抗藥性金黃葡萄球菌

今朝媽媽收到醫院電話話天穎上次睇醫生個化驗報告出咗要返去覆診, 真令人擔心!!原來上次果隻抗藥性金黃葡萄球菌仲未清, 雖然冇病徵, 但都要食藥食清佢…..攞藥時先知真係好嚴重, 支抗生素3千蚊唔係錢嘅問題而係藥劑師解釋隻藥貴嘅原因係呢款藥屬最勁嘅抗生素, 係原支配唔會打散分樽, 呢次天穎要食10日, 然後兩星期後再驗睇吓d菌死晒未, 天穎加油呀!! 由於事態嚴重, 天穎1歲生日會响屋企慶祝, 等佢完全好番先出去慶祝~~~~

郊遊

今日見兩個b都好番d就帶佢哋去郊遊, 呼吸吓新鮮空氣~~先去西貢遊艇會BBQ, 天穎食自備粥仔, 天諾樣樣食d兩個胃口都一般, 但爸爸媽媽食牛扒食到lam lam脷呢~~~
之後去咗大坳門, 爺爺聲控爸爸同叔叔放風箏, 天諾天行天穎各自各玩….開開心心又一日…..

歡樂滿東華嘉年華會

今日好忙, 先帶天諾返science workshop,今次嘅topic係build a house, 出到來天諾介紹俾媽媽聽it’s a brick house, 有roof, window, door……..



然後行街買聖誕禮物, 之後返屋企參加歡樂滿東華嘉年華會, 响正樓下梗係支持吓啦, 其實年年都有行個圈捐吓錢, 不過今年天諾識得玩, 仲坐定定睇表演, 第一次玩吹氣滑梯, 好大膽呀~~爬上果時好明顯佢係爬得最慢, 哈哈!!
玩完一輪, 天諾唔鍾意瞓晏覺, 所以就帶佢陪爸爸洗車, 佢至在玩水, 不過俾佢幫吓手都好啦~~

病魔快d走啦~~

天諾燒足4日,今日先好番d, 有7隻藥水食咗幾日, 依家仲有咳同好多痰! 一個好番d另一個就來料…… 天穎開始燒, 即刻帶佢睇醫生, 醫生話喉嚨同耳仔發炎, 又要食抗生素, 一個月內已經第三次喇~~~可憐嘅哥哥妹妹, 你哋幾時先好番呀!!

與天穎獨處的一夜

今晚因為天諾食咗藥又冇午睡, 所以特別早瞓, 8點幾就覺覺豬lu….而爸爸同天諾搏鬥咗幾晚之後亦一早要休息, 呢晚媽媽可以同天穎獨處實在難得, 由於天諾經常要爸爸媽媽陪佢玩, 所以晚間好少時間同埋有系統咁同天穎玩或教佢野, 真係要好好補償返! 今晚只係1個鐘頭就同佢唱歌, 讀書, 玩玩具, 讀卡….原來天穎睇書都好正經架, 成日都A..A...咩書都A......依家最鍾意將書架d書拎晒出來揭, 真係有動有靜!!

流醫生幾時先唔駛睇醫生呀?

今個星期六如常帶天諾去上science workshop, 之後去咗hon kwan屋企玩, 不過玩玩吓佢又咳過不停, 媽媽帶咗佢返屋企”聞氣”, 好快冇事就同妹妹玩醫生玩具, 好難得响張床仔度玩咗半個鐘, 妹妹扮病人, 哥哥做流(劉)醫生, 兩個都有文有路, 好攪笑!!

到咗零晨天諾開始有d微燒, 星期日嘅節目又去睇醫生喇~~好似10月11月嘅星期六.日都有睇醫生呢個節目!!!!~~今次醫生只係話屬一般傷風只有少少喉嚨發炎, 聽到都放心好多, 不過到咗今日都仲燒緊, 希望佢快d好番啦~~

小司機

型仔去飲

今晚帶天諾去飲, 打條領太型仔晒, 我哋飲到成11點幾先返到屋企, 天諾沖涼, 飲奶後即瞓, 唔駛2分鐘就瞓著lu…..
妹妹因為仲食緊藥冇街街去, 响屋企so lonely, 依家天氣咁凍, 佢日日著到成隻糉咁!!

