制水Halloween?

呢張相主角唔係爸爸同天諾, 係後面條人龍去攞水呀, 話說屋苑爆水管要緊急維修, 連爸爸媽媽都要去婆婆度沖涼!!

連虛線學寫字

同天諾玩開手寫板, 晝公仔就有媽媽晝冇佢晝, 諗起天諾呢期鍾意玩聯線今晚就試吓寫letter啦~ 一寫之下原來佢都好enjoy, 而且寫得唔錯, 不過就要慢慢教佢筆順.

識控制剪刀喇~

呢期天諾鍾意用較剪剪紙, 可以剪15分鐘都唔叫悶, 早兩星期佢揸較剪係個口會跟住郁, 好好笑架!! 依家可以一隻手拎紙一隻手剪, 雖然未有剪出型狀, 但可以剪出紙條都唔錯啦!!

大帽山飲茶

今朝去咗大帽山飲茶, 咁啱遇到鈞鈞一家, 天諾同鈞鈞影相俾人哋嘅熱情嚇親, 之後上山見到好多牛牛呀, 表表好興奮扮牛叫, 天諾就驚到攬實我哋, 哈哈! 連影相都唔多想…..
其實同一場景, 天諾响媽媽個肚時都影過, 今次到妹妹lu~~

學校生日會

今日係學校生日會, 天諾著住件新衫返學好開心, 仲見人叫早晨見同學仔就聊人, 媽媽話同佢影相, 佢仲好主動捉人哋一齊影tim~~

天諾天行各自玩

呢幾日天行夜晚都有來同天諾玩, 不過成晚嘅交流好少, 因為一齊玩就爭玩具, 為免損傷, 都係各自玩好d~~

買新相機

星期日爸爸帶天諾同爺爺返大陸拜太爺, 媽媽就真正放半日假, 拜完山同天諾返城大飲茶, 點知遇到幼兒園同學仔, 係媽媽首先認出, 但問天諾認唔認得, 佢初初唔理媽媽, 當問完同學仔媽媽confirm咗, 天諾就開始成日叫住人哋個名! 飲完茶嘅指定動作--行又一城, 今日有架跑車display, 天諾都唔執輸, 扮model影張相!
嘩~~忙碌嘅佢再應姨媽姨丈邀請再去shopping, 今日買咗部新相機, 返到屋企即試, 錄低咗天諾講普通話俾你哋聽吓(係高清版來架)!!

P.S. 今日行行吓街, 天諾突然跑去媽媽面前講咗句”媽媽我好鍾意你呀!!” oh~~細佬仔講一句說話真係開心c~~

今日冇買野

今日天諾要求去又一城行一轉, 坐低食早餐祇有一家三口連auntie Alma, 天諾就問咗一乎句”婆婆公公來唔來呀”, 媽媽話佢哋唔來, 天諾就即刻講”咁少人嘅”, 哈哈真係人仔細細, 多多要求!! 食早餐好乖自己食, 行完page ONE再去玩具反斗城, 回程時天諾好自豪講咗句”今日冇買野”, 真係乖乖~~
每次去到玩具反斗城必排隊玩打機, 明明唔識玩都咁enjoy!!

嫲嫲生日

嫲嫲生日我哋去咗Disney Hotel食buffet, 一心諗住可以影多d靚相, 點知天諾見到Pluto即喊, 其後見到米奇,美尼,高飛都係喊住講”我唔要佢過來呀, 好驚呀, 爸爸媽媽好驚呀!! 好彩經過Edward哥哥同媽媽嘅努力下影到呢幾張都算唔錯,之後d工作人員幫我哋叫d公仔唔駛來我哋張枱打招呼, 哈哈成餐飯天諾都係戰戰兢兢, 睇住細佬周圍走去玩d公仔鼻哥, 佢就縮埋一邊, 真細膽!!

全晚最開心都係去酒店嘅活動室玩自己鍾意嘅煮飯仔, 同埋玩chocolate fountain~~hehe~~
呢餐真係要唔該晒Edward先生夫人,要搵日請你哋食番餐好嘅至得!!

自己行去返學喇~

今日係天諾第一次由屋企樓下行到去校巴上車處, 落到去仲好開心好有滿足感tim……Oh~今日嘅髮型好有打風feel :P

媽媽响天諾學校嘅網頁搵到, 天諾响學校嘅花絮, 唔知點解平時同佢影相又唔鍾意望鏡頭, 响學校又成日望鏡頭!

