放風箏

今日爸爸媽媽姨媽姨丈同天諾去咗放風箏.......你哋睇吓阿b有幾投入?
正當姨媽同爸爸好努力咁放呀~~~放呀~~ ~依!! 姨丈同天諾去咗邊呢?

哈哈都係汪汪好玩d........

好多又靚又得意嘅風箏飄飄吓, 不過阿b只係好有意識咁追住一個用垃圾袋同改裝的DIY風箏, 真識貨啊!! 總括來講,我哋覺得阿b鍾意玩草多d, 不過有得飲同食就另計!!

http://www.youtube.com/watch?v=Zla9DDQKLyE

http://www.youtube.com/watch?v=b0bbRSn7AHE

大個仔事件簿

尋日天諾做咗幾件事令媽媽覺得佢好大個仔呵!!
1. 餵佢食晚飯時堅持要自己攞匙
2. 佢自己食飯, 媽媽怕佢d飯從口邊漏出, 用個碗幫佢兜住, 點知佢叫媽媽"放低", "呢度"(指住臺面)
3. 食到一d吞唔到嘅野, 佢平時會即時吐出, 攪到一身都係, 尋日佢叫"唔該", 媽媽放隻手埋去佢先 吐出, 真係要大讚!!!!!
4. 食飯時公公睇電視唔扒飯, 佢叫"公公食飯", 間中仲監察公公碗飯tim….
5. 沖涼時, 唔肯落盆水度, 原來要weewee, 盆水被佢d尿污染咗, 改用花洒沖都冇扭計

中秋節

中秋節去婆婆度做完節到公園玩, 天諾最開心唔係到公園賞月同玩燈籠, 而係攞住波周圍踢。其實佢見到公園咁多人反而唔慣, 有d小朋友點起蠟燭玩, 我哋問佢呢d小朋友玩緊咩呀? BB就話"拜拜"=拜神, 哈哈…人仔細細識講笑話氹我哋開心…..

追月果晚繼續落公園玩sir滑梯, 爸爸媽媽嫲嫲伯父一人企一個位來護住我玩呀, 又係一身汗咁返屋企!! 天諾呢排玩得太興奮喇~~呢幾晚爸爸或媽媽瞓著咗佢都未瞓, 要成差不多11點先瞓, 要調節一下佢至得>p<

草場踢波篇

上星期六, 爸爸媽媽行開街見到件好靚嘅反斗車王衫, 緊係即刻買俾阿b啦!! 點知件衫得番90碼(阿b依家著100就剛剛好, 110就鬆d舒服d)……唉! 但係件衫好得, 阿b唔啱買俾細佬或表弟都好啦~~到咗下午阿b瞓完晏覺, 諗住帶佢搵踢緊波嘅爸爸, 咁著曼聯波衫就正晒~~點知阿b唔肯著, 到我show件反斗車王衫佢就即刻同曼聯波衫bye bye, 好攪笑!! 結果你哋話佢著得靚唔靚呢? 第一次响草場踢波同射龍門, 天諾都玩得好開心同踢得有板有眼架
http://www.youtube.com/watch?v=JCXHaUc_zLM
http://www.youtube.com/watch?v=y7kmvcHpCtc

一行七人遊東京

出發當日要7點鐘到機場, 一早要摌醒阿b, 飲完奶坐的士到機場, 天諾見到公公婆婆姨媽姨丈集合都好興奮周圍走, 過咗關都仲有45分鐘等上機, 好彩閘口附近有個playground, 阿b响果度都玩咗20分鐘…….再玩吓坐吓話咁快就上機起飛喇~~ 媽媽一直擔心bb起飛時會耳仔痛同扭計, 好彩阿b好high咁响機上周圍玩, 仲瞓咗半個鐘頭覺~~落咗機keep住玩, hehe…..有阿b同行, 我哋响日本過關有優惠line, 快同團朋友3倍時間!!哈哈!! 第一站去咗台場, 睇咗彩虹橋, 阿b瞓咗我哋就好安靜咁嘆日本麥記獨有嘅蝦包, 好味!! 行咗一陣再食過非常一般嘅晚餐返酒店, 阿b第一晚响酒店瞓都算ok (梗係啦我哋將阿b張床佈置到屋企果張咁, 連佢最鍾意嘅被仔都帶埋去), 不過成11點先肯瞓zzzzz


