表表1歲生日會

呢個生日會絕對係大人嘅party, 因為我哋揀咗去鯉魚門食海鮮, 表表只係參與食菜, 魚同蝦, 天諾就來一句”我要食鮑魚”, 但佢食到好似食香口膠咁!!
兩個B最落力係食蛋糕同埋一齊玩mario車仔, 原來表表都係mario fans來架!! 爭玩具嘅情況開始出現喇~~誰勝誰負呢? 有待分曉!!

林村郊遊

姨媽新居雖然入咗伙, 但仲係裝修緊, 天諾今日去監工之餘,又周圍去視察環境, 姨媽先帶我哋去林村河, 天諾就响果度玩拋石仔落水, 粒石跌落水嘅聲天諾就話”好似痾屎咁樣”, 唉~~講d野似足個老豆呀!! 其間見到好多好大隻嘅螞蟻爬樹佢又唱”oosh there’re spider climbing on the tree……….” 雖然果d唔係蜘蛛, 但佢咁勇敢有感而唱, 我哋當然要讚吓佢啦~~接住去咗個公園仔玩滑梯, 玩咗成十轉先肯走, 走果時佢响地上發現一條好大的綠色毛蟲, 細佬仔真眼利, 佢唔講我哋踏咗落去都唔知呀

最後一站去林村醫肚, 仲同新嘅許願樹影相tim….. 啱啱學識"樹"起手指公, 所以成為影相指定動作!
夜晚公公拎返架三輪車出來俾天諾玩, 佢玩到成9點都唔捨得走呀!!

Beautiful

今晚天諾成日卒眼卒鼻, 可能係頭髮太長, 所以媽媽幫佢扎起d頭髮, 估唔到天諾好like, 仲話”beautiful” tim,
不過扎完辮d頭髮仲好笑呀

細佬仔唔好咁樣呀

今晚係呢個星期最乖嘅一晚, 沖涼願意上水, 食飯食一碗只需半個鐘(仲冇吐飯), 夜晚玩又冇扭計, 最好笑係佢玩車撞車, 自己親吻地墊等等我哋叫佢唔好做嘅動作, 佢玩玩吓居然停响度同我哋講”細佬仔唔好咁樣呀”, 跟住真係停咗冇玩, oh!~~真係乖, 我哋口水都慳番!
早一星期拍咗天諾可自己玩伯父送嘅扭蛋機喇!

放學真開心

放學嘅天諾, 完全睇唔出佢返學時十萬個不願意嘅表情, 有表表接放學就更開心啦!

Mario的刺激-2, mario blue

想刺激天諾嘅, 何止姨媽呢, 姨姨今日都幫表表著mario blue衫呀, Mario red今晚終於要出動喇~~~哈哈今日覺得佢好大個仔呀, 識得教表表玩車車, 不過1歲人仔邊識聽佢指示呀~~~最後攪亂當嘅表表激到天諾講咗句”I am angry” 笑c我哋!!!!

Mario的刺激

呢排天諾新寵孖寶兄弟, 天諾成日話自己係mario red, 天行係mario green, 嫲嫲一早已買咗mario嘅衫俾佢, 點知有日去婆婆度食飯, 榮哥哥著住mario衫攪到佢望住呆咗, 姨媽見佢反應咁攪笑, 決定今晚俾多次刺激佢…..姨媽姨丈上來食飯一齊著咗mario衫, 一開門天諾就~~依一聲~~再望吓自己講”Tim Tim有車車衫”, 接住再講”TimTim件mario污漕洗咗”…..哈哈自己諗藉口!!!

公公 what are you doing?

Bob公公又出招幫我哋修理厠所, 八掛嘅天諾擔凳仔坐响度睇, 又問公公 what are you doing?又唱晒歌仔咁, 好好笑!!

中耳炎病假一星期

寫完遊記後都未有時間update吓個blog, 天諾已經响3月31日復課喇, 同樣由換校服開始喊, 不過每日放學都開心跳跳扎, 換咗夏季校服之餘4月3日開始仲坐校巴返學, 放學時佢落車手攞蝦片(唔怪得坐陌生車都唔喊啦~~)

天諾27個月果日參加咗學校嘅運動會, 爺爺嫲嫲都有來支持呀~~初初去到見到老師同teacher都喊, 坐低之後仲叫住走, 不過玩吓玩吓佢又好鍾意, 見番d同學仔仲打招呼tim……..雖然臨走跌親膝頭, 但問佢痛唔痛佢初初話痛, 依家學識講”唔痛架, 男仔來架”, 個樣好似真係痛, 好勇敢咁死頂~~好叻!
呢個星期, 天諾請病假, 第一次要早退, 燒咗兩日原來係寫完遊記後都未有時間update吓個blog, 天諾已經响3月31日復課喇, 同樣由換校服開始喊, 不過每日放學都開心跳跳扎, 換咗夏季校服之餘4月3日開始仲坐校巴返學, 放學時佢落車手攞蝦片(唔怪得坐陌生車都唔喊啦~~)
天諾27個月果日參加咗學校嘅運動會, 爺爺嫲嫲都有來支持呀~~初初去到見到老師同teacher都喊, 坐低之後仲叫住走, 不過玩吓玩吓佢又好鍾意, 見番d同學仔仲打招呼tim……..雖然臨走跌親膝頭, 但問佢痛唔痛佢初初話痛, 依家學識講”唔痛架, 男仔來架”, 個樣好似真係痛, 好勇敢咁死頂~~好叻!
呢個星期, 天諾請病假, 第一次要早退, 燒咗兩日原來係中耳炎(已經係第二次), 要食足五日藥, 希望佢快d好番啦~~依家食藥冇以前咁易氹, 以前會坐定俾你吱入口, 依家就喊住唔食仲要揀顏色來食, 不過尋晚例外, 阿表上來同佢玩佢就表演食藥, 哈哈大大啖咁食仲冇扭計tim~~~(