一田BB展

天諾2歲9個月喇, 妹妹仲有兩個月就出來見大家, 係時候買吓野俾妹妹, 所以今日帶天諾去沙田明星飲茶, 再去shopping(我哋嘅戰利品一箱奶粉同埋妹妹d奶樽), 天諾就搵自己嘅target- Bob the Builder玩具, 可惜冇佢心儀個款, 但係佢都冇唔開心, 我哋帶咗佢去snoopy land等佢開心吓, 足咗佢去坐船仔, 但似乎唔太enjoy, hehehe~~~之後爺爺嫲嫲來搵佢, 知道天諾有野想買但買唔到, 爺爺即刻帶佢去又一城搵, 終於一大盒戰利品返屋企lu~~~

大尾篤lunch

今日媽媽星期六on duty, 天諾來接媽媽放工, 之後我哋去咗大尾篤食lunch, yummy!! 本來諗住同佢去大埔海濱公園行吓, 點知食完飯响大尾篤行咗一陣, 一上車就瞓著, 行程就改去姨媽屋企等佢休息吓, 點知落車就醒,激氣呀 ! 最後爸爸媽媽想返屋企, 佢居然唔願走, 爸爸媽媽就放假自己去行街街~~

媽媽的生日聚會

今晚媽媽約咗班friend聚吓, 天諾跟埋一齊, 頭半個鐘都表現好乖, 之後就想周圍走搵爸爸, 好彩急call爸爸帶佢去玩吓, 同埋早d帶佢返屋企休息, 爸爸話佢响車度已經攰到瞓著zzzzzzz
p.s. Hall姨姨,d相睇落媽媽似下星期生多過你喎, 哈哈!! 祝你生產順利, bb肥肥白白!

姨姨-下次唔好喇!!

話說劉氏全體司機要去拜山,姨姨+媽媽就帶天諾去覆診, 出發係搭的士冇咩特別, 回程就選擇咗搭地鐵, 天諾搭地鐵嘅次數10隻甚至5隻手指都數得晒, 所以佢覺得好新奇好興奮, 臨落車姨姨諗住抱佢扶吓d扶手吊環, 點知姨姨太高, 抱起佢時唔小心將佢個頭撞到橫樑”pong”一聲, 天諾喊咗出來, 姨姨say sorry, 好彩天諾都好快唔喊, 仲用水汪汪嘅眼睛同姨姨講”你下次唔好喇!”, 好可憐啊~~~

開始轉涼媽媽諗住執吓d秋涼外套, 唔啱著可以俾天行, 點知反斗車王嘅fans對呢件衫情有獨鍾, 唔啱著都話要著呀, 仲要我哋幫佢影相tim!

揸住個軚盆周圍去

今朝一早起身天諾就扭計要買野, 好彩爸爸一向有新玩具存貨, 不過都約咗姨媽姨丈去mega box行吓~ 爸爸今次俾咗個玩具軚盆佢, 佢不知幾鍾意仲去到邊都拎住!!

條氣唔順?

媽媽生日本來plan去郊外玩吓影吓靚相, 點知天諾早一晚開始呼吸好急, 條氣好似唔順咁, 所以所有節目除消, 仲要帶佢去睇醫生, 第一次要聞氣止喘, 其實比起星期五晚佢已經好好多, 睇完醫生瞓醒覺, 已經冇事lu, 仲可以大大聲唱生日歌, 真係唔講都唔知佢病呀!! 醫生話佢暫時唔好踏單車或去空曠地方, 拜山都要避免, 所以秋高氣爽都要留响室內~~我哋嘅郊遊要再plan過lu….

係咪咁friend呀?

今朝返學無啦啦話要同妹妹影相, 一埋位居然攬住人來影, 好彩冇嚇親人je~~

國慶假期

都唔明兩表兄弟點解痴住呢個佈景唔願走!

今日國慶放假, 天諾已習慣咗7點幾就起身, 咁早晨緊係搵公公婆婆飲茶啦, 真係好早, 飲完茶只不過係10點幾, 連d店鋪都未開門, 所以去咗婆婆度踏單車, 玩sir滑梯, 踢波, 吹泡泡, 跑步…….夠晒運動量呀!! 今日發現原來天諾已經識踏單車, 不過仲係好懶, 踏幾吓就等人推!! 朝早嘅勞動, 午睡咗3個鐘來補數, 今日嘅假期唔錯唔錯!!!