耐藥性金黃葡萄球菌 (MRSA)

今日原本plan好同天諾返大陸拜山, 妹妹就留响屋企, 點知尋晚望吓證件先知天諾回鄉證過咗期, 所以媽媽都留低陪佢哋! 天氣咁凍, 大家都瞓得晏咗, 9點幾俾個電話嘈醒, 係馬醫生個姑娘打來話妹妹嘅化驗報告有result, 要返去覆診, 真係嚇親呀, 平時都唔會打電話來叫去覆診嘅, 原來唔係出玫瑰疹咁簡單, 醫生話驗到有耐藥性金黃葡萄球菌, 隻菌好勁最好食多劑抗生素清晒d菌, 嘩~~又一個療程, 前後一共要10日抗生素, 上網一查原來呢隻菌真係好惡吓, MRSA引起的併發症可以好嚴重架, 天穎今次要叻叻打勝仗呀!!

P.S.唔該晒叔叔~~

妹妹出玫瑰疹

可憐嘅妹妹燒咗4日, 前日嫲嫲帶佢去睇醫生, 有少少中耳炎要食抗生素, 今日終於退燒~~身上亦開始出紅疹, 希望佢快d好, 有番胃口食多d野…..
今晚Bob公公又來幫妹妹改裝張床, 天諾就做助手, 不過今次冇越幫越忙, 叫佢幫手傳送工具都做得好好, 佢拎住個真鎚仔又扮大佬同妹妹講”你唔攞得架, 要好似哥哥咁大個仔至得!” 唉~~呢排唔知點解成日問媽媽幾時先可以變到大人咁大個喎!!

仲未燒完

燒咗兩日仲未退, 不過仲好精神玩, 好彩聽日馬醫生返來喇~~(兩兄妹成日襯醫生放假先來病!)

My little angel

今日帶天穎去studio補影番個天使look, 點知一去到天穎已經認得個場景同攝影師仲僕响媽媽度好嗲~~試咗幾次之後都係喊, 最後放棄lu, 唯有只揀番上次影果d相, 好彩有d影得都唔錯!
中午去咗遊艇會搵爺爺嫲嫲食飯, 哎呀~天穎又開始有d燒, 唔知咩事呢?上星期病完瘦咗一個碼啊~~~又來一劑真係擔心c人喇!!

同學仔gathering

今日天諾學校假期,媽媽約埋天諾同學仔嘅family來一個校外gathering, 多謝姨媽又一次當我哋嘅bunbun+司機…..
响weekday攪一個gathering實在難得, 第一次gathering陣容鼎盛, 一共有6個families呀! Tim, Issac, Chloe, Zita, Christopher and Anson三男三女係一個唔錯嘅組合,個個有自己個性, 夾埋一齊玩真係好開心啊!!
我哋先到Novotel hotel食buffet, 天諾見到幾個同學仔排排坐食mum mum, 自己都唔執輸坐埋一份, 仲成餐飯自己食(當然姨媽幫手睇住佢啦), 小朋友食完野就坐唔定, Chloe媽媽真細心, 準備咗d畫紙畫筆俾佢哋, 大人可以再食吓野先~~

食飯時有笑料一則, 天諾响學校嘅best friend Chloe一手拖住同學仔Christopher, 另一手拎住畫紙 , 天諾拖唔到Chloe好唔開心咁同媽媽講”媽媽我冇朋友喇”, 媽媽見狀即解釋”你有咁多同學點會冇朋友呢, 搵其他同學仔玩啦!” 於是天諾走去拖其他兩位女同學, 但由於其他同學專心玩緊都唔願意俾佢拖住, 佢個樣再次顯得失落, 媽媽又再次解說”唔一定要拖住先係朋友架, 一齊玩都可以做朋友!” 跟住佢又再混入去同學仔度開開心心一齊玩喇~~~

食完野我哋出發去Hollywood hotel玩喇~~小朋友都一窩蜂去公園, 草地, playroom玩, 酒店仲有activity俾小朋友响地面畫公仔, 費用全免真抵玩~~

兩隻病猫

天諾今朝起身好番好多, 不過胃口仲未返來~~妹妹d鼻水未收晒, 仲開始鼻塞tim......依家飲奶食粥都透唔到氣好辛苦咁, 妹妹加油呀!!

Halloween 嘔到好核突呀~

尋日如常帶天諾上science workshop,媽媽送咗佢入課室後從窗外望吓佢, 見到佢坐低後自己處理背囊放置嘅位置之後沾沾自喜咁好得意呀~~

夜晚去咗姨媽姨丈度Halloween party, 天諾見到姨媽d朋友一個一個咁變樣, 成日望住佢哋笑, 唔知佢諗緊咩呢?
呢晚佢唔知食錯d咩, 半夜叫肚痛, 又嘔咗幾次連黃膽水都嘔埋出來, 好淒涼呀! 睇咗醫生話腸胃炎, 希望佢快d好番啦~~唉!好邪, 次次馬醫生放假, 天諾都病嘅!