第二日食早餐時間7點, 阿b當然未起身啦, 我哋輪住食到出發先叫醒佢, 呢日去箱根本來風景好靚, 影相就最好, 點知打風(聽講係有史以來吹得最正最大的颱風), 只可以响d賣手信店行下。再到一間望住個湖嘅餐廳食午飯, 呢餐飯趣事多lor, 繼姨丈以為d餸仲未到, 阿b就將一柸梅酒照頭淋仲伸脷好enjoy咁dap, 餐廳又送阿b一支益力多(第一次飲, 飲完都唔夠喉!) ……由於响半山區, d風好大,勁到連49座旅遊巴都吹到搖擺幾下!! 好彩導遊見風大, 安排咗我哋去outlet shopping, 不過個outlet離落車位好遠, 咁啱上車集合時間就係最大雨, 阿b有件風褸頂住, 我哋六個大人就做晒落湯雞!! 呢日入住溫泉酒店(對住富士山), 阿b第一次浸溫泉, 件和服好得意仲有爸爸姨丈公公陪住冇有怕, 呢個時候媽媽做後勤洗緊奶樽!!! 浸完溫泉阿b隻腳仔紅咗少少, 爸爸話只係俾佢浸吓腳, 浸嘅過程都好乖, 呢晚最大得著就係阿b肯用花洒沖涼(唔駛攪吹氣浴盆俾佢)!!!





第三日去富士急樂園, 好彩打玩風第二日即刻好天, 連富士山山頂都清晰可見, 姨丈向住激長的過山車進發, bb當然係去Thomas Land會一會各火車頭同fat controller啦~~最重要就係shopping一番!!! 同阿b影相好難叫佢望鏡頭, 佢太好奇周圍環境喇(可能平時响書度見到嘅火車同fat controller都好細)!! 下午就去新宿shopping, 阿b第一次入機鋪(平時响香港佢已好大癮想入架!!) 呢次再加上夾公仔機, 佢簡直睇到呆晒~~响新宿街頭阿b除咗俾架妹聊仲吸引咗個日藉小朋友從餐廳走出來同佢握手tim, 食過日式鐵板燒後, 阿b放低幾兩先返酒店………


第四日, 去廸士尼喇!! 天氣好到熱溶, 天諾亦愛上帶黑超.....一去到阿b見到跳跳虎已經呆咗仲拍心口叫“驚驚”, 所以入到樂園我哋冇刻意搵d公仔影相, 不過就同阿b第一次玩機動遊戲, 先到小小細界坐船仔 (一個大人覺得好冇聊嘅玩意, 原來小朋友係咁enjoy, 佢仲睇到拍晒手tim), 跟住天諾午睡2粒鐘俾我哋回氣同玩space mountain….接住食飯同重頭戲=>睇巡遊, 天諾睇得好投入見到唔同嘅卡通都俾反應…同mickey mouse 三 隻豬仔say hello, 巴斯光年“蕉蕉”, fly kiss俾史廸仔…仲一齊跳吓舞, 之後就繼續排隊坐火車呀, 船仔呀咁, 排隊期間爸爸媽媽公公婆婆都樂得輕鬆, 因為天諾只要姨媽姨丈抱, 仲不斷叫“姨丈姨丈”然後狂傻笑(返到酒店同香港見到姨丈都係咁嘅反應, 唔知姨丈俾咗d咩佢食呢?) 玩吓食吓又一日喇~~~

第五日去銀座shopping, 似乎阿b知道冇佢嘅事, 我哋shopping佢就瞓覺, 不過阿媽一話想買手袋佢就“吉”起身lu, shopping完後食火鍋放題阿b參與唔多, 冇攪攪震已經算係咁啦~~到搭車去機場, 當個個想zzzz休息時間, 佢就最精神又係咁叫瞓著咗嘅公公婆婆同團友, 百厭星仲奸笑咁扮婆婆瞓覺(笑到我同爸爸肚痛呀!!)回程機上, 阿b瞓咗兩個半鐘(媽媽抱住佢又唔可以去洗手間同食野, 手腳腰都痳脾晒, hoho不過都好過跳跳扎周圍搵野玩啦!!) 哈哈!!臨落機阿b又放低幾兩先走~~呢個五天筋疲力盡同時愉快嘅旅程就結束喇~~~
P.S. 要多謝公公婆婆姨姨媽丈嘅眼力,精力,勞力來睇住活潑嘅小豆丁!!

Tim Tim:表弟同唐細佬好快識同你玩喇~~

你哋聽吓阿b呢期熱捧d咩?

佢响日本見到其他小朋友著住呢款衫, 就追住人喊住想要, 我哋搵咗好耐, 好彩買野係難唔到姨媽嘅…..你哋聽吓阿b要咩啦~~謎底comment果度搵啦!!

細佬滿月喇~~

上星期六, 响細佬滿月酒度, 細佬瞓住覺來應酬, 天諾就滿場飛, 同d哥哥玩“蕉蕉”點知俾d哥哥大聲一“蕉”就嚇到呆一呆仲眼紅紅tim……不過好快就冇事喇!! 好等我哋操大d佢個膽再來過~~
星期日我哋同阿b行海運, 仲買咗架士的車tim (爺爺贊助架)! 天諾有份挑選, 今日試車都好肯坐, 去日本一定要帶埋去呀!!