Easter Egg Hunt@ Aberdeen Marina Club

今日又係同同學仔聚會嘅好日子, 主題係Easter Egg Hunt, 開始前先影吓相, 妹妹都算合作, 反而天諾太興奮周圍走同埋被泳池個滑梯吸引住…….

雖然短短10分鐘已經hunt完, 但天諾已經超開心, 今日嘅成績係12隻蛋!

完成後我哋去咗室內個playground玩, 個playground又大又多元化,天諾天穎玩咗成兩粒鐘都唔願走呀!! 哎呀~~太攰喇~~响個playground度唔係影咗好多相jar…..
多謝晒Anson Fung 媽咪嘅安排呀, 仲有姨媽姨丈當司機跟”咕呢”!!

hair cut

thank you Bonnie EE

唱英文歌?

一邊唱一邊跳, 都唔知唱咩, 妹妹唔識唱但奉陪跳, 不過百厭妹妹最鍾意玩free fall, 响sofa跳落來要我哋接住佢!

親子日

今日媽媽請咗一日假陪天諾, 上午先陪佢學phonics, 今日媽媽見識到未到4歲嘅Chole嘅成果, 有d字媽媽都唔識嘅Chloe也能讀出, 真係好驚訝啊~~ 雖然天諾仲係徘徊identify vowel/consonant, 但媽媽冇俾壓力佢只係想佢改善吓d專注力就足夠喇~~ 其實天諾又唔係冇興趣, 夜晚要求媽媽同佢讀同練習呢, 就算媽媽話好攰想休息, 天諾話俾一次機會我啦~~oh咁就讀咗45分鐘, 其實佢都好似冇吸收到, 問返佢d音又係答錯晒, 不過好佩服佢坐定定咁耐~!
講返今日下午, 天諾學校outing參觀香港文化博物館, 其實爸爸媽媽想帶佢去好耐但都未實踐, 今日係好好機會, 先响學校集合, 見到天諾玩新玩意扮潛水, 好得意架….跟住老師要小朋友坐返位, 天諾反應都唔錯, 老師問野佢都有答!

到達時影嘅第一張大合照, 小朋友嘅心情可以响張相見到啦!!
之後入咗博物館由於老師已叫小朋友進場後要安靜, 所以佢哋都定下來, 影合照都合作d呀, 睇吓天諾笑得幾甜~~

之後入咗博物館由於老師已叫小朋友進場後要安靜, 所以佢哋都定下來, 影合照都合作d呀, 睇吓天諾笑得幾甜~~
响博物館天諾對樣樣野都3分鐘熱度, 果度有個模擬潛水位, 天諾幾經爭扎先克服到呢!!


Outing完咗後, 與同學仔一齊tea一tea, 最食得梗係又係天諾啦~~~

返到屋企, aunty話妹妹好lonely, 佢見到哥哥同媽媽返到, 第一時間叫”哥哥”同”媽咪”, so sweet呢! 原本想影佢跳舞架, 點知一見相機表現又唔同晒…….

拜太爺太婆

天穎今日第一次跟大隊返大陸拜太爺, 有街去天穎一定開心啦~~ 先去接爺爺嫲嫲, 出發前影吓相…….

今日天諾最叻, 行百幾級樓梯去拜太婆, 全程行足仲行得最快又唔氣促, 妹妹都”典”落地要自己行, 不過扶佢扶到腰都痛呀!! 走果時都係天諾最快, 天諾見到天行要抱同行得慢, 自己沾沾自喜好滿足咁~~除咗行樓梯, 天諾食野都係至叻, 燒肉,雞, 橙, 樣樣都唔執輸呀!!

到拜太爺呢, 三個細佬周圍走, 天穎教咗幾次拜拜, 就識得自己拜, 叻叻 ~ 唔少得係响太爺墓前唱歌跳舞啦!!

小勞作

星期六同天諾睇完mister maker即做咗一個maker介紹嘅作品, 做完天諾話要貼堂仲影張相留念, 妹妹見到又影埋一份!!

Swing time

今晚同爺爺嫲嫲去食飯, 飯前天諾天行天穎响公園玩, 難得影到兩個唔鍾意玩swing嘅小朋友一齊玩呢!

In the night garden

其實爸爸媽媽好少買玩具俾妹妹, 因為妹妹鍾意玩哥哥嘅野, 不過媽媽同事介紹咗一個買野網站, 見到有妹妹至愛卡通片In the night garden公仔, 即買咗Tombliboos俾佢, 點知攞到返屋企連天諾都唔執輸要咗隻紅色呢!!

Storytelling

今晚天諾話俾媽媽知學校講故事開始咗喇~~講緊嘅係學校為建立小朋友閱讀興趣及自信, 將安排小朋友响課堂上向全班同學講故事!
天諾話Zita今日用普通話講咗醫生故事, 仲問媽媽聽日係咪到我呀? 其實天諾被安排在6月14日呢…….天諾知道要等咁耐好失望, 佢話要講兩本喎……今晚嚷住要媽媽同佢練習, 原本練習完佢同意媽媽幫佢錄影, 可惜妹妹攪攪震!!!

足球啟蒙班

天諾試過唔同嘅興趣班, 第一次主動向媽媽表示”我鍾意呀!” 原先仲猶豫星期日好唔好安排活動俾佢, 今日試堂後佢嘅表現令爸爸媽媽決定俾佢玩落去…
開始前同妹妹熱身一番!

