元宵節x 結婚6周年

星期日aunty放假, 爸爸媽媽湊住兩個b冇特別安排節目, 再加上一早預咗同婆婆食開年飯…..其實見到兩個b相親相愛爸爸媽媽已經好開心, 今日妹妹換季著新衫, 媽媽想同佢影相, 不過天穎極度唔合作, 天諾就主動話幫手引妹妹, 又拖又攬妹妹都唔肯企定呀! 好彩天諾都擺晒post, 媽媽當然唔放過啦!

Shelley姨姨家拜年

今日帶天諾返完science workshop去Shelley姨姨家拜年, 兩兄妹毫不客氣攪破壞, 連kwan kwan都話自己攪破壞, 好彩有恩恩好有條理咁幫手clean up……hehe兩男孩子實在同女仔有太大對比啊~~妹妹要學吓野喇!! 第一次見恩恩妹妹, 7個月大同14個月嘅天穎身長同體重差不多, 個頭仲好似大個天穎呀!
p.s. 唔該晒叔叔, 好彩有你車我哋返學!!

愛玩煮飯仔?

今晚去叔叔屋企食飯, 天穎新屎坑見到煮飯仔痴住玩, 似模似樣仲讚自己叻叻! 天諾同天行就為咗Thomas各持己見, 一個話要手推一個話要電動, 好彩天穎行來行去冇加入戰團啫!

煮飯歌?

爸爸開夜, 天諾話錄首普通話歌俾爸爸聽喎!! 都唔知佢唱咩, 仲話本兒歌書冇架, 叫媽媽唔駛搵wor! 媽媽聽到好似同煮飯有關, 你哋聽得明嗎?

Missing哥哥嘅天穎

每日哥哥放學, 天穎一定會大大聲叫”哥哥”仲一定要攬吓哥哥tim….不過返完學我哋要天諾沖完涼先俾佢攬, 咁哥哥沖涼期間天穎會扭計叫到見到哥哥為止. 睇video就知天穎有幾咁掛住哥哥, 雖然個video見到有個小意外, 天穎好快就冇事繼續痴實哥哥, 女仔係咪真係嗲d呢!! 尋晚爸爸放工沖完涼一行出來, 天穎要爸爸抱仲主動鍚爸爸一啖呀!! 返工有幾攰都”鋸”晒啦!!

同學仔團拜

同學仔團拜可以話係天諾最期待嘅節目, 大半班同學仔來咗呀連uncle Bill都來同小朋友, 我哋仲帶埋天穎參加, 一去到天諾周圍走自己搵同學仔玩, 天穎呢跟住哥哥大叫走來走去, 一大班同學仔唱歌時天諾就周圍走唔合作, 相反天穎就好欣賞d哥哥姐姐唱歌, 到同uncle Bill玩遊戲, 天諾好留心同主動咁玩, 天穎都襯熱鬧坐哥哥隔離, 食野時間, 天諾完全冇問題, 坐埋同學仔一堆自己食!! 今晚真係玩得好開心呀~~~

最後一日假期節目都係拜年, 今日去咗探打針叔叔嘅bb, hehe~~好彩天諾唔記得邊個幫佢打過針jei, 天諾仲玩打鼓, 好似打得似模似樣咁, 問佢學唔學佢又話唔學wor!

好凍呀~~

呢個新年夠晒凍呀, 連爸爸都要著返條長褲呀!! 呢幾日兩兄妹就日日做糉, 唔知天諾係咪知道出街好凍, 所以寧願留响屋企等人來拜年都唔願出街, 上午有時間我哋就帶妹妹出去行吓街食吓野! 唯一出動係去爸爸舊boss度拜年, 天諾天穎氹得主人家bb笑到卡卡聲, 食黑芝麻蛋糕天諾見到黑蚊蚊唔敢食但就幫手餵小妹妹食, 天穎呢唔理咩嚟痴實媽媽食埋一份, 好為食呀!
幾日假期真係過得好快呀!

年初三

一家去搵表表飲茶拜年, 今日有一突破就係入錢玩電動車, 平時天諾只會坐, 唔俾我哋入錢, 今日見妹妹玩得咁開心, 佢又話要玩!!

年初二

今日去嫲嫲屋企食開年飯, 今年太嫲都一齊食呀!! 天穎仲第一次完完整整叫”太嫲”, 仲叫咗幾次, 氹得太嫲好開心tim!! 媽媽都好surprise天穎學講野真係好叻叻!!

