Bye Bye 2009

迎接新一年之前先做一個回顧, 媽媽就做咗張poster裡面有兩兄妹2009年一齊影嘅相!!

English class with Uncle Bill

聖誕過後, 爸爸媽媽繼續放假全職照顧天諾天穎, 一早為天諾安排咗1連4日(28至31號)每日個半鐘嘅英文program with Uncle Bill, 其實要上堂天諾一向都唔喜歡, 好彩有一班同學仔陪, 所以天諾每日都好期待去上堂, 佢每日上堂就等落堂.因為落堂後佢可以與同學仔tea一tea, 4日有不同餐廳不同嘅同學仔陪,so enjoy! 最後一日想大家一齊影張相, 郁來郁去好難影到合照呀~~

first day tea time at Pizza Hut

第二日食烏冬, 之後再去影相, 呢張相好似恐龍戰隊呀!!

第三日食意粉, 自己食完一碟又一碟, 好乖啊~~

最後一日麥當奴, 上堂前影咗d相, 天諾可唔可以唔好郁來郁去呀!!

天穎1歲發展評估

今日帶天穎去健康院檢查, 手指肌肉發展冇問題, 姑娘想用個公仔引佢, 一向唔鍾意公仔嘅妹妹即刻搖頭示意唔要, 好攪笑呀!! 至於體重完全冇問題仲差少少就超重tim~~ 之後左右脾各打一支針又大喊, 女仔真係嗲好多, 比起哥哥同期打完針喊嘅時間真係耐d…..

深灣遊艇會

今日爺爺安排咗OUTING去深灣遊艇會, 天諾唔怕沙同水好enjoy咁玩~~

聖誕快樂!!

今日同公公婆婆飲茶, d相影得唔錯呀!!

夜晚再去叔叔度開PARTY~~~

忙碌平安夜

今日兩個b先到媽媽office開party, 妹妹有d怕醜, 哥哥就同明哥玩車玩到唔願走.......

哥哥唱歌之際, 冇為意原來妹妹坐响媽媽大脾瞓著咗!!

之後返屋企歇一歇, 出發遊艇會聽人報佳音, 妹妹嘅聖誕造型好可愛呀~1個鐘頭唱聖詩時間, 估唔到天諾咁有興趣聽足!!

哥哥第一次放balloon上天呀!! 其實好唔環保呢~~

最後再去mega box食飯!!

呢幾日天諾都好乖經常讓天行同妹妹, 值得一讚呀!!

爸爸生日

今日嘅lunch去咗apm食,同埋買蛋糕, 諗住返屋企俾兩個b眠一眠再去街街……..點知天諾瞓醒話唔出街要响屋企食飯wor~~氹咗好耐都唔肯出門口, 只係肯去叔叔屋企, 最後爸爸媽媽响屋企食飯盒再帶埋蛋糕去叔叔屋企開party, hohoho…..已經連續兩年响屋企過生日喇(上年天穎出世, 今年天諾扭計!!)

P.S.今日full-time mom,dad尚算ok呀, 尋晚兩個夜晚瞓覺乖乖, 今朝一齊8:30am起身, 天穎第一次食媽媽煮嘅粥, 食晒仲唔夠食tim,哈哈!!

做冬

今晚帶天諾去婆婆家食飯, 經姨姨一提之下兩老表打功夫切磋起上來, 食完飯大家就跳吓舞, 今次終於拍到妹妹嘅舞姿喇~~

p.s.今日起Auntie Alma放假爸爸媽媽兩星期全職湊b開始, 係一個大挑戰呢!! 今日都算ok, 兩個11點前就瞓晒~~

天穎第一次interview

剛滿1歲嘅天穎經歷人生第一個interview, 天穎明年足兩歲就可以讀幼兒班, 所以今年就要報名….咁細個b都唔知可以in咩, 因為天穎有時見到陌生人會喊, 所以爸爸媽媽只希望天穎唔喊已經pass. 一去到天穎一反常態, 好開心咁周圍走, 又玩車車又玩slide, 仲肯叫爸爸媽媽, 可能地方夠大, 所以天穎好enjoy吓~~當然老師問嘅問題佢一概不理啦, 不過以1歲小朋友來講, 佢嘅表現已令爸爸媽媽自豪!!

蛋糕班

天諾學校嘅聖誕假期已經開始咗, 為免佢日日坐响屋企度睇電視, 要諗D節目俾佢….放假第一日就約埋同學仔一齊學製蛋糕, 媽媽好慶幸識到同學仔嘅媽咪呀, 佢哋攪function真一流, 先有Anson F媽當蛋糕導師, 再有Anson L媽負責場地同食材, Zita媽做聯絡, oh!~~又一次happy gathering喇~~
首先去到天諾就周圍走, 會場係一間玻璃屋, 好grand好大啊~~走走跳跳熱身之後, 小朋友就排排企學製蛋糕, 天諾同媽媽都係第一次呢!! 落麵粉, 打雞蛋, 選蛋糕模, mixing…..媽媽又雞手鴨腳, 要做得好真不容易呀~~其實每個步驟天諾只幫幾分鐘就趕住同同學仔玩!! 不過媽媽製蛋糕時卻成日聽到天諾個名被同學仔投訴呢, 可能佢太熱情, 喜歡同小朋友有身體接觸又會撞倒人, 而且喜歡用長型balloon撩人, 攪到d女同學投訴呢(講起同爸爸一樣成日被女同學投訴!!)….好彩解釋一番後佢肯say sorry…..希望佢對人溫柔d啦!

講返個蛋糕, 我哋揀咗天諾鍾意嘅白兔型, 响蛋糕正焗緊時, 胃食嘅天諾將切咗嘅桃食咗一半,所以伴蛋糕嘅水果係少d呢! 等蛋糕出爐之際, 我哋安排交換禮物俾大家, 天諾初初指定要自己帶去嘅禮物, 好彩抽到best friend Chloe買嘅禮物就開心晒!

20分鐘之後焗好個蛋糕樣都見得吓人架!
可惜我哋趕住帶妹妹去interview, 所以未裝飾好個蛋糕都要走先, 天諾好唔捨得呀, 要媽媽半拉半扯咁走, 仲吩咐媽媽”下次唔好咁趕呀!”

Happy weekend

好開心, 呢個weekend天穎可以跟大隊出街街~~
星期六先去mega box食早餐, 跟住同婆婆一齊去買聖誕禮物, 天諾想要好耐嘅scooter終於得到手喇! 夜晚同太嫲食團年飯, 妹妹著住嫲嫲送嘅靚裙仔, 哎呀!唔記得影相tim…..哥哥成餐飯掛住架scooter, 天行就齋食白飯,哈哈!

星期日, 去飲茶, Anna Bella姐姐同Andy哥哥都一齊呀, 天諾成日扮大個管住Andy哥哥, 又用筷子食晒碟馬拉榚…….之後去咗影相公園玩, 咩叫潺仔強一睇就知, 天諾著到成隻椶咁, 人哋就一件起兩件止!!

感冒休息兩天

天諾又病喇~星期一有d鼻水, 星二晚發燒38oC, 今日冇返學休息一天, 睇咗醫生屬輕微感冒……明天可以返學喇!!而妹妹嘅報告出咗, 一切正常, 可喜可賀呀!!

Studio相- Part 2

之前影嘅studio相終於到手喇~~