擁抱陽光與沙灘

天氣咁好去沙灘玩就最好不過，今日仲即慶約埋天行同波波公公婆婆一齊去, 好熱鬧呀~~玩吓沙又落吓水，跟住又玩沙又落吓水好快就玩咗兩個幾鐘，其實Tim and Tia仲想玩架，不過Tim要上violin所以拉佢哋走喇~~

今日的violin班Tim轉咗班，老師似乎更嚴! 但一對八個小朋友似乎太多，Tim好容易就out of focus跟唔到呀~ 希望佢慢慢習慣啦~~另外今日妹妹痴住媽媽，唯有帶埋佢入課室睇哥哥上堂，好彩佢冇攪攪震仲跟老師打拍子!

天穎興趣班

有咗天諾學習的經驗加上帶出帶入需時，媽媽等到天穎近三歲半先開始安排興趣班俾佢。其實天穎依家已讀緊英普班，所以媽媽未有報語言有關課程，而報咗真正的課外活動。五月份開始天穎會學琴、學跳舞同學游水亦繼續學校的合唱團!! D學費好襟計呢，希望每樣活動佢都玩得開開心心啦!


今日先來第一堂跳舞，有新舞衣著天穎分外興奮，再著埋芭蕾舞鞋唔駛叫已自己响樹轉圈，貪靚真係女仔本性，轉完圈又走去照鏡，好攪笑! 上課前因要同媽媽分離就喊，咁老師俾媽媽入去陪佢五分鐘~~~hehe, 真好有得睇佢上堂，有d surprise它係英文老師教, 見天穎的主動性同動作都好滿意呀~~不過媽媽離開課室時佢又喊過，好彩一分鐘左右就冇事上堂喇~~放學時好開心跳跳彈彈咁走出來, yeah~~~

跳舞堂後join埋剛上完英文的哥哥一齊趕去上泳班喇，例排臨上堂前要分離又喊，唔夠三十秒當佢知媽媽會在旁觀課即刻收聲, 唉!真唔明佢係都要喊吓呢! 百厭妹教練叫佢坐池邊等，佢居然大膽跳落水，嚇親新手教練呀!! 之後見佢成堂都好enjoy呀~~都算好既開始啦! 至於天諾, 放低游水半年教練話佢咩都唔記得呀! OMG, 要用一兩堂時間Pick up番喇!

爸爸媽媽來緊半年既星期六上午就係咁撲來撲去帶佢哋上堂lu~~~