有叔叔生日嘅Halloween

今晚叔叔生日食飯, 阿b有半場時間玩煮飯仔, 好一個廚房男玩得咁投入, 食完飯仲有蛋糕食, 不過唔係一般生日蛋糕, 而係蜘蛛蛋糕好靚好特別呵~~叔叔生日快樂!!

參觀幼兒中心

我哋正為快要兩歲嘅天諾搵合適的pre-nursery, 希望08年2月或08年8月俾佢入學, 報名表已經交晒俾心儀嘅nursery, 來緊就等interview喇~~今日媽媽有半日假期帶咗天諾去天馬苑一間幼兒園, 一入去就係兒童活動空間, 天諾即刻好興奮咁玩, 媽媽抱住天諾聽老師講解, 媽媽一路聽, 天諾就周圍望搵自己鍾意嘅野, 我哋仲睇埋果度d小朋友食飯, 好乖呀….個個都坐定定自己食…..天諾真係要學吓!!! 離開時天諾都好乖同老師bye bye, 媽媽問佢下次再來同呢度返學好唔好, 佢都話好, 至少佢接受到環境同老師, 諗得過呀!!
尋晚同爺爺嫲嫲叔叔嬸嬸去有骨氣打邊爐, 人人都食得開心, 天諾就只係對出街同爺爺買嘅move eye版反斗車王有興趣, 食完飯媽媽去飲, bb就响屋企同爸爸姨姨玩, 仲跳晒勁舞tim~~

三大巨頭

嘩!! 三個大少(天諾, 天行同顥顥b)第一次同場玩呀, 天諾顯得特別興奮, 抱完天行又咀顥顥b, 不過要影一張合照真唔容易, 嬸嬸叔叔爸爸攞住部相機都話好難影得好, 緊係啦, 唔係顥顥b响度彈吓彈吓就係天諾走咗去, 天行都係你有100分合作分, 過多幾個月唔知係咪咁呢?
p.s. 今朝返工, 媽媽著咗新衫, 天諾見到就指住媽媽話”靚靚”, hoho細佬仔都咁識氹人! 媽媽走咗之後, 佢例行去叫醒爸爸開電視俾佢睇(媽媽响度佢唔會架!真識搵時機!!)
依家天諾好鍾意玩聽指令做動作, touch head, toes, eyes, nose, ears, face, mouth, tummy, bottom, shoulder; show tongue; bend knee; shake legs; clap hands; move fingers, run, jump, marching......完全難唔到佢!!

好滿足的一餐午飯

要返工嘅日子, 一個星期到咗星期三真係又攰又頹, 不過姨姨今日放假帶咗天諾來又一城同爸爸媽媽食飯為我哋打打氣, 天諾仲成日講唔該同周圍聊人, 食完飯仲有時間去玩具反斗城行吓, 阿b對Halloween完全冇興趣, 難得阿b肯戴南瓜帽媽媽又唔醒目個價錢牌跌咗出來, 失察!!

夜晚食完飯, 我哋同叔叔一齊去嫲嫲度同細佬玩,細佬亦交足表情笑晒咁歡迎我哋, 天諾對嫲嫲嘅燒味檔玩具興趣大d, 玩到9點半等埋爺爺返屋企就走lu, 太攰喇~~天諾回程時一”pet”野咁撻响媽媽度郁都唔郁(不過有叫住爺爺嫲嫲bye bye)!!

保護媽媽?

天諾依家單手拋波好有力,尋晚將d波拋來拋去,爸爸叫佢拋俾媽媽,但係媽媽扮到好驚又叫唔好, 天諾即刻好細力咁傳個波俾媽媽, 真抵錫!!!
冇耐我哋又試另一情況睇佢反應, 爸爸扮打媽媽跟手叫bb幫手, 點知佢真係幫呀, 仲笑住打背脊>p< 不過我哋有時大聲講野,佢以為我哋鬧交, 呢個時候佢係幫媽媽, eerr咁話爸爸架!!

p.s. 尋晚教佢用匙畢起d紙粒, 佢一畢唔到就發晒脾氣仲喊tim, 唔掂要訓練多d佢專注力同耐性至得!!

剪頭髮,大陣仗

想幫阿b剪頭髮好耐架喇~~點解平時想剪想都唔剪呢? 因為阿b好抗拒, 周圍郁又喊, 今次諗住帶齊”架餐”去公公度幫表表剪之餘, 等阿b睇完表表剪就冇咁驚….嘩!!國際巨星都冇佢咁大陣仗呀, 有表表做示範, 姨媽姨丈拍掌鼓勵, 又要姐姐同佢打機, 又要表舅父同佢傾計, 公公姨姨同媽媽操刀, 爸爸做幕後拍攝…….雖然係陣容強勁, 但剪出來嘅效果都係一般喳!!!

BBQ~好好味!

第一次同BB去燒野食, 去咗大埔林村附近SUE姐姐屋企, 好似郊遊咁, 環境好舒服, BB玩足咁耐都冇扭計, 爸爸媽媽同朋友傾計, Tim Tim就間中跟我哋口水尾講埋一份, 不過自從俾咗燒豬扒佢食之後, 佢就成日叫豬肉豬肉, 正一為食豬!!

