天諾餵自己食藥

天諾呢幾星期鼻水同咳都冇停過, 間間斷斷都有食藥, 仲食到可以自己餵自己, 上個weekend又有d氣促tim, 都係要睇醫生, 今次d藥仲有類固醇, 食咗兩日藥, 面都青晒, 真肉赤!!

妹妹釣魚

一响覺得妹妹乖巧嘅地方係佢瞓覺瞓得好著時又唔駛”暗”, 平時我哋要食飯佢總會瞓15-30分鐘放飯, 今次拍到佢又想玩又想瞓, 真係超攪笑!!

表表生日

兩老表爭吹蠟燭, 好攪笑啊!

引妹妹笑到卡卡聲

唱歌班

好耐冇陪同天諾上堂(因為上幾堂天諾點選爸爸陪), 今日黃色暴雨一家去完拜山(濕晒, 換過衫後去上堂), 呢個香港兒童合唱團嘅唱歌班, 天諾已上咗4個月lu, 由原先唔願上到依家都算enjoy咁上, 返到屋企都有唱俾妹妹聽!
上完堂仲同天行食飯買玩具, 媽媽仲買咗支價值$88嘅牙膏, 自始佢晚晚都好鍾意刷牙, 真係貴得有道理

嬸嬸出差

嬸嬸出差, 天行夜晚來搵天諾天穎玩~~

彭福公園

媽媽舊同事聚會, 召集咗7男5女共12位小朋友, 選點係彭福公園-一個爸爸媽媽幼稚園去旅行嘅地方, 出發前一晚先知原來奧馬時封咗場, 唔知開番未, 好彩小花叔叔, 莎拉同雪梨姨姨confirm開咗, 行程可以繼續……果度環境唔錯,可惜天公不造美, 玩咗1個鐘開始落雨, 好彩有個亭仔一齊玩je~~
原來彭福公園係放狗聖地, 周圍都係狗, 天諾顯得有d驚, 不過當落雨時佢好有哥哥風範, 拖住媽媽講”小心呀! 落雨會滑倒架!”

天穎都有份去, 唔知係咪少出街, 佢顯得好興奮!

天穎4個月大喇

近來抱天穎好易攰, 前日帶佢去打針,一磅之下7.5kg, 以為磅錯, 但真係冇攪錯架, 係16.5磅,勁呀!! 今次打5合1+肺鏈+輪狀病毒口服, 兩針分別响左右脾真係聽到都心痛呀! 不過嫲嫲話天穎好叻, 打完針一抱起就唔喊lu, 叻叻呀~~

呢排爸爸話天穎剪咗頭髮後成個monchichi咁wor!!似咩?

跑車同超人上身

假期最後一日浩浩蕩蕩一行十人同表表去大埔玩! 表表超人上身真係好攪笑!

陪哥哥飲茶茶再去公園

天穎有街街去喇~~

復活節假期第一日

放假想帶天諾去outdoor activity, 妹妹冇得同哥哥一齊曬太陽, 不過去飲茶食飯都會帶佢去…..
第一日假期跟爸爸去踢波天行都一齊呀, 除咗踢波都有好多野玩…
出發前先食早餐

玩火車, 唱歌仔

排排坐飲水

爺爺sure win

繼上年爺爺話加油唔”老黎”, 今年天諾改口號同爺爺講聲sure win!! 去咗遊艇會搵爺爺食飯順便同天行睇吓今年遊艇會復活節有咩擺設~~天諾好細心咁欣賞, 天行就周圍走!

TIM and TIA

same clothes and same position!

天諾响幼兒園生活照

終於有時間upload咗天諾幼兒園上學期生活照, 由學校提供!! 有d相好攪笑架~~

http://www.fotop.net/jaegerlau/KLLC08

Nice weekend

呢個星期天諾嘅病好番d, 爸爸媽媽都有番心機影吓兩兄妹!
先講哥哥, 今年清明帶天諾去拜山,佢好叻, 自己行上山唔駛人抱!!
呢個星期同爸爸媽媽同枱食飯10分鐘度先走開, 自己主動祈咗禱先食飯, 亦要求用筷子...第一次用筷子"扒"飯有唔錯表現, 值得一讚!!
祈禱食飯

用筷子食飯
尋日妹妹做咗兩樣野都係第一次, 第一次著裙仔, 著咗都唔似女仔, 不過都好得意! 由於天穎d頭泥未清理晒, 所以另一個第一次就係同佢剪頭髮, oh~~佢剪咗頭髮個樣同哥哥3個月時個樣一樣架!

剪髮前

剪髮後

Roary the racing car-III

天諾鍾意嘅玩具, 一聲號令, 大家都幫手買佢嘅心頭好, 繼姨丈上網訂roary the racing car之後, 爺爺上星期去英國旅行都專登買咗一盒workshop俾佢, 妹妹有靚裙一條!! 尋日爺爺送咗個驚喜俾佢, 就係搵咗馬仔哥哥响英國買咗roary搖控車, …….佢實在太幸福喇~~多謝各位嘅愛戴!!