公益便服日

今日係學校嘅公益便服日, 以華服作主題, 原本唔諗住幫天諾打扮, 不過媽媽嘅同事聽到, 即刻借出佢阿仔私伙”二世組”衫, 天諾其實由細到大都未著過呢類型嘅衫, 今次佢著咗仲有得响學校表演, 所以佢著上身表現有d興奮!!

P.S. 鳴謝大少奶服裝捉供

(hehe!下次都係梳咗頭先影相lu)

呢個weekend精彩,精彩,精彩呀!

先來個happy Friday, 姐姐生日邀請咗天諾切蛋糕, 已經連續兩日食蛋糕, 佢都不知幾開心!!
星期六, 媽媽唔駛返工陪佢緊開心啦, 加埋表表來咗陪佢玩, 一齊聽歌跳舞, 無喇喇要特別點唱up town girl, 仲要聽幾次, 之後醫肚, 好叻仔自己食麵(呢個返學嘅成果好好呀!)

食飽眠咗1個鐘再同爺爺去遊艇會游水, 雖然天行唔肯落水, 但冇影響佢嘅心情wow~~暢泳過後似乎仲精力充沛, 搵咗姨媽姨丈帶佢去踏單車, 好攰嘅一日啊~~
星期日, 飲完茶去咗獅子山郊野公園踢波, 跑到臉紅紅, 休息一陣去咗又一城嘅玩具反斗城, 冇啦啦話要做醫生伯伯, 姨媽就買套醫生玩具俾佢, 真係足蟲呀自此天諾就成日話姨媽有病要同佢睇病, 真攪笑!!

之後天諾就同媽媽d舊同事食飯, 唔知點解係要痴住靈靈妹妹玩, 周圍貢同d叔叔傾計, 不過玩咗個幾鐘佢實在太攰喇~爸爸帶佢返屋企眠一眠, 媽媽就留低見識到sensor痴身靈靈同石石嘅灌奶糊食速, 好開心嘅gathering啊!!

兩個同爸爸餅印嘅小朋友
節目未完架, 夜晚仲同公公婆婆一家補做中秋節, 大擦一餐, 節目咁豐富, 天諾唔散爸爸媽媽都散, 其實我哋全家已經習慣10點半前瞓覺, 話係香港人都冇人信呀!!

劉天妹

媽媽今日去做產檢, 俾你哋睇吓28週嘅妹妹似邊個多d啦! (留意片段尾10多秒, 妹妹首次亮相!)
自我哋同天諾講佢將會有個妹妹, 佢每日都對住媽媽個肚同妹妹傾計…..佢講過嘅野一定要記下, 真係又warm又好笑架!
有一日媽媽問: 妹妹叫咩名好呀?
天諾: 叫劉天妹囉….(個樣好認真講)
媽媽: 妹妹肚餓咁點呀?
天諾: 我餵佢食飯啦~
媽媽: 但係妹妹未食得飯住, 你餵佢飲奶奶先啦~
天諾: 好呀!
媽媽: 如果妹妹眼瞓豬, 咁點呀?
天諾: 拍拍佢瞓覺豬囉!
媽媽: 乖喇~~
依家仲識胎教叫妹妹要好似哥哥咁乖tim…….

今日媽媽叫咗姨姨接天諾放學, 姨姨諗住帶佢去拎西餅食吓, 點知天諾去到見到d蛋糕猛咁話自己生日, 最後姨姨都買咗個蛋糕俾佢食,返到來仲唱晒生日歌 !! 正一傻B, 當同媽媽預早做生日啦, 哈哈!!

無聊lunch time

天諾唔駛返學去咗表舅父屋企玩到唔捨得走!!
今日打風過後, 天諾回復返學日子, 媽媽今日嘅lunch time無無聊聊, 成果係以下嘅相, 你哋得閒可玩吓~
http://www.photofunia.com/

又中耳炎!!

唔知點解天諾成日都中耳炎, 今次同一隻雲尼拿味消炎藥同樣食足5日, 食到佢叫”我唔食藥藥呀”, 好慘啊~~

呢個星期要請病假冇返學, 星期六爸爸要上堂, 不過我哋約咗同爺爺嫲嫲去遊艇會食lunch, 見到靚車天諾又去影吓相!
P.S. 難忘嘅八月十六呀, 爸爸為咗保護媽媽同天諾, 俾架失魂mini bus攪到爆腳胛, 大家過馬路要小心!!

中秋節快樂

一早7點幾天諾已經起咗身, 因為婆婆要响屋企休息, 媽媽就自己煮早餐, 食完就同爺爺嫲嫲去奧海城行吓, 下午返屋企休息, 不過傍晚開始有d發燒, 好邪呀!對上一次病又係去完奧海城, 响微燒嘅情況下, 同天行一齊落公園玩都好開心, 到咗零晨燒到成39oC, 我哋响佢瞓到矇矇矓矓下同佢塞肛退燒, 點知塞完佢即刻叫痾patpat, 好彩冇痾粒藥出來jet, 不過d燒要食住藥先退到…..:(

寶馬車展

迎月嘅節目姨媽姨丈帶咗我哋去睇寶馬車展, 其實係想去玩小朋友嘅遊樂區, 天諾最鍾意係揸車仔, 不過冇冷氣玩咗唔係好耐就走人lu

花燈設計比賽-最佳創意獎

經過天諾(剪貼)+爸爸(加工)+媽媽(設計)下, 用咗幾頁”飲食男女”+剪貼月餅同水果圖案-做成名為”美味花燈”俾天諾交功課, 我哋以為最多會有環保獎, 點知攞咗最佳創意獎, 真係莫名其妙!
其實响製作中段, 我哋望吓個花燈有d似”痰罐”, 所以天諾即刻想坐落去, 不過經婆婆提醒後, 加咗條”蘇”, 感覺好d, 我哋為咗交貨而做, 有獎攞係一個bonus, yeah~~~

爸爸返新工喇

尋日爸爸返新工前夕送天諾返學, 有其他同學仔同家長讚佢叻叻嘅氣氛下, 天諾好乖上車, hehe~~不過今日仲叻, 我哋第一個到校巴站, 連天諾都話自己叻呀!!
到咗夜晚爸爸返完新工第一日, 開門同天諾講爸爸好攰呀! 點知天諾嘅回應係, 你去踢波之麻~~爸爸個樣好無奈, 哈哈!!笑c媽媽喇!!

返學大躍進

星期一同星期二嘅返學表現都OK, 雖然係匾住咀上車,冇喊出來已經俾個叻佢, 不過尋日又喊番….嗚嗚……
其實星期二同老師傾過, 天諾响學校表現好好, 已經冇喊而且瞓覺唔駛老師拍都自己瞓著, 食飯不論份量同速度都係全班之冠, 老師仲叫媽媽讚多d佢, 呢樣唔講我哋都會做hehehe~~~~
今日嘅表現又有突破, 話說爸爸今日唔得閒, 只有媽媽同Alma一齊送天諾返學, 上校巴佢自願行上, 仲要好主動同媽媽揮手byebye, 佢仲同保母講”我唔除書包喇”…..好好笑!!