最滿意嘅合照

呢個星期, 好想同兩兄妹影張靚合照放大, 呢張算最滿意啦!!

今日姨媽姨丈帶咗天諾去睇車展, 妹妹又好合作午睡, hoho….爸爸媽媽可以叉電zzzzzz

上課樂!

自從婆婆買咗呢水筆寫字set之後, 呢個月夜晚都俾天諾捉住玩role play, 爸爸做普通話老師, 媽媽做中英數, 音樂同運動老師, 而妹妹就陪佢做學生…..天諾上堂好認真架!

天諾病情好反覆

呢個星期天諾瞓到零晨4-5點開始咳醒, 晚晚要同佢食藥, 明明日間時間係好正常, 真係唔知點解?

妹妹開始學趴响度抬頭, 天諾又玩埋一份!

妹妹一百日

星期五係妹妹一百日, 一家人出去食飯慶祝, 不過哥哥成晚氣促唔舒服所以好扭計, 返到屋企11點前兩兄妹已瞓著咗, 瞓到1點左右哥哥扎醒喊住叫好痛, 嚇到爸爸媽媽送佢去伊利沙伯醫院睇急証, 照咗肺醫生話有d花, 支氣管有d發炎所以要留院觀察同聞氣, 天諾好乖响醫院d姑娘同醫生同佢做檢查都好合作, 攪咗成日天諾都唔夠時間休息, 返到屋企佢好活躍, 出汗比平時多好多又面青青, 真係肉赤呀!

難涯的一夜

尋晚臨瞓前夕, 例牌同媽媽講我唔鍾意返學, 不過今次有新理由
天諾: 媽媽我好鍾意你呀!
媽媽: 乖! 媽媽都好鍾意你
天諾: 我唔鍾意返學~
媽媽: 點解呀……….
天諾: 我好鍾意你, 返學見唔到你…
媽媽: 哦, 個個小朋友返學都冇媽媽陪架啦?
天諾: 係呀!
唉~~媽媽重覆又重覆咁解釋返學嘅好處……..最終瞓著喇~~但爸爸媽媽嘅難涯一夜開始了…..
成晚咳, 又話肚痛, 又話要飲奶同weewee, 總之成晚冇覺好瞓………..最後由於佢唔夠瞓, 呼吸多痰有聲(主因), 天諾今日冇返學……..希望佢唔係想逃學而扮病啦!
相反妹妹好乖, 呢晚10:30pm瞓, 到第二朝9點先起身, 仲要哥哥夜晚咁嘈都冇攪醒佢, 真抵錫!!姨姨幫佢影咗d靚相

飲茶星期天

今日同天諾天穎去咗mega box飲茶, 爺爺去咗旅行, 嫲嫲公公同婆婆一齊出發, 天穎同公公傾計笑得好開心, 天諾玩車車, 玩到枱上d點心都要行埋一邊讓多d空間俾佢玩!!
下午放低妹妹同天諾去買餐枱…..yeah~~星期六送貨喇~~

天穎去健康院

3個月大嘅天穎, 長度: , 頭圍: , 體重:6.83kg, 屬大碼bb, 姑娘話佢好吸收,天穎全程响健康院都好乖好精神, 周圍望眼仔碌碌,有個family望咗天穎好耐, 原來佢哋個女同天穎一樣3個月, 不過天穎重佢2磅……..哈哈…拍得住哥哥細個果時呀!!
依家响屋企成日想”吉”起, 好想影低佢, 但每次佢見到部相機就眼定定唔郁, 好彩天諾走埋去搶鏡, 攪吓笑~~

天穎3個月喇~

早响媽媽返工果個星期(即天穎2個半月)時, 妹妹好乖已介夜奶, 依家天穎習慣每3-4個鐘食4-5oz, 晚上11點左右瞓, 最遲朝早7點飲奶, 再瞓到9-10點先起身! Hehe 易湊過天諾好多呀!越來越”聚手”嘅天穎, 除飲奶同瞓覺外, 仲好鍾意同人傾計…EERR…咁回應, 笑同尖叫都唔少得, 呢一兩日仲成日好想”sit-up”, 好似好大個女咁

ROARY the Racing Car

今期天諾新寵ROARY the Racing Car, 唔知係咪d車有眼同咀, 天諾就鍾意呢? 呢套玩具天諾想要好耐, 不過香港冇得買, 姨丈姨媽好有心專登响英國訂返來送俾佢, 天諾開心到放學返來即玩, 玩到冇電先唔玩!! 今日姨姨接放學仲show off俾姨姨睇tim~~

天穎第一次同爸爸媽媽去飲茶

星期日嘅指定節目係飲茶, 今日帶埋天穎一齊, 雖然爺爺嫲嫲已經帶過妹妹出街, 但自己一家都係第一次, 連哥哥都好興奮响lift度仲讚妹妹好靚!!

睇吓妹妹同爸爸影果張相好似樣呀!! 點解天諾天穎都係似爸爸架!!

運動會

清涼嘅朝早帶咗天諾去學校運動會, 今朝太趕時間唔記得帶相機, 好彩爺爺嫲嫲有帶影得切最後一個比賽就係同媽媽跑60米, 跑步一向係天諾favorite,佢只係跑10米交接力棒俾媽媽, 可惜佢唔係交而係拋支捧俾媽媽攪到跌咗…….不過半日嘅活動已經好好玩~~

聽日唔返學

尋晚天諾瞓唔著好扭計話”聽日唔返學”
天諾: 我流鼻血, 留响屋企啦!
媽媽: 爸爸媽媽返工, 天諾返學啦!
天諾: 我唔鍾意返架~
媽媽: 返學好好玩架wor, 有玩具, 老師講故事, 有朋友仔……….
天諾: 我唔鍾意返(開始想喊)
媽媽: 係咪學校有咩唔開心? 有人蝦你呀?
天諾: 係呀, 鬧我呀!
媽媽: 邊個鬧你?
天諾: 陳老師
媽媽: 陳老師鬧你咩呀?
天諾: …..鬧我…浪費厠紙!!
媽媽: 呵~~~老師唔係鬧你,佢教你唔好浪費, 媽媽都成日教你唔好浪費啦, 係咪?
天諾: ummm……..聽日唔返學…….
就係咁攪咗45分鐘先瞓得著, 今朝差d趕唔切校巴!!!

Happy corner?

呢排响sofa餵完奶幫天穎掃風, 天穎總會對住牆角笑同埋傾計, 真奇怪!

與碩碩/啟仁分享玩具

今日媽媽嘅舊同事來探天穎天諾, 出奇地天諾將自己最鍾意嘅玩具同朋友仔一齊玩, 天穎就安靜咁觀察, 4個B想影一張大合照, 各父母盡晒力可惜只capture到4個頭响同一張相到. 散場時啟仁好鍾意同媽媽玩連自己爸爸媽媽同佢say goodbye都無反應, 呢個時候天諾就話屋企多咗個bb…好攪笑!!