Interview @ SPCCPC

今日提早接Tim Tim放學去interview, 好彩有爺爺嫲嫲接送令過程更順利。
呢間超級貴族名校,如果唔係爸爸屬old boy是有關係人仕, 相信我哋未必會報, 學費貴又遠……2600人報名爭140個位……..都係果句, 即管一試啦! 今日天諾自己揀衫著話要同爸爸一樣喎!!
天諾入去interview足足响interview room逗留2小時10分鐘, 爸爸媽媽焦急咁响門外等等等……..當好多遲過天諾入房的小朋友都陸續出來, 而一批又批新candidate入去時, 爸爸媽媽諗唔明點解阿仔攪咁耐都未出來, 從其他小朋友口中知道原來interview room有電視睇! 哎呀~~唔知天諾係咪顧住睇電視呢……..天諾出來居然話好玩, 又話鐘意呢間學校…..都唔明, 平時in得耐佢會投訴, 呢次又冇喎!

佢好興奮話有電視睇, 好多時間睇書, 佢睇咗幾本, 有一本關於robot既書佢想睇不過有小朋友睇緊, 佢有問人哋讀完可否借佢睇喎!(出奇地有禮貌啊!), 佢話見咗校長, 校長俾張圖佢要搵白兔出來, 不過佢有一隻搵唔到喎! 之後有問佢平時放假會去邊, 爸爸媽媽心想”唔好答玩具反斗城呀!”, 好彩佢話佢答海洋公園、廸士尼同埋去公園玩! 其他問題佢開始模糊唔記得, 算啦完成咗任務好叻架喇!!

兩兄弟蝦妹妹

呢排天諾天行friend咗, 仲識夾埋唔同妹妹玩! Oh~~但妹妹好like痴住佢哋玩! 今晚佢哋唔肯同妹妹坐, 唉!!

華服日

好彩個颱風打早一日...........有得幫妹妹扮靚靚, 媽媽當然唔放過啦! 媽媽早就買定條裙俾天穎返學著,不過低估咗妹妹嘅size, 條裙just fit 咋! 不過都好可愛啊!

傻媽媽!

呢個星期係報小一的家長緊張的日子, 第一階段-自行收生! 爸爸媽媽對呢個計分階段全冇期望, 不過都要盡力去報咗先, 我哋揀選次熱門的31網油天 , 其實油天有新舊兩間, 媽媽見升中派位兩間都差不多, 而舊油天的機會率好似大d, 爸爸媽媽就交form去40年校舍的舊油天, 不過交完form後媽媽開始後悔呢!! 始終個校舍真的不吸引, 內裡的佩套又………最終媽媽第二日傻吓傻吓去學校問人拎返份form, 再去新油天交過! 哈哈 ~~

乒乓球Level 1考試

由於Level 1開始, 上堂已經用standard高度嘅枱, 天諾似乎係全班年齡最細, 高度亦係好marginal打到, 教練亦相對嚴格! 我哋平時疏於同佢練習……..講咁多唔係要同佢搵藉口fail, 只係要合格對於五歲半的孩子是有難度既! 考試要求係要發球,正手, 反手, 削球每項每十球有六球打中斜角位置, 結果天諾”肥”咗升唔到班, 見佢都有唔開心, 爸爸媽媽promise會同佢練多d! 下期會再報level 1, 努力努力 !

爺爺買玩具又出招喇~~

爺爺嫲嫲每星期都會帶天諾,天行, 天穎去買玩具, 媽媽早就放棄STOP佢哋咁做, 因為佢哋太愛d孫喇~~~ 今個星期,天諾揀咗反斗車王lego成千幾蚊架!! 雖然for age7+, 但爸爸媽媽要佢儘力自己砌。最後由爸爸協助下有8成係天諾自己完成,砌咗三日共用咗五小時!! 希望佢會珍惜d玩具啦!

