健康院1歲發展評估

上星期六帶bb去咗健康院做1歲發展評估同埋打針, 首先到步就要磅重, 量身長同頭圍, bb重量係26磅, 身長79cm, 頭圍47cm, 屬於大碼bb, bb自從引進半固體食物後, 唔鍾意食自己d粥仔, 又成日有得玩唔駛食, 所以重得慢咗, 跳出超重線lu~~ 見姑娘時, 考佢手指拾起餅仔, 左右手交換積木, 俾把梳佢又識用來梳頭, pass晒之後, 姑娘叫返到屋企俾煮飯仔佢玩同埋俾機會佢自己用匙食野......

到咗打針時間, 每次都係媽媽仲緊張過bb, 爸爸負責引開bb注意力, 媽媽就捉住佢, bb到支針拔出先喊5秒(有眼淚架), 不過爸爸媽媽已經覺得佢好叻, 佢仲好快又笑番, 姑娘話bb有機會5-10日後對支針有反應(發燒,出疹,冇胃口, "敏憎"), bb加油呀!!!

星期日, bb上第二堂幼潛, 今次姨媽一齊去呀, 記得兩星期前同一班8個小朋友只有兩個識行, 嘩!!今次只有3個小朋友未識行, 所以有一個項目要分開玩呀, bb就係咁靠牆練企同行, 成堂嘅表現bb開始時唔太like同其他bb玩, 只係人哋玩咩玩具佢就過去touch吓, 呢堂bb表現一般,可能响屋企未同佢玩過堂上教嘅野啦, 佢最冇興趣係用臘筆在紙上畫野, 支筆到手就拋開, 返到屋企要train吓至得~~到咗尾聲, 媽媽要同導師傾進度, bb就由姨媽睇實, 只係15分鐘姨媽已經俾bb玩到叫腰骨攰喇~~哈哈!!

BB爬行比賽第一名

先講尋日.......嫲嫲係bb衣著嘅忠實sponsor, 爺爺嫲嫲日本返來除了買米,仲有好多NIKE衫褲俾BB, 哈哈天氣暖d, bb可以換季喇~~
一一哥哥借咗THOMAS學行車俾bb學行, bb行起上來好順呀!! 多謝晒一一哥哥, 希望bb過年前識行去拜年啦 :p THOMAS學行車==>http://www.youtube.com/watch?v=5Lsr3UcmqbU
bb嘅生日禮物仲未收完, 講心思要提吓Mandy姊姊呢份呀, 姊姊用blog裡面嘅內容印制咗一本bb的成長記錄俾bb留念, Mandy姊姊多謝你呀, 你除咗教識媽媽寫blog, 仲咁支持同鼓勵佢, 你真好啊~~


講番今日嘅戲肉喇~~今日帶咗bb參加1歲生日會, 因為媽媽要做工作人員, 所以帶埋公公婆婆幫手揍bb. 我幫bb報咗最攪笑bb大獎(提供bb攪笑video再進行投票), 同爬+步行接力賽, 兩個比賽bb都得到第一名呀~~yeah!!! 講吓細節先, 媽媽用咗呢條片參賽http://www.youtube.com/watch?v=OgDYJvWrJtg, 結果大比數勝出, bb好勁呀!! 跟住爬+步行接力賽, bb有另一位女bb拍擋(心心), 天諾負責爬個part, 先有初賽20隊, bb順利進入最後五強參加決賽, 到咗決賽(其實第二條線嘅bb女係爬得快過天諾架, 不過天諾勝在夠專心, 不停咁爬, 最後俾佢攞第一名tim....哈哈賽事完後, 爸爸話好似龜兔賽跑咁, 諗番又係幾似wow, 咁有一個好好例子俾bb睇,做野要努力專心 :)
爬行比賽==>http://www.youtube.com/watch?v=6ItnUkTevy0

公公生日

今日公公生日去咗鯉魚門食海鮮, bb當然冇得食啦, 我哋只係俾咗魚魚同壽包bb食, 但係bb見到我哋食野都扭要食, 好彩婆婆帶咗bb鍾意嘅香蕉頂住...........haha 有冇留意到bb今晚著消防員衫呢!!
出發前响屋企同bb練習企, 點知佢唔多like, 唯有唱歌氹吓, 佢好鍾意呢首主題曲, 一聽到無論做緊咩, 雙手都會搖動, 好好笑架==>http://www.youtube.com/watch?v=rH8L-hdVfQg

幼兒潛能課程

尋日帶bb去香港基督教服務中心攪嘅幼兒潛能課程, 第一堂課程大致如下:1. 唱校歌(bb呆住聽我哋唱) 2. 玩搖鈴. 右手玩完到左手.要做埋交手動作(bb可以完成動作, 不過人哋唱歌叫佢搖, 佢就眼定定) 3. 玩用手nin汽球 (bb最叻, 因為佢手指靈活) 4. 一籃物件俾bb識別然後拿起 (bb鍾意要咩就拎, 冇聽指令呀, 姨姨要叫玩具時, 佢唔俾仲喊tim) 5.練坐椅仔自己起身 (仲未成功, 要多練習) 6. 睇人玩拋波考反應 (bb一見波就爬出去拎)………
http://www.youtube.com/watch?v=Q5LkUXQkkf0
http://www.youtube.com/watch?v=7up34Ro8hnU

