沙灘樂

呢排天氣時冷時熱又落雨，難得今日天氣適中約埋Ian去沙灘玩! 今年第一次去沙灘個個都玩到唔捨得走呀! 雖然水溫凍未有得落水玩, 但踢吓水都好好玩啦~~

妹妹@salon

今日終於氹掂妹妹去salon剪髮! 出奇地Tia好乖好合作咁剪.....剪完仲好有耐性咁等埋媽媽剪完!叻叻!

熱+攰爆@迪士尼

因媽媽公司有迪士尼tickets，就帶兩個去玩盡! 估唔到Tim話要睇埋煙花先走, Oh!其實次次去之前我哋都打算玩到睇煙花, 但次次都支持唔住頂多五六點就走人…….今次真係玩到關門先走…..勁攰呀!! 不過超開心，因為見佢兩個好enjoy好開心，特別係Tim真係堅持到唔買野, 哈哈!!

呢日至勁既係妹妹，响Toys story land陪爸爸玩降落傘, 媽媽一向怕離心力，所以冇諗過要玩…..細膽的Tim當然攬住媽媽仔手唔去玩拉…..而妹妹同爸爸就一於試玩呀!! 雖然妹妹玩時個樣一d都唔enjoy, 仲話下次唔玩, 但佢的貪玩勇氣真係要讚讚!!

睇車日

今日孖T揹住姨丈從英國買返來的手信，出到街特別醒神(不過都帶點傻氣，畢竟天諾都六歲嫲)!

由爺爺決定換車就答應由天諾選車的顏色，所以呢個星期六上完英文課，一家就趕去陪爺爺揀車, 兩個細佬仔有得攪攪震、架架車坐吓不知幾開心! 最後天諾想要的藍色冇貨就揀咗shinny silver，oh! 似乎除佢之外大家都不太喜歡，雖然爺爺話佢鍾意唔緊要啦，不過既然嫲嫲同爸爸都有意見，我哋就諗諗方法勸佢改變主意，好彩佢最後都肯讓嫲嫲話事! 咁嫲嫲當然獎佢禮物啦! 哈哈!

尋日睇完BENZ今日就陪姨媽睇mini cooper, 佢兩個簡直當個show room 係自己屋企一樣! 周圍走周圍坐, 最開心臨走個sales一人送咗一架mini cooper車仔, so surprise, 兩個超開心啦~~~~

上學期回顧

幼稚園最後一年, 呢個學期天諾已習慣下午自己做完功課等媽媽放工同佢檢查, 當然靠佢自己做就一定有錯漏, 呢點慢慢來有待改進, 至於最令媽媽頭痛既係筆順問題, 因為做功課時媽媽唔係從旁督促, 天諾往往用佢自己嘅寫法完成中文功課。唉! 希望慢慢改善啦!
至於天諾上學期的assessment report, 爸爸媽媽都好滿意! 最難得天諾被讚有領導才能, 呵呵!

香港兒童弦樂團interview

為咗個interview天諾呢星期加緊練習!! 媽媽一心只想幫佢報樂團小提琴班等佢可同其他小朋友夾歌, 學起上來冇咁悶!

interview前先到麥記食早餐, 平時買食物唔敢單獨行事的天諾, 今日可能有妹妹陪住, 自行去幫爸爸買咗杯可樂。雖然只係簡單任務, 但總算開咗個頭, 第日再鼓勵吓應該可以做更多!!

至於個interview天諾拉咗兩首歌, 算ok啦!至於老師問佢學到咩音, 媽媽啞口無言, 好彩天諾都識有d反應je!!

之後去咗探肥表弟, 哈哈同bb玩都係天穎有耐性d......玩完b, 去嫲嫲度食飯!

Hea的星期日

上星期日冇咩節目, 同兩兄妹第一次搭咁公共交通工具, 先同姨媽姨丈飲完茶, 再坐ferry, tram兩個已好興奮, 最後搭巴士返屋企, 仲要俾佢兩個坐上層第一行, 全程都好雀躍! 簡單的節目就因兩個未試過一齊坐，那份新鮮感令兩兄妹開心不已!

全職媽媽的一天

好充實, 非常享受啊! 一早送晒兩個返學再食個早餐去買餸, 跟住趕去學校接天穎放學, 天穎開心到回家途中緊扣媽媽雙手(搭港鐵), 講起真慚愧從開學到依家, 媽媽到學校接天穎的次數係十隻手指數得晒! 回到家吃過午飯,叫天穎唱吓學校的歌俾媽媽聽, 佢心情咁靚即好認真咁唱啦~~
天穎午睡時間媽媽同爸爸走咗去睇戲輕鬆吓! 之後趕返去同佢哋踏單車仲搵埋Ian一齊玩, 真係Happy Friday呀!!

Long time no update!

Busy busy busy………….公私兩忙實在大大減低寫blog的動力呢! 今日三月一日就來個Recap……….不過用相來回憶吓吧!

同表表有個約會!

兩兄妹齊齊做年假功課, 哥哥仲好有心機教妹妹, 難得妹妹又受教喎! 媽媽見到呢個畫面真係好滿足呀!

同學仔團拜!

餵羊羊

探表弟

拜年@Hall姨姨家

新年回鄉探親篇