過度活躍?

今朝帶天諾去上普通話朗誦堂, 見天諾練習時成日企唔定, 連李老師都對佢特別嚴厲, 媽媽見狀都覺得幾好, 有人幫手治吓佢, 果然惡過之後佢都專心小小~~
上完堂食過飯帶天諾返學, 今日媽媽同Miss Asha傾天諾平時嘅表現, 唉老師嘅comment negative多過positive; no problem in communication in English and willing to answer the question during the class but he is too active/ loud voice/ weak in writing/ no patient/ no concentration when grouping………..其實呢d comment早在k1時Miss Abby已提過, 而Miss Abby响課堂度亦有方法令天諾有所改善, 而當時老師又冇好強烈咁提出呢個問題, 不過可能k2要求高d, 英文同普通話老師都先後叫媽媽改善吓佢嘅writing同 專注力, 雖然老師有提議方法去幫天諾, 但果d方法其實媽媽都試過呢~~ 細佬貪玩好平常, 但專注力對佢將來學習太緊要喇~~~要諗諗計至得呀!!
p.s.今日唯一安慰係天諾介紹咗响學校的好朋友俾媽媽認識(開學以來天諾都未有新名字話俾媽媽聽, 依家提起佢新朋友Jeff佢就好興奮呀!)

夜晚帶咗天諾去飲, 同kwankwan玩得好開心呀~~見到人拉小提琴媽媽問佢學唔學佢仲話好喎!

齊齊病倒了

兩兄妹星期日一齊流鼻水, 其實天諾呢個月氣管都唔係好妥, 今次只流少少鼻水對於肯食藥嘅天諾唔成問題, 相反妹妹唔like食藥, 辛辛苦苦餵咗藥又嘔番晒出來…….好彩佢底子唔錯, 休息一日已好番好多, 今晚仲好好精神呀!! 妹妹响廳唱歌, 哥哥就响洗手間玩Mr.brain hotwheels

百厭妹

星期六陪完天穎上playgroup打的去megabox同哥哥爺爺嫲嫲飲茶, 飲完茶例牌玩吓滑梯, 估唔到天諾”爬”响度玩天穎即刻有樣學樣仲要哥哥"借過借過"~~ 好百厭呀!!!

中秋節快樂

八月十五係一個要返工返學嘅日子, 今朝起身兩個b醒咗, 其實兩個剛醒個樣係最可愛….

下午哥哥返學, 妹妹瞓晏覺, 媽媽公司off半day所以特意去學校接天諾放學, 之後等爸爸車就响媽媽office做功課…..

接過妹妹去爺爺嫲嫲屋企食飯, 返到屋企同天行响屋企樓下玩發光紙青蜓, 最後仲見到月亮呀!!
追月日, 好彩一日假期天氣好好, 所以去咗清水灣

今日天諾唔知係咪怕水凍, 唔敢落水, 妹妹就玩沙玩水完全冇問題~~最後用放船仔來引天諾落水, 最後咪玩得開開心心仲同爸爸姨丈游出浮台呀~~~

夜晚就去婆婆度食飯同玩燈籠應吓節, 媽媽都係喜歡呢d傳統 燈籠啊~~

p.s.哎呀!唔知天諾係咪响沙灘冷親, 今晚開始流鼻水tim......

中秋飯

今晚同公公婆婆做節, 天諾天穎表表各佔i phone 或 i pad, 所以大半餐飯坐定定都冇問題, hehe~兩兄妹出發前响屋企影吓相, 都好合作, pose仲好似model咁, 可惜媽媽手震呢……….食完飯再想同4個b影張相, 大表好唔合作走開咗, 另外3個b有咁多大人協助下都企定幾秒, 不過我哋冇晒儀態嘅嘈吵程度係嚇親途人, 失禮晒~~~

返屋企時落住雨, 妹妹堅持自己擔”姐”唔俾人幫呀!!

妹妹playgroup day

成個上午陪妹妹返playgroup真係好攰~~不過見佢開始enjoy去玩都有d安慰, 今日最好笑嘅時間係teacher派咗個道具俾妹妹扮sailing, 妹妹以為係spoon响度”um”扮食野…..…笑c人…..
下午就同Tim Tim去學游水, 今日天諾好唔專心攪到教練要向佢訓話一番, 專注力亦係train up天諾嘅其中一項呢!!

普通話朗誦課

透過天諾N班同學仔得知10月份有個朗誦比賽, 佢哋仲叫天諾一齊參加玩吓, 媽媽就俾天諾再去玩啦, 不過經過幾次比賽老師評語都係有音準問題, 可能媽媽的普通話唔太標準啦~~為咗唔想天諾學壞口音, 媽媽今次俾天諾試吓跟老師學, 不過weekday帶天諾去學野確實有d難度, 媽媽今次會預留年假去陪太子讀書……今日就請假陪佢去上堂, 天諾响念讀方面冇咩問題, 老師仲讚佢夠氣同有表現天份但儀態和動作嘅優雅度就有待改善, 好彩老師好有心機教, 而且有個大鏡房俾佢睇住自己嘅表現來練, 希望佢enjoy啦~~
上完堂媽媽送天諾返學(天諾勁開心呀), 入到課室見天諾好自覺咁交功課同tidy up功課袋 , 媽媽就同老師傾計~~hoho原來天諾真係因身高問題與同學調咗位!! 老師comment天諾寫字比較弱…….媽媽一向都知佢嘅弱點……唉要諗辦法train up吓先!!
哎呀~媽媽唔小心delete咗响學校影既相 >p<....

