結婚5週年

今日係爸爸媽媽結婚5週年, 撇開大小魔童去咗YAMM豪吃自助餐, 唔知係咪太耐冇食咁多生冷野, 媽媽食到嘔 :p
食完嗱嗱林返屋企湊b, 天諾今晚突然動筆畫畫, 畫完仲解說畫中圖案, 個太陽/雲同樹都畫得好似, 爸爸媽媽都大讚佢有進步, 好!呢份就當係送俾爸爸媽媽嘅結婚禮物啦~~媽媽已經將佢貼响office!!
天穎就同我哋傾計同笑, 好可愛啊~~

肺鏈第一針+輪狀病毒口服

依家d預防針真係越來越多, 兩個月大人仔咋~天穎加油呀!!

天諾見報

今朝帶咗天諾幫地球之友做一個“6.21熄燈.照亮維港星空”嘅宣傳活動, 所以見報…10點鐘rehearsal小朋友要唱首Twinkle Twinkle Little Star, 天諾初初有d扭計, 我哋要好似海豚表演咁用食物利誘, 跟住天諾响rehearsal表現出色, 可惜到11:30開始表演時~~食物已經食晒, 天諾扭計唔肯出場, oh好失禮, 爸爸立即去買糖, 雖然冇表演, 但趕得切影大合照, 都算有得交差啦~ ~
都市日報 HK Standard

下午返屋企同妹妹玩一陣

夜晚就同爸爸d朋友食飯, 兩個小朋友互相影響下, 食飯食得好乖啊!!

妹妹你好甜呀~~

妹妹笑起上來真係好甜!

天穎兩個月喇~

天穎兩個月大要去打針, 哥哥有d感冒,所以一齊去睇醫生, 全程天諾表現出哥哥本色,不斷同妹妹講睇醫生唔駛驚架!

Hello 楊B

今朝係天諾學校家長日, 老師俾咗好詳盡嘅幼兒檔案俾我哋知佢嘅校園生活,老師讚天諾上課表現很好識好多野, 食飯同去洗手間都有進步,不過要改善自我控制情緒方面! 最後老師頒咗清潔獎俾佢!

第一次同Hall姨姨嘅楊b見面, 叫天諾同佢玩, 估唔到天諾會用自備嘅玩具引佢笑仲教佢玩車車~~

嘔奶!

唔係天穎呀, 係天諾嘔奶....就係咁停課3天, 今日係新年假後第一日返學, 例牌喊住返學, 仲古惑咁問媽媽,:嘔奶係唔係唔駛返學, 好似想做逃學威龍!

以牙還牙!!

今日一一哥哥一家來探妹妹同拜年, 天諾同一一哥哥"片"車玩得好開心, 點知阿一妹加入, 一架車3個人玩必有爭嘅情況出現, hehe情急之際, 一妹咬咗天諾件衫一吓, 估唔到天諾以牙還牙咬咗一妹一啖,真係唔好意思, 下次要睇實d至得!!

天穎每次有客到都好乖, 今次都係靜靜地聽我哋傾計~~