天穎Halloween party

估唔到天穎拒扮公主, 只肯戴headband 扮美尼! 套公主裙其實已經ready,可惜妹妹唔肯著, 希望明年仲著到唔駛浪費啦!
妹妹好硬頸呢.....著衫係咁,食野係咁...........唉! 要好好改造吓佢!

SC Halloween party

今年因為Jake and the Neverland Pirate套卡通片關係, Tim指家要扮pirate仲自己揀做型!!

SC Upper Outing

出發前先送妹妹上校巴, 妹妹超開心!

今年選址大埔「嘉里白鷺湖互動中心」, 好多攤位活動, 天諾周圍玩, 媽媽就周圍同其他家長傾計, 爽呀! 媽媽始終同N班d同學仔媽咪最friend最好傾呢!所以旅行之後相約食tea再傾過, yeah!!

與校長有個約會@英華

我哋早在個幾月前準備, 選定一本中文及英文書, 我哋選擇唔太深的書, 讀英文書對天諾來講是easy job只需個多星期就熟讀, 相對中文書要佢認字一向興趣不大, 呢個幾月每晚用10至20分鐘讀呢兩本故事書, 天諾算是有決心喇~~每晚對住同一本書其實好悶, 不過當媽媽話林校長會聽小朋友講故事來決定有冇得响英華讀, 佢就好努力咁晚晚讀喇~good boy! 憑佢咁有決心就知佢幾鍾意間學校啦~~

講返個interview,五個小朋友入咗去十五分鐘, 出番來問Tim好唔好玩, 佢話好玩, 仲話佢有叫林校長, 校長問佢點解識佢喎! 哈哈, 天諾答媽媽教既! 之後天諾話自己揀咗中文書讀咗幾頁校長就俾幅圖要佢找不同….聽埋其他小朋友講故事…...好快就出番來!
呢間小學interview過程係最漫長, 上次見老師係9月初, 事隔差不多兩個月見埋校長就完成第一輪面試, 要等到明年一月先出result進入final round! Good Luck to us!

沙灘樂

好耐冇同孖T去沙灘, 今日天氣好正, 唔太凍太熱, 好舒服呀, 仲有爺爺嫲嫲陪玩!!

Ethan’s birthday @pizza express + BBQ Party@宇一家

Ethan是一個乖巧的男孩子, 雖然天諾大人十個月, 但好欣賞Ethan的懂事有禮。 今日個party一人自製一個pizza take away, 天諾的第一次(媽媽唔offer help之下)自己完成, 好開心呢!
不過party有個小挿曲, 話說响蛋糕出場時(媽媽只係去咗洗手間數分鐘)天諾竟然為爭位同人嘈起上來, OMG真失禮呀!! 點解個仔變得又野蠻又冇禮貌呢?佢究竟受咗咩刺激呢?好彩其中一位女主角的daddy拍底經過, 遲d問佢拎段片睇先!!

Party 過後再去宇一家BBQ, 三個男仔玩到癲晒! 宇一妹妹超熱情同攪笑玩完天穎玩天穎爸爸! 一去到她搶住坐天穎大脾, 而天穎未熱身有d怕羞, 之後又點爸爸坐佢指定位置睇住佢, 好可愛啊!!

溫習週

上兩星期係天諾學校的中文、英文溫習週，呢兩星期的忙碌令我哋少咗時間同佢溫習, 結果中文寫錯咗三個字, 英文串錯三個字, 見到派返來張溫習紙俾媽媽一大警惕! 平日真的唔可太hea唔溫習啊!! 最困難係中文字越學越多…可能平時天諾太心散, 媽媽亦冇特別谷佢, 要天諾識讀識寫真係要花d功夫, 要一齊努力至得!!

天穎呢, 返學咁耐英文未見有大改變, 反而普通話的進步就明顯得多! 對住本中文書會用普通話講解俾我哋聽, 一星期有三日要做功課, 天穎都非常樂意完成, 仲會話俾媽媽聽宋老師教佢點做!

天穎mock interview and 唱茶點歌

面試好有經驗的天諾, 今日充當老師考考妹妹!





茶點歌--Sit down, it’s time for snack,One for you, one for me,Put your hands on your knees, thank you teacher!
Thank you Miss Sammy, 謝謝宋老師…..Eat Now!

Weekday 飯聚

縱然weekday晚飯聚會好勞累, 不過有生忌晨爺爺都會安排一家大細出來聚一聚, 今晚晚飯包房, 天諾天行天穎簡直玩到顛晒!

識飲識食的Tim&Tia一人一碗佛跳牆, yummy!!

Happy family BBQ gathering

呢個星期日, 當同學仔仍要interview的日子, 我哋居然free到出來join family gathering! 屋企人都關心面試結果, 問及有多少把握…….唉! 媽媽都係果句, 佢咁細個經歷咁多面試真係好叻架喇, 面試見過其他小朋友真係個個都好smart, 以報讀人數同學位, 真係難過搵工…如有幸入到2nd interview已是超班……..盡咗力, 隨緣啦~~

講番今日嘅gathering,表表因學校教燒烤的課題同呢個星期初秋高氣爽, 所以發起了BBQ gathering@姨媽屋企, 但今日嘅天氣竟然夏天一樣! 兩兄妹即聯想要玩水, 姨媽姨丈真係錫佢哋, 原本set好BBQ架部又re-set俾佢哋玩水! 今日天諾自己完成燒腸仔俾自己食, 好滿足呢! 而妹妹見到細佬佬又痴吓玩吓, 之後人哋燒野食佢就不斷行樓梯…….唉….希望佢對小腿唔好因為咁而再粗d啦!

