 一開始有個姐姐講野大聲少少, 天穎嚇到喊仲成場出咗去唔肯入來呢, 唯有爸爸响場外睇電視欣賞lu….相反天諾好enjoy,成個show都有反應, 仲話下次再睇喎!!

好忙好忙

放低咗成個月冇update過! 唔知從何講起好, 好多野好想記錄出來, 依家慢慢執番, 先返回暑期最後一個星期, 天諾因要去interview而提早考試仲成功游到12.5米! 雖然泳姿一般, 但總算游到啦~~~叻叻!!

招呼朋友仔Ambrose

話說上星期日睇戲天諾best friend Ambrose病咗冇來, 但佢兩個都好掛住大家, 咁啱Ambrose媽咪放假就邀請Ambrose到我哋屋企玩!! 媽媽因假期有限, 而今日只响屋企玩, 所以冇請假等天諾自己主持大局!! 媽媽打電話返去聽吓招待情況, 從電話中只聽到好嘈, 而Ambrose媽咪話屋企好似戰場, 媽媽估到兩個男孩子的破壞性有多強!! 媽媽放工返去同佢哋一齊去食晚飯, 開開心心又過咗1日喇~~~

CARS 2 @ Element The Grand cinema

兩兄妹第一次入戲院睇戲, 為咗反斗車王天諾克服恐懼戰戰兢兢咁睇完成套戲, 當然仲要多謝成班同學仔一齊睇幫佢壯吓膽啦~~天穎睇咗1粒鐘後開始扭計, 唉!!媽媽俾佢攪到冇晒mood睇喇, 好彩哥哥乖睇晒!!

之後同班同學仔食lunch+溜冰~~ 天諾第三次溜冰, 自己扶住企鵝仔沖出場完全唔駛人幫, 連跌倒d哥哥扶起佢都冇事繼續自己玩! 咁媽媽就安心扶妹妹玩! 天穎都好叻, 好快行吓行吓都balance到…….

就係咁玩咗成日就趕去上乒乓課, 玩到攰晒, 天諾一邊上堂一邊打喊露~~似乎尋日的水戰+今日的活動已用盡佢的體力喇~~
等天諾上課期間俾我哋撞見舅父仔! Oh佢以前都係讀st cat而家入到心儀小學真開心, 希望天諾今年考小學都順順利利啦! 最好笑叫佢哋影相, 天穎主動去拖舅公, 第一次見面好似好friend咁!

Pool Side Party@RHKYC

第一年參加呢個party, 多謝爺爺嫲嫲!!
去到泳池見到個場已經超high! 天諾完全唔怕水咩都玩, 個滑梯佢唔知sir咗有冇30次呢!! 佢玩玩吓仲學埋d鬼仔的佻皮落水法, 又 背住sir又超人式sir……最後唔用潛水鏡都照sir……..有buffet在旁天諾完全唔理, 只係non-stop playing and swimming…….絕對係Play Hard!! 天穎呢攬住個水泡自轉, 游吓游吓都好enjoy, 不過經多番鼓勵都唔敢玩滑梯!!

大少與妹仔

家中男仔同女仔分別, 好多人話女孩子比男孩子早熟而自理能力亦好好多.........呢個定律亦响我家出現呢! 妹妹的確自己餵食好過同齡的哥哥, 依家已自己識著褲, 有d野就算唔識都好多時主動要求自己做, 仲幫手做家務呀!!

今晚爸爸出咗街, 哥哥想玩反斗車王玩具, 平時的天諾對住呢d玩具只會lur人幫佢砌, 由於媽媽堅持要佢自己負責, 最後都有8成可自己完成, 有進步呀!! 不過睇個video, 妹妹仲乖呀, 幫手摺手巾, 但哥哥只顧玩!

呢排妹妹鍾意學寫字, 上兩星期教過佢寫Q字, 佢成日寫仲好開心人哋讚佢叻! 呢個星期慢慢教O, I 同T佢又記得晒....又學埋哥哥畫太陽, 真係叻叻!!

爺爺happy birthday

早在三個月前問過天諾的小提琴老師….天諾有冇可能响8月識啦生日歌! 其實媽媽只係問吓….因為當時天諾一首歌都未識拉, 只學咗A, B, C, D, E, G單音…..估唔到老師話Nothing impossible就教吓俾佢試吓, 老師仲專登改咗首歌嘅notes來就天諾, 練咗兩個月雖然仲有好大進步空間, 不過夾埋妹妹唱歌成為今年perfect的生日禮物!!

爺爺Happy Birthday

Ian 4歲 birthday party@ pizza hut

天諾一起身就問幾時去Ian生日會, 星期六天諾要先上泳班, 好開心爸爸話天諾冇輔助之下可游到十米, yeah!!
上完堂天諾就痴實Ian驚住錯過時間, party開始前先到Ian家玩….唉!激c呀, 三個 一齊梗係影相好唔合作!!

上年Ian生日會天諾已經半個主人家咁, 今年差唔多, 因為Ian唔玩嘅佢就代玩! 最估唔到係妹妹唔駛媽媽guide住之下可跟d姐姐一齊玩遊戲同製作pizza, 影合照時有d混亂因為個蛋糕實在太靚, 小朋友太喜歡喇!!

Ian祝你身體健康, 開開心心, 快高長大!!

熱溶@Disneyland

今日再次得Edward叔叔相助我哋入園玩! 只係由停車場行到樂園門口已feel到熱氣迫人! 今次入園天諾已認定目標要同反斗車王McQueen見面, 11:45入到去剛見Cars的表現剛完結…..天諾送車尾, 唯有玩住其他野等5:30再睇, 不過烈日當空行到園中間爸爸媽媽已好想搵冷氣地方涼一陣, 首選small world!! 坐完船仔出來剛見到有parade, 係第一次 睇五周年的巡遊, 所以大家都覺得新鮮!

經過同CARS有關的場景, Tim都唔會錯過, 原來仲可以做特務搵stamp!! 見天諾咁雀躍我哋當然奉陪, 完成任務後可影相返到屋企download張證書!

到咗McQueen出場, 响正城堡前嘅西斜位乾曬, 呢d時間通常天諾熱到發脾氣, 不過為捧McQueen佢居然冇半句呻的說話! 媽媽feel到佢好似fans捧偶像一樣呀!!
今日玩既野唔算多, 不過總算任務完成!! 哈哈臨走, 見到爸爸個friend, 有機會呢個暑假再來捧反斗車王場!

明周訪問-傳統

姨姨個朋友知道婆婆家有套掛買咗俾我哋幾姊妹輪住用, 好特別同貼題(傳統),所以邀請咗我哋幾姊妹同婆婆一齊去姨媽家做訪問, 姨姨搵friend幫我哋執執個頭同樣先上鏡, 有髮型師來到我哋一於把握機會同班細佬剪髮! 天諾有晒經驗剪髮完全冇問題, 而妹妹第一次俾陌生人同佢剪髮, 出奇地合作, 好叻叻呀!! 而兩位表表呢, 扭計怕醜, 唯有下次先啦!

before after

經過一個下午姨媽屋企已被各大小朋友攻陷喇~~為答謝姨媽姨丈借出間屋, Tim & Tia 夾咗首歌俾姨丈, 製作過程當然有蝦碌鏡頭啦!!

好彩最後都good take到!