做花仔rehearsal

天諾响1月10日會第一次做花仔, 今日帶咗佢去rehearsal, 以為只係行吓好易教識點知佢有佢行, 我哋有我哋教, 真係一D都唔簡單呀, 好彩花女個爸爸好有經驗同耐性, 教到行得有D成績, 希望到時會表現到啦~~

take 1-極速行完


take 2-花女伴住

take 3-大有進步

公公生日快樂!

呢個生日月到公公切蛋糕喇~~

仲有難得四個B合作影返張相!!

HAPPY BIRTHDAY TO PAPA

第一張同天穎一齊影嘅全家福!

天穎十二朝

十二朝嘅天穎臍帶响早一日爸爸一提之下"lup"咗一大節, 個樣好似女仔D喇~~

姑姐探訪

姑姐畢業專登來搵天諾天行天穎影相!!

天穎家中五天生活

短短五日時間已經有好多野想寫低, 簡單講吓啦!
1. 天穎第一次响屋企沖涼, 已經俾嫲嫲執金!! 失禮晒~~
2. 每次妹妹打咳嗽, 天諾就話妹妹好似Snot Rod, 即係何解呢?爸爸媽媽都要估一陣先知點解…..你哋都估吓啦~~
3. 每朝返學前, 天諾都記得同妹妹say good morning先出門口!
4. 兩兄妹d時間夾得好好, 早上天穎瞓得唔錯, 媽媽可以上吓網, 下午媽媽又可同天穎一齊午睡, 到咗5點半哥哥放學, 玩一陣, 7點鐘兩兄妹一個食飯一個飲奶, 之後妹妹再瞓到9點幾10點, 妹妹瞓著嘅時間可以同天諾親子講吓故事, 10點左右剛好天諾瞓著可以專心照顧妹妹!!

呢個樣同天諾細個果時一樣架! 大家都有個漢寶飽咀~~

天穎返屋企喇!

今日爺爺嫲嫲婆婆爸爸帶埋天諾接媽媽同妹妹返屋企, 架車到咗屋企樓下, 嫲嫲抱住妹妹, 天諾落車時突然同嫲嫲講俾番妹妹佢, 嘩!睇來哥哥好鍾意妹妹呀!!返到屋企天諾又要妹妹同佢玩玩具, 又幫手拍妹妹瞓同餵奶, 仲好鍾意抱佢望佢同錫佢! 就係咁一齊相處嘅時間開始喇, 唔知往後係點呢?

天諾的第一次表演

快到聖誕節, 天諾學校安排咗一場由小朋友表演嘅聯歡會俾家長, 媽媽仲未出院冇得睇, 不過爸爸拍咗video,睇完好笑到傷口痛都要笑下去, 可惜爸爸未upload到段片啦! 其實成場表演, 嫲嫲同婆婆好捧場, 一見天諾就企响度揮手, 天諾一見到親人即喊, 結果成場表演2/3時間係喊住, 不過動作係照做wow!

我們家中的新成員

妹妹劉天穎(Tia), 今日出來見大家喇, 重7lb2oz, 個樣同哥哥出世時一樣, 天諾係爸爸嘅mini-me, 天穎就係爸爸嘅女版mini-me, 大家都有個漢寶飽咀, 哎!又係似爸爸,媽媽真有d妒忌, 好彩妹妹頭髮多似媽媽je!!

大埔海濱公園

爸爸媽媽為咗迎接妹妹買架8人車, 天諾今日都買咗架新單車,配埋頭盔, 好型呀~~去到大埔海濱公園試車, 天諾對搖控船興趣都好大,仲成為佢下一個目標!!

同表表飲茶

今朝天氣轉涼,我哋幫天諾著到成隻糉咁同表表飲茶!!

準備放產假

今日媽媽返埋一日工就放產假lu, 放工同爺爺嫲嫲去圓方食飯, 天諾最開心就係同天行揸車車!

今日返學精神精奕奕

今朝7點鐘起身玩完仲識叫醒媽媽送返學, 可能尋晚瞓得好啦!

等校巴時都好活躍, 頭髮又冇打風, 所以即刻同佢影張靚相!

Yeah~~今日收到st.catherine's international school信, 收咗天諾英普班, 勁開心呀!!

太嫲飯局

今晚同太嫲食飯, 天諾都算乖, 成餐飯雖然痴住要媽媽同佢玩同講故事, 但有8成時間坐响枱上已經好好喇!
p.s.收到根德園嘅信, 天諾只係waiting list, 有4000人報600個位, 其實果日天諾已經係超水準,唔緊要啦, 再等吓其他先算lor~~