團年飯@婆婆家

今年食飯已可以一枱大人一枱小朋友自己食喇!! 幾個細佬食完飯好滆洽咁玩, 見到佢哋有交流溝通真開心呢!

爸爸一拖二行花市

年二七媽媽返緊工, 爸爸開始放新年假仲興致勃勃帶兩個細佬去行花市，單拖對住兩個活躍B唔易架，爸爸叻叻!

天諾牌揮春

自上年起天諾懂執筆寫字, 媽媽就叫天諾寫揮春, 今年大個d, 識寫嘅字多d, 難度當然高d啦~~最好笑天諾要求寫龍馬精神, 媽媽話龍字好難寫架喎, 天諾話唔怕佢可畫條龍, 結果被媽媽笑似條虫, 咁天諾話我寫龍字但畫隻馬啦, 但佢嘅畫功連佢自己都唔滿意, 最後佢話都係寫字好d, 哈哈媽媽大讚佢寫得好仲貼咗响公司呀!!

天穎學校花市

天穎學校辦花市義賣, 媽媽俾二佰元Auntie Alma同天穎返學。 哈哈!Auntie話天穎逐個counter指”我要呢個同呢個” 好快就用咗$198…..呢個妹妹真識駛錢呀!!

天諾六歲生日

話咁快六年喇~~天諾個樣已不再Baby, 仲係幼稚園生嘅天諾，出街就成日俾人問讀小學幾年級。雖然體型高大，但媽媽覺得佢思想仲係好低B呢,哈哈!! 問佢有咩生日願望佢只會好膚淺咁話要買好多玩具…..唉! 細細個已係購物狂!
天諾指定今年嘅蛋糕主題Mr.Men, 蛋糕裝飾用Tim’s favorite Mr. Strong同Mr.Tickle。都唔明天諾點解like d咁幼稚嘅野! 好彩佢一早mark咗爸爸媽媽送一套Little Miss嘅書做生日禮物，唔駛我哋諗姐!!

陳家新成員

芬姨姨經歷48小時陣痛最後都係要開刀….>p<…八磅六巨B來喇!….oh!差幾分鐘小表弟就可以同天諾同一日生日~~anyway 最重要母子平安!

Birthday Party @ 姨媽家

今年實在係忙碌年, 爸爸媽媽嘅心思早就放晒响哥哥搵小學妹妹搵K1身上, 所以早就同天諾講定唔大攪生日party改為到姨媽家開小型生日會。好彩天諾冇lur住要攪大佢，不過佢識計住邊個未送禮物俾佢仲跟手follow up提醒人tim……真好笑!

Holiday activity @ Cyber port

已經是第二次去cyberport嘉年華, 前年去時妹妹只係企埋一邊冇得玩, 今年兩兄妹一齊high~~天諾最期待玩船仔, 所以第一站先玩呢個攤位, 哥哥好happy, 但妹妹唔多enjoy,成日話濕咗濕咗!! $40/ 3分鐘咁貴當然鼓勵佢努力玩啦, 見天穎慢慢摸索到前後左右控制, 不得不讚呀 ! 叻叻!

之後就玩不同類型的滑梯, 連四歲以上先玩得嘅攤位天穎都衝上去玩, 膽子實在大過哥哥呢~~

開心2012

新一年第一炮有姨媽請食爐端燒, 一家人出動好震撼好似包場一樣, 熱熱鬧鬧…..d野又好食yum yum……多謝姨媽姨丈…..