大個仔喇~~自己玩!

依家阿b夜晚會自己玩唔咁痴身lu………..踢波, 打波玩投籃, 睇書, 睇相認人, 玩砌水果玩具, 騎馬仔, 玩波波池, 聽到有人開門就叫公公, 同埋執人口水尾講野, 尋晚佢圍住媽媽走來走去, 我哋講咗”暈陀陀” 佢就跟住講跟住仲好得戚咁笑………玩到10點鐘就叫奶奶或者go to bed, 10:20 前zzzzzzzzzz
投籃http://www.youtube.com/watch?v=djvdEe7_l9w
踢波http://www.youtube.com/watch?v=feOGZCtbpZ4
尋日帶阿b打歲半針, 唔知係咪轉咗醫生(仲要係上次入院果個), 全程喊足!! 只不過10分鐘, 喊完走人~~ 好彩打完針反應唔算大, 食得玩得……….
今日飲完茶仲同姨媽姨丈公公去冒險樂園打保齡, 個波都好重吓架!! http://www.youtube.com/watch?v=ljuTpuJB7JU

假笑bb

天諾依家識假笑, 仲成日古靈精怪, 上星期日飲茶姨媽幫佢影咗輯靚相, 姨媽點解你部相機影到佢咁瘦架!!

兩父子咪書?

不得不post呢張相呀~~拍攝於尋晚, 爸爸(坐bb隔離)睇龍珠, bb睇英文教材, 好一個對比啊!!

同場加影bb啜腳指(佢痾到冇力, 個身摺埋咗)=>http://www.youtube.com/watch?v=jbNqKmcS-Gg

瘦咗3磅嘅天諾

痾足4日終於好轉喇~~話說上星期三晚bb開始痾嘔, 到星期五未見好轉就同bb睇醫生, 真係好險, 醫生話bb如果8小時內冇小便就要入院(怕佢脫水), 好彩阿b响睇完醫生6個鐘度有尿尿………..可以响屋企休息, 不過唔可以飲奶, 只係食白麵包同粥, 唉! 佢又冇晒胃口, d野食又咁單調, 食到佢拎晒頭, 依家瘦咗3磅!
睇吓姨媽買咗個新鏡頭同阿b影咗輯相, 好耐冇同阿b影沖涼照喇~~ :( 真係瘦晒……喔喔喔~~~~

歲半生日喇~~

本來諗住帶阿b去西田新開個間bb餐廳慶祝歲半生日, 點知阿b尋日食咩嘔咩仲痾tim(係第一次嘔到開水喉咁呀), ai……真係邪次次到12號左右就有病嘅徵狀。 雖然都好精神咁玩, 但好明顯佢好似腳軟咁, 所以都係留响屋企休息算lu~~
http://www.youtube.com/watch?v=OVm7e9P8X-U
18個月嘅天諾好鍾意讀書, 睇電視, 聽音樂跳舞, 食野, 叫姨丈已經冇問題,我哋要佢叫大姨丈, 3個字實在有d難度, 不過佢仍然好努力咁跟我哋口水尾學講, 最攪笑學叫表弟好似講粗口咁”表表”, 見到bb照包括自己幾個月大嘅相都叫”表表”, 出牙情況: 今個星期多咗1隻大牙同1隻門牙, 依家有10隻牙仔喇~~
bb你最緊要身體健康呵!!

新髮型

媽媽終於病好有心機 update blog喇~~
話說7月1日帶咗阿b去北潭涌日營, 媽媽頂唔住病倒, 玩咗半日就走人, 所以冇嘜影相…..

你哋睇吓阿b嘅近照, 最長頭髮係5月, 跟住個個彈個張6月, 7月個張唔駛講啦!! 我哋差不多1個月幫佢剪一次頭髮(天氣熱ma), 次次諗住修吓, 點知修到最後都係剷光靚仔d~~~