Kellett Island Day@RHKYC

我哋一家第一次參加, 雖然d攤位遊戲好typical, 但天諾天穎都玩得好開心…..如果玩晒全部遊戲, 儲夠印花就可以响發泡膠池尋禮物, 天諾有著呢個目標好努力咁玩, 最後佢得到既滿足感從佢笑容可以睇得出呢!! 多謝爺爺嫲嫲節目安排!!

玩完仲有重頭氣, 就係去買sir滑梯~~~一聽見…..班細佬超開心喇~~夜晚即刻試玩!! $800大玩佢哋玩咁多次都算化算啦!

窩心的提子

話說星期日同爺爺嫲嫲叔叔一家食飯, 嫲嫲準備咗提子俾小朋友飯後食, 媽媽見提子酸酸哋去皮食咗一粒媽媽就繼續傾計, 响媽媽講緊野時, 天穎塞咗粒提子入媽媽口中, 一吃之下, 原來提子已去皮, 係天穎睇完媽媽做一次就學咗喇~~抵讚, 仲證明佢小肌肉發展好理想呀!! 佢再攞提子時媽媽即錄低佢!! 1粒提子共用咗兩分鐘去皮! 叻叻~~

天穎大家姐

女孩子天生愛靚愛管事嗎?

兩兄妹最大分別係....天諾兩歲時唔會揀衫著, 天穎呢次次出門口衫褲裙鞋都要自己揀, 呢排有新裙都唔著成日指定要著條牛仔裙, 攪到呢排d相見來見去都係同一件衫....唉......

天生愛管事:

1.哥哥打個"咳痴"天穎會即刻攞紙巾一定要哥哥呻鼻!

2.成日強迫哥哥飲水!

3. 屋企地或枱濕咗, 天穎會叫停其他人等佢自己抺乾!

4. 哥哥刷牙又指定要由佢幫哥哥抺嘴!

雖然見佢表現好可愛, 但有時覺得佢太霸道呢!

母親節

今年兩位小朋友响學校準備嘅禮物响星期五放學已送出! 天諾仲介紹俾媽媽聽花嘅detail點做.....

一早先同公公婆婆飲茶, 接住同天行去playhouse玩一陣就返屋企小休再就出發同太嫲食飯!

......唉講起出街食飯, 天諾呢排愛上打iphone game street fighter, 由於妹妹成日坐唔定, 媽媽通常注意力俾晒佢等佢坐定d, 結果忽略了天諾見佢有時成餐飯都打機呢!! 對iphone真係又愛又恨呀!!!!!

Chloe’s B-day Party@將軍澳冒險樂園

五月開始天諾開始返游泳班, 泳會都幾好俾佢哋試吓水, 觀察後再編班, 天諾今堂已去番上年年尾的程度!
上完堂”拿拿臨”返屋企食飯, 再出發去Chloe生日會!! 妹妹見到Chloe姐姐戴住公主皇冠眼金金, 哈哈女仔真係女仔, 擺明貪靚!! 所以生日帽佢唔放過, 堅持要戴~~天諾呢當然被party room外既機動遊戲吸引住啦~~
好攪笑, 天諾同壽星女影相時個樣好尷尬, 而天穎同壽星女細佬影相, 哈哈~ Chloe細佬又係尷尷尬尬咁扮咳~~唔通男仔同女仔影相係死穴?

今日有得玩兩個都超開心, 玩新嘅機動遊戲全冇驚過!玩完呢個輕氣球轉到媽媽有d暈, 但兩兄妹就超開心呢~~

Swimming day

有見天氣開始熱, 而姨姨會所泳池又開咗, 所以今日特意去試水! 天諾同天穎已唔怕水, 天諾第一時間自己跳落水, 天穎亦跟住哥哥!嘩~媽媽一落水, 原來d水仲好涷!! 天諾好似全無感覺, 照玩照游, 妹妹呢, 涷到有d嘴唇變紫! 所以妹妹玩咗一粒鐘度, 就上水lu~~ 至於天諾呢好似將上年學過嘅野唔記得晒, 只顧玩水啊!! Anyway又一個happy day!!

表表BBQ生日會@姨媽home

比賽完即趕去姨媽屋企玩呀~~ Yeah!! 一家人齊晒最開心! 辛苦晒姨媽姨丈喇!!

對上一次見晒福 祿 壽係滿月果餐, 今次見到bb表已大咗好多咁!有BB表表同細表表响樹, 天穎一定唔放過玩佢哋嘅時間! BBQ對於五歲以下來講都幾危險, 好彩今日同場有表姨表舅父同姨婆幫手睇住班細既!! 我哋可以慢慢燒,大家都食得好飽呀!!

普師會朗誦比賽

呢個比賽上年都參加過, 難得今年比賽誦材天諾學校已教咗, 媽媽無需額外train佢, 而天諾又樂意參加, 咁今年就再玩! 好明顯天諾對上台表演已駕輕就熟, 不過佢聲沙沙就一定唔係朗誦材料! 爸爸媽媽目標係取得優良成績(有一個獎牌), 哈哈!!今次達標喇~~Yeah!!可惜大會冇即場頒獎另天諾興奮程度大減呢, anyway個獎牌寄到來一定要俾天諾自己拆信, 等佢開心多一次!!