經過1小時課程, 爸爸媽媽發覺佢唔鍾意埋小朋友堆, 佢對姨姨姐姐d反應好好多, bb鍾意要人哋玩緊嘅玩具, 要成日貼住爸爸媽媽怕我哋搵其他bb玩…哈哈!!
上完堂去婆婆家食飯, 今次冇咁驚舅父仔喇, 媽媽俾蘋果佢食佢咬唔到發脾氣好好笑~~
http://www.youtube.com/watch?v=2qqPO4bH5nk

今晚同阿b練習幼潛教嘅野, 發現佢比起上堂時表現好好多, 自己會嘗試由坐椅仔企起身, 雖然未企穩, 但佢放膽去做已好好喇~~~
學企-唔制版==> http://www.youtube.com/watch?v=7lB3lMWH5s0
學企70%成功版==>http://www.youtube.com/watch?v=nGRvw7siBAA

Happy 1st Birthday~~

話咁快就一年喇, 天諾Happy 1st Birthday, 爸爸媽媽錫晒你~~我哋冇幫BB攪生日會, 不過就一家人一齊食飯仲有特別嘉賓表叔, 爸爸媽媽選咗麵包超人生日蛋糕賀BB, 仲有好多有份量嘅禮物……爺爺嫲嫲送金幣, 公公婆婆送金元寶, 姨丈姨姨送金雞仔, 仲有好多利士同衫仔…….etc…..真係多謝各位!!!!
唔知點解ｂｂ好驚舅父仔，次次都要warm up 好耐先唔驚~~食完飯返到屋企成10點,平時bb已瞓喇, 但佢興奮到11點多先瞓:p

報告吓bb一歲發展先,
bb識做動作: 拍手, 請請, bye bye, fly kiss, 雙手打拍子, 手指指, 爬來爬去, 扶住物件企同行, 跳舞, 睇書正確指出圖案(apple, car, book, cow, banana…etc), 同佢著衫會遞手同腳, 給物件其他人, 拋波, 踢波
bb識講: 媽媽, 爸爸, 嫲嫲, Alma(工人名), 波波, pooh pooh, mum mum, dad dad, 打打, 心情好就唱埋歌

元旦新年節目

30號帶咗bb去祺叔叔屋企嘅bb gathering, 可能平時响屋企d玩具玩厭咗, 去到好似响玩具反斗城咁好high, 6個小朋友一齊玩好唔容易, 呢張合照都好難得架睇片就知http://www.youtube.com/watch?v=L7gBWp2Qr1w, 幫佢哋影張合照背後係成班大人要又唱又跳, 下次我諗拍班大人嘅 video好笑d, 今次bb令gathering 爸爸媽媽最深刻係佢呷醋得好緊要呀!!! 响屋企天諾得到萬千寵愛, 哈哈~~嗰日我同bb玩緊車仔時佢發現爸爸抱住雋雋即刻叫起上來, 仲伸手要去爸爸度, 就係咁發現咗佢好敏感…..我哋試過唔同時間抱唔同嘅小朋友, 佢都有反應架, 好攪笑!!
BB玩豬仔車 http://www.youtube.com/watch?v=_n4jQBC25VY
BB與叮噹屋 http://www.youtube.com/watch?v=wzKsHdyinNY



唔知係咪前一日玩到太攰, 31號約咗公公飲茶但bb瞓到10點半都未起身, 最後公公佢哋等咗bb兩個鐘呀, 話時話bb未試過瞓到咁晏, 2006年最後一日bb做咗個懶瞓豬!! 爸爸媽媽要去飲所以就由公公婆婆揍住先, 好彩我哋倒數前都趕到返屋企錫吓瞓咗嘅bb一啖~~~


2007 年天諾第一個節目係去1月1日出生嘅bb生日party, 天諾去到爬來爬去, 仲同其他bb爭玩具, 不過最吸引佢係d大人食物呀, 佢不斷爬去望人哋食緊嘜, 好彩主辦個媽咪準備咗好多baby food俾bb, 佢就一邊玩一邊食lu……其他媽咪都問天諾有幾多隻牙, 我話兩隻呀(不過一隻上一隻下), 佢哋都覺得好得意, 因為通常係出兩隻响同一排度, 但bb真係不平凡啊~~

之後bb同嫲嫲叔叔嬸嬸仲有剛去完旅行嘅爺爺食晚飯, 叔叔介紹咗去銅鑼灣, 正好對住海旁睇到煙花呀, 媽媽抱住bb第一次睇煙花呀~~bb都好enjoy~~坐到臺上, bb攬住媽媽條頸要頭對頭表示高興……… bb食晒自己d粥仔, 見到我哋d食物喊要食, 爺爺就叫咗白飯俾bb, 佢食咗好多口呀仲食到答答聲, 返到屋企瞓之前只係肯飲4oz奶咋, 仲要high到成11點先瞓~~