下午返大陸拜年同玩煙花, 因為爸爸媽媽handle唔到兩個b唯有留低妹妹响嫲嫲度, 就由天諾做代表啦~~天諾先到太婆屋企拜年玩淋花, 再到太公太婆度食飯玩煙花, 估唔到d姨姨仔舅父仔咁鍾意同天諾玩, 由於舅父仔得8歲, 天諾成日叫咗佢做哥哥, 天諾至愛玩”吱吱仔”

年初一

祝大家心想事成, 身體健康!!
女仔嘅華服真係得意好多呀! 嫲嫲送嘅賀年衫天穎今朝一著脹爆, hehe! 好彩仲有婆婆送果件都係just fit……自己都引唔住要讚吓個囡好cute呀!!
一如以往, 年初一先去太嫲度, 食過早餐再去其他長輩度拜年, 天諾見到”全盒”一定會幫襯, 佢仲識得同媽媽講邊隻朱古力好食d呀!! 天穎頭兩站都有d怕醜, 去到太叔婆度可能人少d先肯落地玩…..
最後一站返嫲嫲屋企, 食過午飯就遊車河行大運, 之後响嫲嫲屋企三兄妹除咗玩”呢埋”, 跳嫲嫲張床, 最好笑就係天穎拎住嫲嫲d LV手袋扮去街!

忙碌年三十晚

今朝一早飲完茶一家同公公婆婆姨媽姨丈姨姨榮哥哥一齊行花市, 天穎第一年行花市周圍行好興奮, 天諾就周圍搵心儀嘅野買, 今年收穫係一張吹氣虎sofa, 反斗車王balloon.
第二站陪媽媽去尖沙咀shopping, 仲同一哥相遇一齊行街街!!
最後去同太嫲食團年飯, 嫲嫲今年hand-made咗利士袋俾3個孫逗利士呀!!

年二十九

今晚天諾第一次幫手準備全盒, 一邊幫手一邊問咩呢架, 食唔食得架!! 真係為食豬, 為咗唔想佢食咁多糖果, 我哋同佢講要年初一先食得, 好彩佢都肯聽, 冇得食為有望吓摸吓來滿足吓, 哈哈!!

4歲發展評估

今日帶天諾去健康院做4歲發展評估, 先去驗眼, 平時睇咁多電視幾驚佢有近視呀, 好彩一切正常, 唔駛咁細個就戴眼鏡~~ 體重40磅, 高105cm屬中大碼, 其他發展都冇問題…….時間啱啱好攪掂去上uncle bill堂, 媽媽發現佢好唔專心呢, chloe同anson答到嘅問題, 佢就遊雲!!

上完堂就換衫返學, 今日係學校party穿華服, 先來同Chloe合照, 返到學校再同其他同學仔影相, 有陳老師幫手叫佢哋望鏡頭, 張相影得唔錯架~~

媽咪媽咪

妹妹呢個星期識叫媽咪, 叫得好好聽, 真係好冧架!

Dinner@Dumbo

嫲嫲去完旅行返來又一大盒玩具, 今日約埋細佬一齊食飯, 小飛象嘅玩具閣換咗張跳彈床, 兩兄弟跳得好開心呢!!
p.s. 妹妹冇街去, 見住媽媽同哥哥出門口喊咗好耐, 好可憐啊~~

公公婆婆家團年飯

呢個Sunday落大雨冇得去公園玩, 今日由下午開始到婆婆家, 兩兄妹咁好精力真係玩榭芬姨姨, 公公婆婆同舅父姐姐呀! 指定動作唔少得同大細表表合照啦~~

上學期評估

收到天諾學校上學期評估, 知道佢响學校好enjoy開心, 爸爸媽媽都好滿足lu!
今日parent’s day同天諾返學校見家長,普通話老師病咗, 只有Miss Abby俾到 comment: 天諾係活躍男生, 勇於表達自己而且識用full sentence同老師對話, 响學校亦有一班好玩得埋嘅同學仔,上堂容易distract attention, 不過提一提佢會好快再跟上, 要經常提醒用soft voice响classroom講野!
今晚同佢做手工, 製作咗一隻蜜蜂, 拎住隻作品時自發唱咗首學校教嘅歌, 可惜冇歌詞响手, 唔知佢唱咩wor!

入錢錢

Insert coin一個簡單動作對於未到14個月嘅天穎係新挑戰, 今晚同天穎玩一玩試吓佢小手指肌肉靈活性, 估唔到教咗幾次天穎就識喇~~好叻叻呀!