天穎1歲半健康院檢查

今日帶天穎去健康院檢查, 歲半有27磅屬大碼bb, 姑娘話佢體重咁好可以飲少d奶, 其實天穎依家飲3餐奶(早, 下午茶, 睡前), lunch食粥, 夜晚跟我哋食飯,飲食對於佢來講一向都係冇問題!
姑娘叫佢疊積木, 天穎話唔好, 連媽媽氹佢都唔制, 當爸爸泊好車後來到叫妹妹疊俾爸爸睇吓, 妹妹好聽話咁即刻做!!

SC Fun Day

期待咗好耐學校嘅Fun Day終於到喇~~天諾平時响屋企練歌就話佢會扮貓, 今日有全下午K1小朋友表演, 每一part都好精彩好impress , 天諾著住套貓服出場真係要花d時間先搵到佢呀!! 個表演好正, 個個小朋友都好enjoy咁跳, 最攪笑係夜晚我哋播俾妹妹睇一妹妹捉住哥哥手要哥哥同佢一齊跳呀, 而天諾就問媽媽佢幾時可以再表演wor……..

第二次普通話朗誦預演

經過上一次普通話朗誦比賽, 天諾知道係咩一回事, 媽媽問佢仲想唔想試多次, 佢又話好喎! 所以媽媽幫佢再報其他比賽, 今次朗誦曲目由天諾自己揀, 今個星期先開始practice, 差唔多可背晒, 自己仲識設計動作做俾我哋睇, 好叻叻呀!!

天穎呢燒到第4日, 有晒d胃口, 不過一樣咁精神咁玩, 今日見佢玩砌水果玩具, 發現佢小肌肉發展都唔錯喎!

天穎扁桃腺發炎

唉!!哥哥病完輪到妹妹, 星期日開始發燒, 星期一先有醫生睇, check咗話係扁桃腺發炎又要食抗生素喇……嗚嗚~~~~好可憐啊見到佢發冷震晒個樣真係心都慌!! 餵佢食藥又吐晒出來, 燒咗3日喇! 好彩肯飲水, 有尿痾….唔係就好似哥哥細個咁要入院架!!! 妹妹加油呀~~
雖然發住燒, 但一樣咁百厭同貪玩……..佢數1至10好得意架!

family day@飛鵝山

今日嘅節目上飛鵝山, 雖然天氣炎熱, 但上到山好大風, 好多人放飛機, 爸爸就試吓上次响海濱公園放唔出嘅風箏, 一放成個風箏好快咁上咗去......其實上到山除睇風景同呼吸吓新鮮空氣, 冇野啱小朋友玩, 好彩有個亭俾d細佬避吓太陽玩吓, 天行亦自備咗玩具, 可惜今日天諾天行水溝油, 兩個玩唔埋要分開地盤玩呢, 妹妹就自得其樂跑跑跳跳上落斜路!

端午節

因為天諾啱啱好番, 我哋唔去游龍舟水lu, 同表表飲完茶就去公園玩, 夜晚就同太嫲爺爺嫲嫲食飯.

1歲半天穎

話咁快天穎歲半喇~~雖然未去健康院檢查, 但媽媽憑經驗可以粗略評估吓佢!!
大肌肉發展好強, 爬. 行. 跑. 跳, 做sit-up完全冇問題, 連上樓梯都唔駛扶, 可以想像到佢係幾活潑好動(唉~即大膽百厭!!), 哥哥唔俾玩具佢玩仲會打人架~~
講野方面都算叻~~基本叫長輩稱呼都冇問題, 問佢叫咩名, 佢識答”穎穎”, 問what’s your name, 佢會答”Tim”(真吹脹), 當哥哥naughty時, 佢會學媽媽講”TimTim” (語氣重果款), 睇電視見到唔熟識嘅畫面會拍自己心口話”驚驚”, 依家仲識數1至10, 响協助下英文counting one to ten都做到,屋企本daily life英文書, 識讀出1/4圖畫如:book, towel, ball, apple, train, duck, soap……
食方面: 大部份哥哥食嘅野佢都食,仲識爭食潻! 少量唔鍾意食嘅野有: 木瓜湯, 太凍嘅食物
玩玩具方面, 哥哥玩咩佢又玩, 哥哥玩完玩具, 天穎好乖幫手clean up, 呢期好鍾意玩屋企部扭蛋機~ 出牙仔方面, 上下排門牙+犬齒8隻, 再加上排兩隻大牙, 共10隻!
可惜歲半正日哥哥病唔出得街, 唯有只帶妹妹出去行吓, 哥哥話要toy story碟, 所以一齊去CD鋪…..妹妹好enjoy自己揀埋一份!

中耳炎又來喇

星期三晚响屋企試穿完件新泳衣, 第二日就發燒…..好邪呀呢個星期買咗新床單, 天諾要求搬返自己張床瞓, 點知就出事……中耳炎又來喇~~一燒燒足5日, 依家d菌真係越來越勁, 好彩天諾食藥夠乖乖, 成6支藥水架見到都心痛呀!!

沙灘樂

天諾上完游泳班尋晚已經叫媽媽星期日再帶佢去, 所以今日嘅節目離唔開游水, again@清水灣, 天諾天穎都冇懼大浪同爸爸公公游出去俾浪沖, 天諾仲唔識驚叫爸爸唔駛捉住佢個水泡tim~~公公教妹妹玩踢水亦好開心呢!!
兩個b玩得好開心呀~~啊啊~~兩個都曬黑咗~~爸爸仲曬到由白豬變紅豬!

第一課游泳班

今日天諾上完最後一堂science workshop, 下午開始上第一課游泳班, 與同學仔Chloe, Anson, Sum man一齊上, 天諾未上堂已好興奮, 入到泳池完全唔怯, 先跟住姐姐做熱身, 然後被教練拖住落水, 全程好大膽, 抵讚呀…….今堂學吹水, 踢腳, 對天諾來講教練把佢”浸”落水(過頭果種)都唔抗拒 真係一大突破呀! 叻叻

大頭蝦媽媽

今晚瞓覺果時天諾好凝重咁提醒媽媽要帶六月份新個張體溫表, 佢話個個都有帶粉紅色張紙, 得佢冇………oh~~~媽媽完全忙記咗, 哎呀!! 真大頭蝦, 顧住幫佢諗個有營小食, 唔記得咗換體溫表要個仔提tim :p….開始feel到有壓力喇!!!呢排天諾成日唱首英文歌仲做好多動作,佢同媽媽講Zita嘅動作做得好靚架, 媽媽就叫佢表演一次, 不過聽來聽去都唔知佢唱咩!!