同學仔聚會-2 Art Jamming

第一次玩特別興奮, 天諾見番Lower B班best friend Ambrose仲超開心呢! 媽媽因為一路陪住妹妹畫, 所以天諾由爸爸take care………天諾由起稿到上色都自己攪掂, 結果……..畫意其實好好, 天諾將交通工具包括船,汽 車, 火車, airplane都畫晒出來, 不過美感就見人見至喇!!

P.S. 唔知係咪個個讚妹妹幅畫似蘋果, 天諾返到屋企又嚷住要畫!

Summer Camp @ ICS

完全退晒燒可以返暑期班喇!! 第一日返比較興奮, 放學都話好好玩!! 到咗第二個星期開始扭計, 唔知係咪早起身同埋未試過返9am-1pm咁長時間, 佢同媽媽投訴話唔鍾意返………天諾一時話唔鍾意全部講英文, 一時又話唔鍾意成日轉課室………但問佢好唔好玩佢又話好玩, 佢又主動話d老師好錫佢, 仲好開心講有個老師叫Mr.Tim呀! 所以都唔明佢唔like咩!!!

唉~~天諾一向好有主見, 唔係我哋安排咩佢就肯學!! 佢對珠心算亦開始投訴, 基於爸爸媽媽覺得”數”係一定要學同埋做事唔可咁易放棄, 所以堅持要佢上……但好怕從此佢唔喜歡數, 所以都諗緊俾佢試其他學數的方法……….可惜要解決帶佢上堂的問題呢!

Lunch buffet @ RHKYC + 姨媽生日會

得爺爺幫助, 姨丈安排同姨媽食buffet慶生日, 食完buffet仲去咗打bowling, 公公姨丈同Tim Tim一齊玩呀, 真難得!! 玩完兩個games後, 睇場叔叔介紹Tim响果度攪生日會, Tim似乎好受落!! Oh~~其實爸爸媽媽盤算緊明年唔攪生日會呢!! Anyway仲有半年. 到時至算!!

夜晚去咗婆婆家攪生日會, 場地佈置, 蛋糕裝飾再加上生日帽製作及設計都由天諾一手包辦~~今晚最攪笑係姨媽入屋果時, 由於未佈置好, 天諾居然趕姨媽出門口, 唔俾佢入屋, 哈哈!!

天諾搬床宣佈失敗!!

唉~又係咁………病咗(發燒!)……最後都係搬返媽媽隔離瞓lu……..今次仲燒咗4日, 好彩只係低燒, 不過miss咗運動會同三日暑期班…………搬床呢個問題大家都冇計喇, 又要再擱置……希望小學interview問d自理問題唔會問呢題啦~~~

接妹妹放學+接爺爺嫲嫲機

爸爸媽媽甚少去學校接妹妹放學, 今日係天穎呢個學年最後一天返學, 特意去學校接佢, 天穎不知幾開心仲好樂意同班主任Ms Denise影相! 連哥哥都係第一次去妹妹學校, 玩玩學校放置reception位置的玩具先走..........

跟住我哋趕去機場食過lunch同埋接爺爺嫲嫲機........天諾一早知有禮物固然興奮, 妹妹呢有街去唔返屋企就開心喇!! 接過爺爺嫲嫲後當爺爺送d裙仔俾妹妹, 天穎居然一手推開但搶住要哥哥嘅反斗車王衫呢.....認真粗魯同攪笑呀!!

陳家大旅行@海洋公園

真係好難得一家人去玩呀, 多得姨媽有咁多張票請我哋去玩!! 今日都算天公造美, 落咗咁多日大雨, 我哋去玩時唔曬仲只係有”毛毛雨”, 只係臨走先來一場大雨呢! 咁人齊大人當然好想來個大合照留念啦~~不過d細佬就唔多like, 天諾仲問點解要成日影相? 以下的相, 張張都有不足之處, 唔係唔見緊d人就有人冇望鏡頭呢!!!

