剪頭髮

媽媽嘅同事借咗個剃頭機俾媽媽同天諾剪頭髮, 帶去婆婆度試諗住多人d佢願意俾我哋攪佢個頭, 點知出奇地天諾主動叫開始仲肯坐定定俾我哋”武” , 所以剪得好順利, 而且個剃頭機最長可keep 40mm好好用, 唔駛剷青又有剪薄效果, 值得推介!


剪完天諾仲話要媽媽剪至得架……… 點解?睇吓個盒面就知

食藥實況

今朝餵咗佢食藥先返工, 佢見到d藥已經唔想食~~

中耳炎+氣促

尋日天諾同天行一齊病, 天行發燒天諾咳, 夜晚連天諾都發燒, 平時食藥好乖嘅天諾, 今次唔係好合作, 喊住咁食, 好可憐啊~~一早起身爸爸同婆婆帶佢去睇醫生, 醫生話中耳炎+氣促要食成7種藥, 每次食藥都要同佢搏鬥咁~~嗚嗚~~呢晚好辛苦食晒d藥, 點知瞓咗個幾鐘度又咳到嘔晒出來,見到都肉赤c喇!!!
雖然仲燒緊同病到聲沙, 但都好貪玩, 响屋企又唱又跳~~最好笑公公上咗來同佢玩, 公公開電視, 天諾細細聲叫公公"唔好開電視呀, 睇咁耐電視爸爸鬧架", 哈哈!!
亂唱版-小小世界

功夫天諾

P.S. 今日照咗超聲波, 天諾會有個妹妹, hehe~~~

第一次用水泡

今日天諾節目豐富, 先去mega box飲茶再去海運玩具反斗城, 今日著咗姨媽响日本買嘅熊貓衫, 啱晒同功夫熊貓影相!! 再去游水, 仲係第一次用水泡, 呢次個bb池好大, 天諾自己行來行去都唔驚, 見公公,姨丈同爸爸都好free咁游同行, 佢都唔執輸拋開泡自己行, 點知失重心, 成個浸咗落水仲飲咗幾啖水tim,不過都嚇到佢唔玩, 只係之後攬實個水泡, 今次下水好成功, 開始識young水同敢跳落水, 仲唔駛人扶, 自己用水泡响水中自轉! 好叻呀!! 可惜媽媽失察, 個相機冇電, 拍唔到佢玩得好開心嘅video :p

扭蛋迷宮

星期六, 同爺爺嫲嫲叔叔一家飲茶, 咁啱mega box有扭蛋迷宮同埋可以同技安一家影相, d相好colorful啊!

影學生相

就快開學, 今晚响屋企試影學生相, 似乎天諾對套新校服感覺唔錯, 亦好合作咁影相~

Take 1

Take 2

Take 3
Take 4製成品

嫲嫲好番喇!

尋晚同嫲嫲食飯, 等嫲嫲時影吓相, 難得佢咁合作, 笑晒咁痴住媽媽影!!

玩跳跳馬

買咗成年嘅跳跳馬, 天諾依家先好完全控制到點玩~

BBQ gathering

天諾2歲半喇~~帶咗佢去媽媽嘅新同事gathering, 同場有兩個年齡相若嘅朋友仔一齊玩, 爭玩具當然係佢哋嘅指定動作啦, 好彩現場有維持秩序, 未有大打出手~~唯一排排坐定定只限3分鐘, 就係播Thomas碟嘅初段, 之後繼續跑跑跳跳! 玩餐飽後, 11點半上床, 唔駛5分鐘即瞓zzzzzz

同細佬玩

爸爸帶咗細佬返來玩, 細佬爬佢由爬, 細佬飲水佢又飲仲搶咗細佬個奶樽來飲, 細佬poo poo咗佢就拎埋濕紙巾話幫細佬抹, 點知媽媽幫細佬打開張片, 佢已經走到sofa最遠位置睇!! 叫佢幫手就郁都唔郁, 好好笑架!

莫名其妙發高燒

尋晚玩完一輪陪爸爸媽媽坐定定睇電視, 11點鐘瞓仲好正常, 12點半媽媽扎醒睇吓佢, 一摸頭仔好熱呀, 度一度溫度40oC, 即刻用退熱貼, 又幫佢沖涼同食退燒藥, 2點幾仍然响38-40 oC於是試食另一退燒藥睇吓效用會唔會好d, 成晚食咗3次藥都未見好轉, 仲瞓唔到tim,因為一瞓就震醒, 最後今朝早8點幾即刻去睇醫生, 醫生話少少喉嚨同耳仔發炎, 未需要食抗生素, 但要塞肛退燒, 要溫度低過38 oC先走得, 11點返到屋企已經退咗燒, 食完野12點幾瞓, 一瞓就5個鐘, 夜晚醒晒好似咩事都冇, 冇燒冇鼻水冇咳嗽, 完全正常咁玩, 連藥都冇食過!! 真係莫明其妙!!!

BB gathering

10個B嘅gathering, 今次仲一齊游水, 初初落水天諾俾爸爸抱住都驚, 不過見到一一同雋雋哥哥玩到咁high又潑水潑得咁開心, 天諾都玩埋一份, 玩到尾仲唔駛爸爸扶佢個水泡tim~~

大尾篤放風箏

難得唔落雨嘅假期,我哋去咗大尾篤放風箏, 好熱呀~~上到水霸放咗兩隻風箏,企咗唔夠半個鐘就徹退去姨媽屋企醫肚~ 天諾好似曬極都唔黑咁, 面紅紅一陣就冇事lu! d靚相仲未ready post tim~~