晚飯with鈞鈞

今晚Shelley姨姨同鈞鈞接受我哋邀請來食晚飯, 小朋友當然咩都人多貪高興啦~~連食飯都唔例外, 3個b同枱食飯食得快d同多d架,天諾好乖話要自己食, 結果自己食晒成碗飯! 食完飯就一齊玩, 不過天諾玩到尾聲時, 好激動咁好用力推車仔, 撞到鈞鈞隻手指紅腫晒, 真係唔好意思喇~~天諾say sorry之後知道自己唔啱, 响鈞鈞喊住之際就靜靜地坐响sofa度, 呢個時候妹妹主動摸天諾頭同拍心口, 好似想呵返哥哥, 哥哥好冧笑番晒而媽媽就好開心見到妹妹咁細個就識得與哥哥互相扶持! 希望大個咗兩兄妹都可以做到相親相愛互相扶持啦~~

危險動作

呢期哥哥做嘅危險動作天穎學到足, 跟得哥哥多好百厭呀~~都唔似女仔嘅!

大細表生日@清水灣

為大細表而攪嘅outing向清水灣出發, 天諾想去沙灘好耐, 今日終於有得去喇~~今日天氣雖然大風d但好舒服, 去沙灘嘅人又少, 玩得好暢快呀! 姨丈買咗兩個鏟仔俾天諾同表表開工, 成為40蚊一個, 哈哈~~公公話買個真嘅都係19蚊!! 兩老表好專心玩泥沙, , 估唔到天穎好似怕dirty唔肯落地, 玩完一輪就玩踢水, 連細表表都好開心呀~~天諾就玩到唔願走!!

玩沙篇

頭髮亂了篇

踢水篇

We are pig??

今朝食完早餐10點多帶天諾返science workshop, 天諾上課期間爸爸媽媽趕去幫天穎交學費, 天穎明年1 月有nursery返喇~~辦好手續之後就返去接天諾放學, 跟住去沙田食午飯, 坐低响餐廳後有以下對話....
Tim: Mama, We are pig.
mom: Why?
Tim: We eat all day.
(oh~屋企套教材介紹d動物食咩同埋habit, 其中有教pig eat all day!) 天諾對教材d野可以吸收再運用, 不過呢一次真係唔知好嬲定好笑啊!
為免佢覺得我哋淨係識食, 就帶佢去snoopy land玩吓先走~~

下午返到屋企妹妹剛好瞓醒, 見佢成日睇住我哋出街自己冇得去喊晒咁可憐, 我哋下午嘅節目就帶埋佢去洗車!! 哥哥好落力射水同用海綿抹, 攪到自己濕晒, 洗到唔願走好enjoy呢! 天穎初初都肯坐定定睇住哥哥同爸爸, 之後成日話要洗手, 其實佢想玩水呀~~

天穎餵哥哥食水果

晚晚爭住餵哥哥呀!

足球班

天諾好乖跟教練指示做訓練, 今日有一個發現係天諾除了鍾意踢波, 守龍門亦十分樂意, 短短5分鐘守龍門時間接到3球, 好開心呀~~天穎响場邊睇得耐, 好唔耐煩, 成日”典”落地搵哥哥玩!

英文笑話

尋晚, aunty開奶俾天穎時嘅對話~~
Aunty: I prepare milk for Tia.
Tim: Aunty Aunty! I help you.
Aunty: OK! (然後大家一齊走到枱邊)
Tim: Aunty~ you “倒”the water. I “畢”the milk. (嘩!識分工合作啊)
Aunty: I am ready.
Tim: Wait~~ I am “畢”ing.
媽媽當然有即時糾正, 就係忍唔住笑咗出來:p,不過媽媽要讚吓天諾勇於表達. 雖然動詞以中文當英文講, 但講得非常流暢, 仲識加ing!!! 與aunty分工合作完成照顧妹妹嘅工作, 值得一讚呢~~

天穎1歲4個月

媽媽真有d慚愧冇好好將天穎成長細節記錄, 相對哥哥果時有咩都影,拍,寫………今次要好好mark低天穎呢幾個月嘅進度, 其實天穎說話能力好強, 叫長輩, 爸爸媽咪哥哥太嫲爺爺嫲嫲叔叔嬸嬸婆婆公公姨姨舅父姐姐姨媽aunty , 仲未叫到姨丈, 依家有要求時仲識講”好”, “唔好”, ”開電視”, 奶奶, 水水, 食飯, 街街, 抱抱, soup, 地地=要落地行, up up=要行樓梯, play, read…..

指令方面, 識touch eye, touch head, touch nose, clap hands, step feet, hands up, sit down, stop, go to bed, 抹手同咀, 餵自己同哥哥食水果…..同佢counting, 佢識講one to six

玩電制或做曵事會一邊做一邊話”曵曵”; 揸車車撞到哥哥d路軌會講”oh no”; 哥哥喊緊會去錫或摸哥哥個頭講’乖乖”相反 哥哥同佢爭玩具佢會去打哥哥頭講”曵曵” (惡妹一名); 書架有一套書連CD但分開架放佢識拎本書然後拎match果本書嘅CD俾我哋; 成日幫手哥哥執玩具………
天穎依家影相叫做合作d, 影相叫佢笑就擺出呢個嗲樣!

鍾意哥哥嘅天穎有哥哥抱住當然好受落

哥哥唱歌妹妹跳舞

同佢試著件花女衫, 佢開心到唔肯除呀! 仲扭吓扭吓, 女仔真係貪靚d……….

p.s 天穎尋日有微燒同鼻水, 睇咗醫生係一般感冒, 今日已冇燒喇~~妹妹加油呀!