今日天穎玩咩都好投入好開心! 天諾除對至愛的cable car興奮去玩外, 其他野好似冇咩興趣, 不過都要讚吓佢今日冇買過野呀, 雖然有要求媽媽批准買, 但經解釋後佢真係唔買喎!!真乖乖, 仲要讚吓各家人忍手見到佢失落個樣都唔買野俾佢呀!!

同學仔gathering@AMC

暑假第一個與同學仔gathering响AMC adventure zone, 唔知點解同n班同學仔媽咪特別好傾而且攪活動都好投入,所以呢次gathering都係N班同學仔一齊玩! 今日無帶妹妹來, 所以媽媽好輕鬆, 天諾同朋友仔都一拍即合, 成班細佬自己玩……….今日天諾克服了個麻包袋sir滑梯同tube型sir滑梯仲越玩high, 擺出不同姿勢來玩呢!

p.s. 個個都問天諾仲咩黑眼圈咁深架…..唉!!搬床之後佢嘅睡眠質素當然有好大影響喇!!

放暑假喇~~

天諾今日起放暑假喇~~佢暑假第一個任務係要搬床自己瞓, 經歷過幾次搬離媽媽房就病, 爸爸媽媽今次又要再忍心一次喇~~媽媽答應如果呢半個月都成功的話會獎佢去Disneyland……haha…..佢好有動力去堅持呀! 希望今次真係成功啦!

見第一日放暑假,爸爸媽媽請假帶佢哋去科學館, 不過上午爸爸帶住天諾去咗一間心儀小學交報名表, 天諾見到校舍之大已經話好喜歡間學校, 仲有兩日先到deadline已經排第一千二百多號………唉!估計有二千多人報名爭150個位……仲要經過3個interview, 真係難過搵工呀!

Gathering with Kwan Kwan

快要搬的Kwan Kwan邀請我哋去佢屋企gathering, 真係有得玩有得食呀! Kwan Kwan公公預備咗美味上海菜, 仲教我哋做鍋貼……..連小朋友都有得參與…………見佢哋玩得咁開心就俾多d麵粉佢哋玩吓, 之後再去club house喪玩! 好開心又一個下午喇~~ thank you Shelley姨姨!!

夜晚搵爺爺嫲嫲食buffet, 途中妹妹已响車度瞓咗, 都唔明天諾咁有精力, 到咗遊艇會仲話要打bowling! 其實係佢第一次玩真的bowling呢, 個球都未夠力單手hold住, 以佢的水準一定跌落坑啦, 好彩有個欄架姐, 打咗兩局, 居然俾佢有兩次全中wor…….開心c佢呀!!

天穎K1學生相

暑假過後天穎就升K1喇! 呢個學期都未完學校就話要交相, 嗱嗱林幫天穎影一輯!呢張影得唔錯喎!

激似爸爸的天穎

今日去咗爺爺度游水, 戴上泳帽的天穎勁似爸爸呀!!

開心weekend

天諾K2最後一個學校party, 媽媽守承諾到學校接佢放學, 再去同學仔Anson家玩, 諗住一齊練吓violin, 再練吓跑準備第二日嘅田徑比賽……點知一開始幾個細佬花上半小時時間玩飛行棋, 仲自己定d rules來玩…..
七一假期原本天諾好興奮去參加田徑比賽, 第一項賽事跑20米, 排到天諾果組已經有d雨, 跑完仲即刻落雷雨, 最後因天雨關係全日賽事需延期舉行…….真可惜…..之後我哋改去Chloe屋企完, 有人陪完梗係好開心啦!!

經過兩日去完同學仔屋企玩, 天諾誠邀返Chloe and Anson上我哋屋企玩, 先响屋企樓下踏單車, 到公園hae一陣再上屋企食晚飯! 一班細佬”柴嘩嘩”同枱食飯超開心呢……..