BB有第一部單車仔喇

星期日公公堅持要買架單車仔俾bb, 初初打算買可摺嘅, 點知一試....太細喇,最後要架大d先啱!!
姨姨見bb好鍾意揸筷子打枱面, 就買個琴俾佢响屋企玩, bb依家玩得似模似樣呀!! 除咗玩琴外, bb呢期仲好鍾意扶住網床拾野tim~~

http://www.youtube.com/watch?v=nP_XCdDSOxA
http://www.youtube.com/watch?v=DSsqSpakeQs

BB靚仔番喇~~

呢個星期bb睇咗兩次醫生呀, 因為臉上發紅仲出水tim....姨姨幫佢影咗一輯同麵包超人一樣嘅相 :( 公公仲講笑咁話爸爸媽媽咁遲先帶bb去睇醫生, 你哋虐兒咩!! 依家搽咗d有激素嘅藥就做番個靚靚bb喇~~
今日仲著埋醒目裝去飲茶tim......

送別太爺爺

今日bb十個月大喇~~ bb今朝到達靈堂, 不停望住太爺爺張相, 見過太爺爺最後一面, 一直表現好乖.......安息吧!!太爺爺.....我哋會將你嘅優點延續下去...........
之後婆婆帶返屋企, 婆婆第一次試用叔叔嬸嬸俾嘅子孫桶痾poopoo, 成功咗....好叻呀~~

BB牙牙學語

前日bb去咗太爺爺間鋪幫手~~~睇吓輝表叔幾滿意:p~~

bb依家牙牙學語,咩都叫一餐, 睇吓你哋有冇人聽得明~~
http://www.youtube.com/watch?v=J83HdMrDxNY
http://www.youtube.com/watch?v=bSV6nNSpSkM

永遠懷念老友記

我嘅老友記,我哋最尊敬的太爺爺......安詳離去了!.....你永遠在我們心中!!

探太爺爺

今日bb去咗醫院探太爺, 由爸爸抱住, 八姑婆話太爺見到bb眼都大d呀~~太爺仲引bb笑tim.........最後叔叔出馬bb就笑喇, 氹到太爺好開心!! 不過醫院唔俾bb入去探病架, 所以十多分鐘就要走lu...呢兩張相係之前等嫲嫲時影嘅~

尋晚bb响婆婆屋企, 公公兜佢痾尿, 點知佢開咗大, bb第一次成功除片片開大呀~~好野!!!

探太嫲嫲

今日bb嘅任務係氹太嫲嫲開心, 去到老人院, 其實bb已超級眼瞓, 不過總算冇失拖, 連第一次見面嘅四姑婆都好鍾意bb, 原來四姑婆响澳洲已經睇過呢個blog, 所以對bb唔陌生, 但連bb都唔怕四姑婆抱呀~~http://www.youtube.com/watch?v=twBDPJEbEc8