小型畢業Party(N班同學仔)

話咁快媽媽就認識咗呢班同學仔和家長三年喇~~當初一個新手媽媽慶幸遇到呢班友善又熱心的家長，令我哋一家學識和見識好多野!! 呢次gathering, 小朋友先到會所放電，唔知點解呢個年齡的小朋友喜歡男女各自與同性玩。Tim就當然係痴實視為best friend的Ambrose啦, 而妹妹就跟住哥哥粗粗魯魯咁, 媽媽叫佢同d姐姐玩吓啦, 天穎即答--唔得!……唉~~~

之後去function room食野, 唔知係咪做完運動的關係, 班細佬食野好落力!多謝Queenie姨姨準備的BINGO遊戲紙, 令我哋食完仲有得用問答遊戲來玩，從而令各爸爸媽媽更了解小朋友…..問題有關時事, IQ, 數學,政治……有d真係妙問妙答架~~Tim的攪笑之作係….人哋問今次神舟九號d太空人上太空的任務係咩, 一個小學五、六年班的哥哥答咗甚麼交接的正確答案, 但Tim仍舉手作答, 媽媽當時都打個突, 期待佢的答案呢…..Tim即答上太空打筋斗…….哈哈大家捧腹大笑亦不忘讚吓佢呢….今晚真是開心盡興呀!!!

父親節快樂

呢個星期Tim差不多一日一幅angry bird的畫送俾爸爸做禮物, 今日正日公公婆婆同串燒一家去台灣旅行, 我哋見早咗起身即約公公先飲茶, 之後搵爺爺嫲嫲食飯再去游水!! So happy

 

 
 

SC畢業禮

三年愉快的幼稚園生活快到尾聲喇~ Tim好快就進入另一階段! 雖然佢個樣一早就似小學生，但思想行為仍好幼稚低B…..今日的畢業禮表演good show呀! 見到佢落力扭pat跳舞就知佢有幾enjoy!! 不過响大合唱時就現晒型啦…..唱住歌都可以撩人傾計既!

申請小一的大project仍要努力呢~~

太耐冇update個blog~~可能同媽媽心情有關啦~~統一派位放榜後, Tim被派到什麼xx同鄉會方樹泉小學…..唉!都唔知咩來, 上網一check只知呢間學校連首輪自行都唔full, 咁都唔方好啦~~好彩Tim有一間私校(ICQM)作backup, 雖然呢間學校理念我哋未完全認同而且學費好貴，但勝在近屋企同校風純樸。
放榜同日ICQM就有家長會, 學校安排了故事課俾小朋友, Tim算係在這所小學上第一課, 上完Tim都好開心亦同媽媽講呢度咁近屋企都好喎~~hehe…可惜爸爸媽媽仍擔心Tim對音樂的熱誠未必配合學校的要求呢! 所以在當日我哋仲未買書同校服，再需長d時間考慮吓……當然媽媽都唔放過叩好的津校機會啦~~依家只有------等!