Mandy姐姐你影咗ｄ靚相記得俾我post呀！！另外多謝你嘅糖糖, 因為bb仔怕牙蟲村, 媽媽已經據為己有, hehe~~

登高去

燒肉，燒肉，ｂｂ嘅至愛拜山必食，拜拜之後就一啖一啖．．．．正呀！！
食完落山同德表叔玩車仔，哈哈睇下ｂｂ玩得幾叻，仲跳晒舞～～～
不過ＴｉｍＴｉｍ第日大個仔要幫爸爸手剪草喇！！

有朋自遠方

尋晚爺爺有朋自遠方, 我哋全家總動員出席迎賓, 天行細佬好乖, 成晚瞓同食, 相反天諾百厭星坐唔定之餘仲玩野, 將d車仔扔落餸度, 失禮晒!! 爺爺終於要出手喇, 用眼神凶佢再加埋重少少語氣話”唔好, 唔可以”, 天諾就以傻笑同停下幾秒時間來回應…跟住再…...其實都預咗呢個年齡係無時定, 不過鬼婆都有讚天諾學野好快, 講野同發音都好好!! 你哋睇吓佢跟人口水尾跟得幾開心!

遊九龍公園

今日响佐敦飲完茶, 去咗九龍公園行吓, 天諾觀鳥之餘又扮雀叫…
到夜晚就同嫲嫲去魚一丁慶祝生日….不過佢越來越坐唔定, 成晚爺爺同爸爸媽媽輪住同佢行來行去, 真曵曵!!

尋日同咗叔婆食飯都不知氹得大家幾開心!!
呢個b越來越鬼馬, 依家成日學爸爸叫媽媽做老婆, 呢幾晚當媽媽氹佢瞓時叫媽媽做傻豬媽(因爸爸媽媽有時叫佢做傻豬B)~~真係唔好响佢面前亂講野!!

爺爺去完旅行喇~~

爺爺冇見天諾個幾星期好掛住bb啊!! 爺爺嫲嫲約咗叔叔一家大細同我哋食飯, 食飯前抱咗佢去海邊傾吓計先~~不過阿b成餐飯最有興趣去睇turtles!!

夜晚又係同表弟相聚時間喇~~今次除咗要坐表表張學行車, 仲要同阿表一齊瞓, 初初天諾好興奮, 不過阿表越瞓越熱情投入仲叫晒tim......好攪笑佢咁熱情, 天諾有d不知所措!!

尋晚臨瞓, 阿b又有攪笑野, 依家媽媽唔駛唱歌氹佢瞓, 不過佢開始愛上媽媽講故事, 媽媽只係叫佢講一聲mammy就講故事, 點知佢話dinosaur(因為Barney主題曲, Barney is a dinosaur......), 激死!!!呢晚好扭計講故事都唔瞓, 要攪到成11點先瞓~

又有波踢喇~

又係週末爸爸媽媽唔駛返工喇~~諗住可以瞓晏d, 點知阿b玩野6點半起身(平時8點半先起架!!) 咁今朝爸爸媽媽嫲嫲同阿b去食早餐, 一個早餐時間嫲嫲買咗三樣玩具俾Tim Tim呀!!! 天諾真係好多人錫架!! 之後阿b好乖食完飯瞓咗3粒鐘所以又帶咗佢去搵爸爸踢波!!哈哈~今日第一次著章魚叔叔送嘅波鞋仔, 好啱身呀~~多謝章魚叔叔!! 不過阿b今次最enjoy係玩飲水機!

爸爸今晚去咗飲, 媽媽同bb响屋企食埋個蛋糕~~

表弟新買架學行車天諾都唔放過!! 交換坐吓都幾攪笑～～

尋晚阿b同表弟嘅交流值得一睇呵!!

天諾斟茶送媽媽

今日爸爸帶媽媽同阿b去咗朗廷酒店食buffet慶祝牛一, 正當响海運泊好車準備行過去, 點知阿b認得玩具反斗城就在左近, lur我哋要去, 成餐飯就係咁叫住叫住”反斗城, 反斗城”, 好難得氹到佢講其他野, 佢依家可以講到兩三個音, 所以教佢叫媽咪daddy,不過佢發音最好係叫卡通人物, 所以成日有笑料, 好似呢個video咁=> http://www.youtube.com/watch?v=FbmPVDjph5k
Auntie Alma 叫咗auntie ELMO =
Mammy 叫咗 Barney (係天諾近排嘅熱捧)=

但係叫daddy又好正常wow!!!
臨走媽媽去完洗手間出來見到阿b佢突然話”痾尿尿”, 咁就帶佢去厠所啦, 除咗片後佢唔肯入厠格仲話”驚驚”, 媽媽第一時間想同佢著番片, 點知就係呢兩三秒時間就斟茶送俾媽媽喇, 真係多謝晒!!!!
返屋企前, 我哋當然要還佢心願去一轉玩具反斗城啦~~~

P.S. 多謝姨媽準備嘅蛋糕, 今晚食得太飽我哋take away留番聽日切, 哈哈!!