開始第一個環節: 向前, 後, 側跑去目的地! 天諾冇問題應付到!

第二環節:學踏波! 天諾動作攪笑, 仲有d少林足球feel!

第三環節: 控波- 天諾成用手, 犯晒規!!

第四環節: 學射門, 有板有眼, 叻叻!!

最後係一班小朋友追住個波, 模擬比賽! 雖然天諾跑得唔夠快同冇咩氣, 佢都好努力追, 臨完前教練好識做俾佢入咗一球, 攪到佢鬼咁high!!!

Isaac birthday party

呢個party媽媽可以完全放心同其他媽媽傾計, 因為有爸爸睇住天諾玩, 而且整個party節目豐富天諾玩得好enjoy唔駛人理!
首先與同學仔一齊玩跳彈床, 玩之前有趣事一宗, 為咗人流控制工作人員姐姐話要响小朋友隻手仔畫個記號, 但天諾怕畫花隻手堅持唔畫仲寧願唔入去玩…….擾攘一輪好彩之後唔畫都入得!!

接住有好多遊戲呀, 我諗天諾玩拋波波就最開心!!

切蛋糕時間有monkey出來影相, 起初以為天諾會驚, 但佢原來對隻馬騮好有興趣仲第一個排隊去影相, 當天諾見到Mater蛋糕更第一時間同媽媽講下次佢要呢個生日蛋糕wor~~

呢次生日會俾媽媽發現天諾幾樣野:
識保護女仔? 當大家知道Anson驚咗隻馬騮唔敢去影相, 我哋派天諾去保護, 天諾成程影相都搭住Anson膊頭, 盡忠職守, 值得一讚! 另外轉場玩時, 天諾亦好有耐性等埋Coby著好鞋拖住一齊去!

好鍾意同bb玩? 同學仔Coby嘅妹妹好可愛, 天諾最like摸佢面珠, 而妹妹被人摸面面會笑, 真係超可愛呀! 天諾連玩遊戲挾响兩姊妹中間玩得好開心呢!

細膽天諾? 天諾對tube型嘅滑梯未克服, 真係失禮呢!!

病魔

妹妹打勝仗, 媽媽打敗仗! 妹妹星期一流鼻水, 星期三已收晒, 仲好精神咁玩! 媽媽呢次病足成星期, 仲要請病假瞓咗半日:(~~~

妹妹心目中的哥哥

妹妹心目中的哥哥究竟係咩呢? 係大玩具, 偶像, 對手…..? 總之响正常情況下, 有哥哥就萬事足~~
哥哥放學總會攬住佢, 哥哥同佢玩就笑到卡卡聲, 哥哥食咩佢都會望吓或痴食, 哥哥睇電視佢例必陪睇, 到哥哥瞓覺天穎一定痴住哥哥碌來碌去玩一輪先肯走!

生日派對+晚宴

呢個周未好忙碌, 星期六同日各有一場生日party同wedding banquet,可惜媽媽病倒了~~完全唔係狀態(好似生咗天穎之後最嚴重嘅一次),星期日參加同學仔完生日會過後嘅CK baby gathering同媽媽中學同學晚宴都要甩底呀! So sorry!!

講番星期六, 瞓醒帶天諾返science workshop跟住同爺爺嫲嫲天行一家飲茶, 得知原來天行嬲咗成晚(同天諾爭寵?細佬仔不外乎爭no.1同玩具,haha!!) 爺爺嫲嫲照舊可以滿足到d孫嘅佢哋都會滿足, 最後天行有大盒玩具, 天諾明明答應爸爸媽媽只買車仔, 點知都買咗條天橋呢!!

食飽飽之後參加Zita生日會, 樣子標緻嘅Zita扮成小公主真係好靚啊~~天諾呢say 完hello跑跑跳跳周圍搵同學仔玩, 唉!百厭天諾成日要媽媽周圍搵仔呢!!蛋糕出場全班同學仔先就包圍住, 爸爸影到天諾為保自己嘅位置而推跌man ho, so sorry!好彩事後大家都握握手做番好朋友! 去完生日會媽媽幾乎失聲, 要返屋企休息完夜晚去飲, 由於媽媽未係狀態, 所以冇帶天諾天穎一齊去……不過晚宴期間爸爸話妹妹自己玩臉”ham” sofa攪到流咗好多鼻血, 好肉赤呢!! 好彩瞓醒第二朝 冇事啫! 所以星期日嘅節目預埋佢

先同公公婆婆飲茶, 今日天穎表情多多, 叫佢smile就笑, 叫佢beautiful eyes就眨眼, 好得意架!!而天諾嘅食量就嚇親姨丈呢, 叻叻!! 可能佢知道乖乖快d食完去Anson生日會!! 今次生日會除咗有靚靚Anson小公主當主角外, 相信場內大型波波池係小朋友嘅第二主角, 天諾响波波池內玩足兩個鐘, 連切蛋糕玩遊戲都唔願出番來, 妹妹眠一眠後都想同哥哥玩, 媽媽就陪佢入去玩吓! 兩個b都玩得好開心呢~~

天穎識講d咩?

識講d咩...不能盡錄, 因為佢實在太想食粒提子喇~~

今晚古古惑惑, 問佢覺覺豬好唔好, 佢話”好”跟住自己行入房爬上床, 但即刻好百厭sir番落床行出廳, 來回20多次都唔願瞓啊!