16個月大喇~~

上星期六bb16個月大, 我哋去咗遊艇會同太嫲預早慶祝Mother’s Day. BB好乖架, 見人就叫姨姨/叔叔, 食食吓野自己仲成張枱嘅人逐個叫, 氹到人人開心~~食完飯爺爺抱咗佢去人哋架電單車度玩, 佢不知幾興奮~~
尋日同公公飲完茶去咗探表弟, 要叫番佢個名至得, 因為叫親bb佢就應我哋(其實我哋係叫表弟呀)~~睇住表弟瞓覺佢又想去表弟張床玩, 睇住表弟沖涼佢又想玩盆裡面d水, 睇住表弟飲奶佢又想攞咗支奶來飲, 真係睇少眼都唔得 >p<
玩完一輪返屋企瞓咗兩個鐘就去上堂lu～～可能係剛瞓醒，佢好似樹熊咁痴住媽媽，熱身咗先自己去玩．．．．

BB耳仔發炎

近呢星期, BB嘅外出活動減少留响屋企休息, 因為BB耳仔發炎同媽媽有嚴重感冒, 上星期四兩母子一齊睇醫生, bb鼻水未清又有幾聲咳仲加埋耳仔發炎要食成4-5種藥水呀(天諾第一次要食消炎藥呀), 佢本來見到我哋拎針筒已經叫定先, 食藥時又會爭扎一番……….不過佢好乖由星期六開始已經唔再爭扎, 俾我哋慢慢“支”d藥餵佢, 爸爸話bb食藥叻過媽媽呀~~到咗今個星期二覆診要食多3日藥, 天諾係掉轉頭問我哋攞藥食tim~~http://www.youtube.com/watch?v=-GGgtZ7Xayk

客串花仔+升級做表哥

上星期六真係多喜事呀~~輝表叔表嫂祝你哋新婚愉快!! 媽媽諗住下午註冊時間帶bb去見識吓, bb見到現場d花好開心要周圍行, 儀式臨開始前先被安排做花仔, 哎呀!! 未裝身架!! 希望佢笑容同個樣答夠啦~~响門口準備行時, 花仔花女可能未溝通唔肯拖手, bb仲一手拎咗花女個花環推門進場, 哈哈……入到去佢見個個拍手迎接都不知幾開心, 全程笑住行紅地毯, 做足100分啦!!!! 影過相之後再到附近走一陣返屋企zzzzzzzzz夜晚再出擊 (thanks德表叔你send相俾我媽媽, d相影得好靚!)
呢個video係影bb周圍行, 不過要留意bb背後有幾個好似G4嘅西裝友保護住, 你哋見唔到個樣架(佢哋係爸爸, 伯父同德表叔) http://www.youtube.com/watch?v=qkMH59QWbQ8

太嫲嫲請安=> http://www.youtube.com/watch?v=bQgCdsYlqF4

仲有等咗41週嘅表弟出世喇~~~姨姨入咗院又出番院又再入院痛足十幾個鐘, 等到我哋都心急晒, 8磅bb頭髮又黑又多終於出來同天諾玩同爭食lu, 8磅唔野少呀唔知bb夠唔夠佢砌…….hohohohho~~~~~