Chloe 生日會@名車博覽會Forum Cafe

天諾best friend生日,當然要捧場啦~~今日Chloe 以 minnie打扮好靚呀!! 响假期最後一日見番d同學仔, 天諾都好興奮, 哥哥基本上响波波池度自己玩唔駛人理, 不過果度個slide佢都係未克服呢….妹妹呢响波波池玩好興奮但要媽媽陪, 好彩姨丈帶咗佢去行吓, 媽媽有得休息吓~~

唱完生日歌, 天諾就好緊張自己可以食到邊件, 好彩俾佢食到粒星星啫! 食完蛋糕我哋去婆婆度放低妹妹就趕去兒童合唱團interview. 媽媽只係同天諾講去唱歌俾人聽冇刻意話interview, 點知天諾以為又表演, 去到登記時天諾問點解冇台嘅, 個樣仲好似有d失望, 媽媽就唯有解釋如果今次唱得好將來先有機會上台表演架! 講完佢又冇再追問, 乖乖跟d姐姐入去interview, in完出來問佢做咗d咩佢又唔講, 唯有等5月出result!

姨姨過大禮+才藝大滙演

今日係姨姨過大禮大日子梗係要湊熱鬧啦~~哥哥仲幫手拎野, 真叻叻~~交換禮物儀式完成後,我哋去mega box飲茶, 順道支持天諾下午嘅慈善表演! 飲茶時見到同學仔一齊玩吓~~

而天諾表演嘅partner Ambrose亦預先到來夾一夾先上台, 只係夾咗20分鐘仲加插咗兩隻歌, 有呢個效果合格有餘呢!! 其實彩排時媽媽要求天諾試多兩次, 點知天諾話”我上到台就識架啦!” 媽媽一心諗住由佢自由發揮, 練吓膽!!


我哋先睇完Chloe, Anson Fung and Anson Lam表演天諾已急不及急待上台仲話想唱10隻歌, 輪到佢上台時好興奮咁彈吓彈吓, 同主持人傾完計一埋位就識普通話朗誦, 接住唱兩首英文歌(媽媽提錯咗次序, 天諾即要糾正), 唔通真係上到台就識? 表演完仲識鞠躬呀, 叻叻~~~~多謝各位fans支持!!

媽媽曵曵?

天諾玩具實在太多, 經爺爺嫲嫲寵愛下佢開始成為購物狂, 每次出街總想有野買到為止, 就算一早答應唔買, 好多時都會嚷著要買!! 唉~~媽媽好怕佢太著重物質, 答應人嘅野好易動搖, 真係要好好教導吓!!!
今晚先來一課, 話說尋日講好呢個星期唔買新玩具, 媽媽先會帶佢去Chloe生日會, 點知佢同嫲嫲出街買咗玩具, 媽媽就講出唔去Chloe生日會嘅promise, 天諾當然大喊啦~~理論一番過後媽媽俾佢一次機會但就罰冇得玩遊戲機, 當然天諾keep住喊, 仲話媽媽曵曵呀~~~聽到心都酸埋, 不過真係要硬d心腸呀, 最後媽媽解釋咗半個鐘, 佢喊咗十幾分鐘就同媽媽講好肚餓想食飯, 之後成晚都好乖, 究竟佢明白媽媽嘅用心定知道扭媽媽計都冇用而放棄呢!!!
好煩呀~~點教呀…………咁down嘅心情好彩仲有傻妹妹氹吓人啫~~
叫佢叫聲我, 其實想佢叫媽媽佢就”我”……

牙齒檢查

半年前check過犬齒d黑色, 牙醫話係漬唔係蛀牙, 呢排發現天諾門牙有疑似蛀牙, 趁住學校假期帶天諾去檢查一吓, 原來真係蛀牙呀! 都唔明天諾食糖都唔算多, 早晚又有刷牙, 咁快就有蛀牙!!! 雖然醫生話唔緊要啦到咗6歲就開始換牙, 不過真係要培養好習慣同好好保護牙齒啊!!!牙醫仲提醒媽咪要幫小朋友用牙線清潔!!

牙醫好好幫佢擦乾淨+洗牙+補牙, 天諾好合作成個過程20分鐘乖乖瞓低, 不過每次醫生換工具時佢都會”吉”起頭問痛唔痛架, 好攪笑呀~~洗完牙後佢見到牙齒白晒都好開心呀!!

P.S.今日爸爸買咗部wii, 天諾第一次玩即愛上, 唉~~兩父子都愛打機, 好彩當媽媽夠鐘收樹機, 天諾都好節制~~從此媽媽又要做多一樣野嘅衰人lu

假期最後一天

唔知天諾呢幾日係咪出得街多, 原本想帶兩兄妹去wetland park, 不過今日好似冇咩興趣去玩, 就改去咗鳳德公園, 兩個叫做走動吓出一身汗啦~~
下午仲寧願留在家玩佢嘅至愛都唔出去玩, 但係假期唔帶佢哋去遠d地方玩爸爸媽媽有d內疚呢! 見佢自己玩玩具又好似好開心, 妹妹又係時候午睡, 爸爸媽媽就放吓假去拍拍拖lu………

夜晚同天諾影定學生相, 好似大個仔好多………….妹妹睇到哥哥影相又依依呀呀嚷住要影埋一份, hehe~~難得佢肯企定梗同佢影啦~~

清明@華山

今日除咗拜山, 天諾同天行玩吹泡泡, 自得其樂!

返到屋企, 妹妹瞓覺時間, 與天諾靜靜地做手工, 今日嘅作品係Thomas, 只用咗家中廢紙盒同水彩就做到, 媽媽都覺得好滿意啊!