Interview @ 男拔

呢個weekend係面試高峰, 有d同學仔3日要in六間呢! 我哋幫天諾報咗SFA同男拔, 不過interview時間撞咗, 最後只去男拔in, 又係一間超名校, 眼見連國內同胞都來爭一爭, 咁多間學校面試安排, 呢間算最差最令父母同考生辛苦, 先要人早到但就要响街度熱住排隊, 再行長樓梯上學校(呢個時候天諾已經話唔鍾意呢間學校喇), 放低個仔就即趕家長離開校園, 接返個仔又再排隊!! Oh~好彩冇落雨咋!!!

好彩in完出來, 天諾都好開心…..仲話鍾意呢間學校!

Interview內容天諾話先到一間房畫畫，topic係family,跟住三個小朋友一齊去另一間房有二位老師，抽card跟次序答問題(講到呢度佢好興奮, 因為張card係反斗車王his favorite! 佢仲要係抽到最大number果個, 有得答問題先)，佢話佢個組有小朋友唔識答，老師一人只問得一條問題，跟住就俾玩具玩(一人一盒內有車船），之後又返畫畫房再畫咗幅畫，最後去另一房睇電視(睇電視坐的chair冇pan")，睇七個單元的Tom & Jerry就走得！

媽媽覺得佢好叻呀, 個流程咁detail講返出來!

重陽節 vs 運動會

今日媽媽同天諾做咗不孝賢孫冇去拜山呢:p 爸爸同天穎做代表去拜山, 妹妹食足全程, 食埋哥哥果份!話說早在七月時幫天諾報咗陸運會, 由於天氣關係改期但撞啱改咗的日子天諾病咗冇去到! 難得大會俾我哋不用交報名費可再玩一次, 媽媽就同佢去咗玩喇! 跳遠項目成績一般, 20米同組跑第四, 幾組加埋有四十幾個參賽者, 竟然入咗決賽! 哈哈! 不過臨決賽前佢扭計唔想跑(唔知係咪知自己冇機會取第一), 經媽媽鼓勵佢願意跑, 但由於佢在第一線, 好接近發令個喇叭(一向怕大聲的佢當然好唔like啦), 跑出結果亦令佢唔滿意, 跑完就喊咗出來! (唉!呢個唔輸得的心態…..媽媽雖然有輔導佢, 但希望佢吸收到啦!); 到咗最後一項同媽媽接力，媽媽的音樂,美術都冇咩天份好彩田徑ok, 有天諾起跑唔錯能第二名交棒, 媽媽落力跑到個第一名, 哈哈! 天諾勁開心呢, 攞完獎仲問來捧場的姨丈”我係咪跑得好快呀!”哈哈超好笑!!

兄妹相親相愛

今朝送兩兄妹返學, 好鍾意呢張相呀! 兩個傾咩呢?
天穎:哥哥你搭咩返學呀?
天諾:我搭港鐵! (因為媽媽今日送佢去學校)
天穎:吓港鐵, 我又想搭港鐵呀!
(媽媽唔想天穎上校巴扭計, 所以打眼色叫天諾唔好俾妹妹知!)跟住......

天諾: 我"講笑"咋!!

就係咁大家就笑住返學喇!

多謝兩位寶貝放爸爸媽媽夜晚出街拍拖!! 同埋謝謝姨媽"夜媽媽"送上蛋糕!

p.s.尋日打風唔駛返學, 天諾打電話問媽媽, 聽日要唔要返學呀? 媽媽答當然要啦! 天諾就話但明天係你生日喎! 呵呵~阿仔生日唔係大晒架!

媽媽生日

媽媽生日早一晚天諾天穎已送上生日歌! Very nice performance, 好好的禮物啊~~


同晚天諾臨瞓同媽媽傾計,
天諾: 媽媽你係咪會老架?
媽媽: 係呀, 過咗生日就大一歲!
天諾: 咁你幾時死架?
媽媽: 人老咗就會死, 不過你激少d媽媽就冇咁早死囉!
天諾: 媽媽我唔想你老, 我唔想你死呀, 我想好似依家咁呀!
媽媽: 吓! 唔駛擔心, 人人會長大, 你大個咗照顧番爸爸媽媽!唔好諗咁多, 快d瞓啦~~
隔一陣就瞓著咗, 唔知攪咩人哋生日佢聯想到d生老病死問題!

開學已一個月喇~~

開學已一個月, 寫返個sum up表揚吓對仔女至得~~
天諾升咗upper後, 基本上已習慣上午返學, 叫佢起身返學無需拖拉, 媽媽亦同天諾協意, 佢要响媽媽放工前自己完成功課, 媽媽發現升班後中文寫字深咗好多, 初初都怕佢handle唔到發脾氣, 但so far都做得到! 媽媽每晚檢查吓做少少改正同讀吓中文字and spelling就攪掂! 都算Good boy啦~~~

至於天穎呢, 升咗K1係英普班, 老師話佢上課專心, 聽得明老師的指令, 仲話佢應該好快會學識講!! 而爸爸媽媽發現佢响屋企多講一d聽唔明既野, 細心聽相信是普通話, 哈哈!佢有時講到似模似樣, 好攪笑架!! 而佢都好叻,第一個星期上校巴已唔喊lu! 妹妹在執筆同填色方面亦有好大進步呀!