兩個一齊做功課

人仔細細的天穎都有功課, 呵呵~~平時哥哥做功課天穎已經八八掛, 為免佢阻住哥哥,媽媽會給佢一些練習簿等佢畫吓, 今個weekend佢第一次收到自己的功課, 同哥哥同枱好興奮好乖咁做, 希望佢哋打後都咁主動做功課啦!

Bye bye乳齒

今日去見牙醫, 哈哈!媽媽仲驚過佢, 醫生手勢好好, 天諾都好叻全無反應下脫咗兩隻牙, 媽媽連電話都未ready去幫佢影相就攪掂喎!! 媽媽專登買咗個乳牙盒俾佢收藏好!

八月十五

中秋節團圓日, 去完爺爺屋企食飯再去婆婆度玩! Oh~~玩到身水身汗………

不過今晚最大發現係天諾出恆齒喇! 佢勁興奮, feel到自己大個仔晒!

interview@ St. Paul

差不多每個星期六的節目都係interview, 又一間傳統名男校, 呢間報名人數算係最少(15xx人), 但評分標準對一些唔係old boy同冇宗教背景的天諾非常不利! Anyway 即管一試~~由於上兩次要天諾穿恤衫斜布褲佢表現得好唔自在, 今次陪跑心態就俾佢著得輕鬆d!唉!又係兩三點既sleepy time去interview! 一開始响樹等的時候已表現不耐煩, interview時間只用咗15分鐘, 六個小朋友一組去in, 好彩出來個樣係開心興奮je…….問佢點解咁開心, 佢話因為有lego玩……. 至於面試內容唔太academic, 佢話只係要覆術老師講的故事!

P.S. 一如所料, 面試後兩星期就收到reject letter呢!

天穎的環保燈籠

實在太忙喇，好趕咁用個膠柸做咗個環保燈籠俾天穎交功課。噢!估唔到天穎返來話人哋果d好靚! sorry呀妹妹, 下次爸爸媽媽幫你做個似樣d既!

Interview @ 英華

經歷過幾次interview, 都有少許心得, 就係天諾臨interview前心情係好緊要啊! 可惜天諾in最心儀呢間英華, interview時間係下午兩至三點, 天諾因為呢排早起, 往往响tea time時間最眼瞓。 雖然媽媽用盡方法去激活佢, 但悶熱的天氣使佢心情痳痳。當佢跟大隊去interview時, 臉上表露不悅咁, 爸爸媽媽好擔心呢!! 1小時後出返來個樣更苦，相對其他出來的小朋友, 佢好似係最唔開心果個。唉!! 平靜過後問佢interview感想, 佢話好攰…..有三個老師問佢野答問題答到好攰, 同埋有d中文字唔識讀! 呢次見完老師, 下個月尾見校長，希望下次表現好d啦!!

開學喇

今年嘅開學時間媽媽好忙, 天穎未夠三歲就上K1(其實今年會俾天穎再考龍校同KV,SC始終做大女好過做細呢)而哥哥升upper同時籌備升小 所以特為緊張。
先陪天諾開學, 由讀開下午班要適應返上午班仍需努力呢! 天諾响暑假長高不少, 返到課室埋位一坐就話張枱好細頂腳!! 今年嘅班主任似乎冇上年咁嚴, 而英文老師就同去年一樣, 真係有點悶呢! 不過天諾見到Miss Asha仍開心興奮, 希望佢enjoy最後一年幼稚園生活啦!

至於天穎, 媽媽可以陪佢返兩日學, 短短一個鐘時間媽媽見天穎都好清楚學校的程序, 唱歌跳舞更是佢強項(可能pre-nursery已學過), 媽媽好surprise天穎可以跟足老師的指示同唱跳, 成班同學仔佢算係最有反應的一位呀! Good gril不枉媽媽之前幫佢轉校俾貴咁多學費呀!!妹妹適應期比哥哥果時好得多起碼冇媽媽陪而喊的時間都短d~~呢兩星期天穎都未有校車, 辛苦晒爺爺嫲嫲為佢接送呀!!