接爺爺嫲嫲機

爺爺嫲嫲去咗個半月旅行，一向錫孫錫到燶的爺爺嫲嫲一定有好多手信俾天諾天行同天穎~~ 天諾呢個星期已日日問住爺爺嫲嫲幾時返，終於等到接機日子喇!! 今次最有紀念價值的手信係倫敦奧運衫…….very nice! 不過d細佬都係鍾意玩具多d~~

SDM open day@ KLN Tong分校

上次試完堂已打算幫天穎報名，咁啱學校介紹去埋open day玩，除有跳舞demo外仲有畫班試堂，very nice!! 天穎見到d姐姐跳舞表演都讚嘆一句”好犀利呀”! 見佢咁投入就幫佢報咗半年，希望佢enjoy啦!

夜晚的飯局返婆婆家，一召集就齊腳超開心呢~~

天諾的小提琴進度

話說天諾去完香港兒童弦樂團interview已被安排4月上課。有嚴厲的導師同demo歌的幫助下，上了兩課後明顯拉得進步咗! 不過基本功要再加練習呢 ~~可惜個blog upgrade後媽媽upload唔到video，otherwise一定俾大家欣賞吓!

天穎第二次跳舞班試堂@SDM

今次去咗一間教出名的爵士芭蕾學校試堂，試堂費要$200地點亦不太方便呢! 但天穎明顯跳得開心過上次!

串燒生日BBQ@姨媽家

成個月前已約好同表表慶祝生日，我哋做足準備訂咗套衫俾六個b齊齊著，個個都醒醒目目影相!! YEAH!! 又一個熱熱鬧鬧嘅HAPPY GATHERING!!

 

 

波波百日宴

一百日的波波已屬大件頭型! 一家興高采烈地去參加百日宴呢~~最開心都係一班表表一齊玩，連細佬佬都唔執輸要坐大枱湊熱鬧呀!!

天穎第一次Ballet試堂

媽媽一直想將粗粗魯魯的天穎變得斯文d， 氹咗兩星期再買埋新裙仔，佢終於肯乖乖去上試堂! 雖然佢上完好興奮開心，但問佢仲玩唔玩佢又擰頭喎，所以試完仲未落實報名呢!

復活節假期第四日@Tia第一次參加陸運會

由於報名時問過天諾仲玩唔玩, 佢一口拒絕媽媽, 所以今次只有天穎參加! 一向好動和手粗腳粗的天穎俾人感覺運動型, 呢次有得玩佢非常雀躍。爸爸因為腳傷未能在現場為天穎打氣，好彩有姨媽姨丈天諾做啦啦隊!!

先來30米賽事, 天穎好似未瞓醒咁, 人哋起跑咗佢先跟人跑，平時跑得好快的天穎未能發揮水準，不過第一次接觸跑步比賽開開心心地完成都叻叻啦!! 完成後仲有成個鐘先到其他賽事，我哋就去食個早餐先~~
接住係擲豆袋，平時响屋企練都擲得幾遠架，不過唔知係咪評判哥哥解釋完規則後攪到佢好唔自然影響咗呢，哈哈得啖笑!!
最後又係親子接力媽媽組喇，天穎呢次明顯跑得快咗，仲一邊跑一邊笑望住隔離線d姐姐，總括起步仍有待改善! 賽果同上次天諾跑的一樣得到第一名呀,wakakaka!!

復活節假期第三日@水中天

今日原本Plan咗陳家郊遊樂， 可惜表表一家病晒要休息一下，我家精力充沛的小孩又甚可待在家中呢~~ 媽媽的同事介紹之下去咗三門仔魚排食飯，食飯只係配角其實想帶佢哋坐快艇呢! 哈哈一如所料，未去過魚排同未坐過快艇的天諾天穎勁興奮, 我哋話下次要同爸爸去過而天諾話下次要釣埋魚喎!!

為咗個gathering媽媽特意頂咗angry bird space蛋糕一齊食，雖然gathering cancel咗, 但好彩最後都call到舅父同波波表來食姐……..仲影到靚相tim!

復活節假期第二日

一早約定Tim的好朋友Ambrose一家出來玩, 好彩天陰陰未有雨, 可以到戶外玩玩! 我哋去咗佐敦谷公園，公園+草地絕對係小朋友消耗體力的好地方。野餐時間仲顯示到大家都好有食力呢! 雖然Tim同Ambrose今年唔係同班，但大家都認定對方是好朋友，Ambrose仲話鍾意埋Tim的妹妹媽媽同爸爸……..嘩!咁識氹人….讚呀!! 真係唔該晒Ambrose family送我哋返屋企, yeah!

復活節假期

呢個long weekend復活節假期, 唉~~可憐的爸爸不幸滑倒, 隻腳受傷要在家休養，我哋去玩時唯有用whats app同爸爸update啦!
第一日假期先來睇THOMAS SHOW, 我哋坐最尾一行，但座位對住台的正中，都好好啦! 有同學仔陪睇，未開始心情已好高漲，開show後氣氛仲high呀~~妹妹成場跳晒舞，睇咗一半已經叫媽媽下次再帶佢去睇!! 妹妹就係咁可愛咁易滿足，開心鍾意就即分享同好enjoy咁攬到你實!!

Play@Megabox playhouse

兩個假期中間的weekday, 媽媽要返工,爸爸就開始放暑假! 咁難得當然要帶d細佬去玩釋放吓佢哋嘅energy啦!! 之後仲去tea一tea!

清明拜山樂

今年爺爺嫲嫲去咗旅行，我哋作大代表。例排响亭度玩一輪就上山，今年因拜山人數關係燒豬轉乳豬，Tim and Tia就做咗最唔執輸果個, 特別是妹妹由頭食到尾…..先來菊花茶, 朱古力蛋糕，雞….仲有大量乳豬, 食到落山先停口(係媽媽叫先停)!! 食力簡直嚇親人~~

夜晚同叔叔食完飯見到一間$50快剪髮店，乾淨企理就捉咗Tim去試，服務質素價錢都ok啦!