開學後進度

已經開學接近兩星期喇~~天穎每日見哥哥換校服就會話”哥哥學, bye bye”講完就送哥哥出門口, 而天諾每日返學都OK只是偶然問一兩句”點解咁多功課”, 唉~~k1嘻嘻哈哈, 依家要日日做功課一定未適應啦!! 其實所謂嘅功課都係好少好簡單嘅寫字練習, 媽媽一心諗住叫佢放學自己做完功課等媽媽放工返屋企同佢檢查, 但其實呢個方法唔work, 因為佢d字實在未見得人, 要爸爸或媽媽在旁指導!!! 希望佢會慢慢進步啦~~
至於學校生活方面, 每晚睡前bedtime story之後, 天諾都會講吓學校嘅事, 今晚佢好開心講, 自己又做team leader, 講咗team leader响課堂上幫手做嘅工作(媽媽好鍾意呢個安排, 可令小朋友建立責任心), 仲話因為身高問題老師替佢同另一同學調位, 咁那同學仔就不會被天諾摭住(呢點媽媽要搵老師去求證吓, 究竟係佢與鄰坐同學仔太健談被老師分開佢哋定真有其事呢?)

放假先落雨

趁夏日尾季成日想去表表度游水但次次想去都落雨, 放假又想帶兩個b去玩吓, 唔想去玩具反斗城引誘佢哋買野, 今日去咗溜冰, 已經係第二次去喇~~天諾今次進步好多, 敢自己扶住企鵝行, 仲唔想媽媽跟住同扶住tim, 可能有公公婆婆當fans, 佢要認叻一番~~

可惜妹妹太細個只能喊住咁做觀眾, 天穎放心啦~等你大個d一定會帶你去玩啊!!

姨丈Happy birthday

今日姨丈生日, 姨媽姨丈帶咗天諾去飲茶然後送他返學, 夜晚媽媽問天諾有咩生日禮物俾姨丈, 佢話冇wor, 媽媽提議佢畫畫送俾姨丈啦~天諾好乖咁坐低畫…..

天諾話畫中人係姨丈, 姨丈今日件衫好多鈕, 姨丈响屋企摘咗支花送俾姨媽, 姨丈想送多d花俾姨媽, 所以放d種子响泥土上種…….跟住落雨……落完雨出少少太陽跟住有彩虹~~
哈哈呢幅畫嘅畫工真係一般, 勝在有畫意, 經天諾解釋一番之後即刻覺得幅畫靚晒!! 姨丈收貨嗎?

小朋友恩物_電子產品

好多人話依家d細佬inborn識玩i-phone, 真係唔到你唔信, 兩兄妹玩i-phone真係叻過媽媽呀~~其實做父母真係好矛盾,怕細佬太沈迷和影響視力而唔想佢哋接觸咁多電子產品, 但食一餐飯有咗它又 會坐得定d大人又食得安樂d!!! 今日姨媽飲茶專登帶埋佢嘅新玩具出來俾兩B玩呀~~佢哋不知玩得幾開心, 夜晚妹妹仲玩到唱ABC song呀!!

妹妹今日飲茶著上新裙, 除咗著住裙似女仔外, 行為舉止都可以話係百分百男孩子啊~~

下午帶埋佢哋陪爸爸踢波, 睇吓~哥哥做咩妹妹跟到足!! 媽媽好鍾意呢輯相呀~~

忙碌星期六

9月意味著開學, 所以媽媽亦安排多咗學術性嘅課外活動俾天諾, 而妹妹呢如果做”細b”的話考K1嘅日子就快到喇, 所以未來兩個月天穎一個上午會join兩個playgroup希望對佢interview有幫助啦(真係好想明年佢同哥哥拖住手返同一間學校呀!!)…..爸爸就專車接送兩兄妹, 媽媽就陪妹妹上堂, 忙碌時間表如下:
9:15-10:15 Tia Playgroup at Kids Gallery
10:30-11:30 Tim Drama class
11:00-1:00 Tia Playgroup at HKPS
4:00-5:00 Tim Swimming class
可惜珠心算未能安排响同日, 所以天諾星期日早上要學1hr珠心算, 希望佢願意去學同enjoy啦!!
好!先講妹妹第一堂全英playgroup, 見到陌生環境係有d怯, 不過好快克服到因為有佢至愛嘅sir滑梯, 有個估唔到嘅反應係天穎見到外籍導師唔敢行近,人哋撩佢仲想即刻走開, 好彩玩咗大半個鐘後, 天穎都肯同外籍導師high five呢!
天諾呢上完第一堂drama, 問佢玩過咩都唔答, 連老師名都唔肯講呀…唉!!
游泳班今日已經開始教換氣, 天諾好enjoy呀!

天穎朗誦

平時哥哥朗誦响側邊偷師, 哈哈~啟發咗佢嘅表演潛質, 唔錯唔錯!!

兄妹kiss

兩兄妹friend起上來可以好sweet架!!

星期天飲茶天

天穎依家影相識擺post喇~~呢個歲數最好玩最得意呀!!

太嫲壽辰

今日天諾正式開學, 返學興奮放學仲好乖自己拎功課出來做, 做完等媽媽放工接佢去太嫲度慶祝生日...成晚食飯哥哥好乖, 不過就拉實媽媽同佢玩, 妹妹呢玩一陣坐一陣最百厭呢~~

影相時天穎嗲响哥哥膊上好攪笑呀, 平時粗粗魯魯, 呢個動作終於似番個妹妹!!