後補端午節

今日去姨媽屋企補做節, 天諾有浸龍舟水, 冇錯係浸!! 姨媽响天台用個吹氣泳池仔俾佢玩, 諗住煲d熱水, 開個暖水池, 點知天諾話”游水係咁架, 唔駛煲啦!!”, 吹脹又唔知自己幾咁易病!! 好彩冇冷親je~~
夜晚James’s kitchen同 Tim’s kitchen 大比併, 食完飯想同4個B影張合照, 最好嘅兩張相就係咁!

開心飯聚

今日帶天諾同一d同年同月出生嘅family飯聚, 同枱Markus仔有共同嗜好, 一齊玩得好開心!!

環保動物設計比賽

媽媽同天諾一齊製咗個泥膠白兔仔, 爸爸負責包裝諗住純粹交功課….呵呵!!!今日出result, 我哋攞咗亞軍呀! Yeah~~

端午節

今朝同婆婆公公飲茶, 夜晚同太嫲做節! 嬸嬸抱住天諾講故事, 原來天行會呷醋架~~

開番學行車俾天穎, 天諾見到又話要坐!

生眼瘡

妹妹生眼瘡呀!

氣管弱

唉! 尋晚天諾開始鼻塞, 流鼻水同咳, 條氣又開始唔順, 今朝即帶佢去睇醫生, 醫生話佢氣管弱, 好易敏感, 食咗一次藥已經好好多….鼻敏感真係好煩呀!!! 唔知關唔關天氣事, 上次氣促好似又係落大雨!

睇完醫生再帶埋妹妹一齊去遊艇會搵爺爺嫲嫲食飯!

自己食飯

今日上完堂搵埋阿芬姨姨食飯, 天諾特別乖, 成餐飯自己食, 媽媽呢餐飯食得真係好舒服呀~~

爸爸OT

逢星期四, 爸爸OT, 媽媽湊兩個b, 好彩呢d時候天諾天穎都會乖d啫!

細表表滿月

今晚乖乖天諾做咗個好榜樣, 叫晒成圍枱嘅人食飯感染到表表都好乖叫埋一份!

天穎成功反身

尋晚好努力咁反, 爸爸見證成功嘅第一次, 之後想拍低佢, 點知天穎掛住望鏡頭~~

今朝哥哥6點幾起身睇書, 嘈醒妹妹, 一於捉妹妹再反, 影到成功反身喇~~~~

踏單車

之前天諾踏單車係見野就撞, 依家識轉彎仲好enjoy咁玩!

Bob the Builder Scoop

今日早咗去上堂, 可以响商場行下, 天諾見到呢架好似Bob the Builder嘅Scoop即試坐! 不過天諾唔俾我哋入錢, 佢話驚驚喎!

同太叔婆食飯

食飯時間最怕天諾走來走去, 今晚好乖陪坐, 食完飯sir下滑梯走人, 返到屋企個停車場天諾再次哥哥上身, 拖住天行返屋企!

黃金海岸過母親節

為咗一套沙灘玩具,天諾提議去黃金海岸過母親節, 原本準備咗親子裝, 點知天諾唔肯著, 爸爸唔啱著,妹妹未識反抗, 所以同媽媽一齊著, 哈哈!!
記得天諾上年去第一次去沙灘好好奇周圍走同執沙, 今次去到點都唔肯企上d沙度玩, 佢個活動空間只限地蓆冇沙嘅位置, 真吹脹! 公公嘗試用手揸住d沙俾佢踏吓, 點知天諾嬲埋公公, 去片就知佢幾怕d沙~~
妹妹都係第一次去沙灘, 不過未識玩, 一齊影吓相, 到此一遊!

尋日同嫲嫲飲茶慶祝母親節, 冇影相tim, hehe~~去天行個blog有相攞!! (妹妹响爺爺個肚腩上)

沙門氏菌

星期三晚天諾唔肯食晚飯已覺唔妥, 一問之下原來放學食咗2粒燒買, 1粒牛肉, 1個叉燒包, 心諗可能食滯咗je…痾咗一次就瞓..點知到瞓瞓吓發現佢發燒, 叫肚痛同抽筋, 食過退燒藥瞓返,今朝即睇醫生, 醫生話可能係沙門氏菌….唉!要痾清先好番, 今次又要睇住佢瘦喇~~爺爺嫲嫲話第日放學唔俾燒買佢食lu……睇完醫生天諾又扭買玩具, 爺爺就即刻俾張”獅子”($500)佢去買, 呢個要咩有咩嘅細佬, 又買多盒hot wheels玩具, 已經第8盒喇~~~~
雖然天諾病, 佢同妹妹玩都仲好有忠氣, 妹妹又會大大聲回應!

探細表表

今日去探細表, 天諾見到細表即刻話好細個bb呀!! 細表表要瞓覺, 天諾就大佬上身識得細細力拍佢瞓….
返到屋企幫佢剪咗個髮, 15分鐘都唔駛就剪完, 依家兩兄妹個頭係咪好似呢?

做運動身體好

呢個周未天諾好番好多, 放假再同爸爸去踢波, 多做運動, 今次影佢踢波, 小動作多咗, 你哋留意吓佢射波前隻手仔點準備啦!