與表表齊玩冒險樂園

8磅細細表同大家見面喇~~同大表好似樣啊~~

呢個星期日帶咗大細表去黃埔冒險樂園玩, 得姨姨同細細表响屋企好好休息.

有得玩天諾天穎當然好雀躍啦~~大細表就熱身好耐先肯玩, 最開心就係一齊玩波波池! 可能玩完波波池心情好high, 叫佢哋去玩frog hopper都唔托手肘喎! 連天穎都剛夠高可以一齊玩呀~~而且佢仲係最enjoy果個tim!!!

學校旅行@Ocean Park

今年嘅學校旅行响海洋公園, 天諾已等咗成個月喇~~前一晚天諾叮囑媽媽不可帶食物進場, 相信係老師嘅指引吧!! 攪到媽媽為佢準備既零食都俾天諾reject晒! 哼~平時又唔見咁聽話!
今日天氣真係好好, 成班同學仔興高采烈咁入場, 影過大合照大家就一齊去參觀新的水族館, 平時天諾對睇魚係冇咩興趣, 不過有同學仔嘅關係, 佢嘅投入度都比預期好!
之後大家都準備乘cable car, 出發前叫住佢哋先要veevee, 但有得玩邊有細佬肯去呢.........所以媽媽提議不如自己去洗手間探險啦~~哈哈不出所料, 三個男孩子聽到探險即手拖手話去.去.去.......但是佢哋要去男洗手間呀!!! oh my god~~3個媽媽企咗係度, 佢哋未試過自己去洗手間架!! 媽媽叫住....唔好弄濕褲子, 唔好touch dirty地方, 記住要洗手..............唉!都唔知佢哋聽唔聽到就入咗去lu~~~結果佢哋好有滿足感咁出番來, 雖然去洗手間係一件簡單事, 但對於5歲小朋友已係一個小考驗喇~~

睇熊貓, 乘海洋列車, 玩機動遊戲..............盡興的一天呢!

值得一提係....天諾第一次玩frog hopper, 可能係有同學仔一齊玩嘅關係, 天諾完全冇抗拒(比著平時實唔肯去玩姐!).....睇個video就知天諾有幾驚....哈哈

妹妹起樓@學校

返到屋企見到天穎呢個樣, 好可憐啊~~~

老師剛好打電話來講述佢响學校發生咩事! 原來天穎返到學校一入課室就”kick”親跌倒, 額頭撞咗落個櫃度, 响學校已”呼”冰, 其實見到天穎唔止額頭紅腫, 鼻樑+左眼袋位置都有d紅, 不過老師堅持只有額頭受傷………….算啦小朋友跌親梗有既!
難得老師打電話來, 順道問吓天穎响學校嘅情況, 老師話天穎响學校已適應而且冇喊, 但…………….好有主見, 唔聽老師指令, 唔順佢意就好惡………….唉! 媽媽知佢應該係班中既惡妹呢!!

Ex-colleague and BB gathering

今日同舊同事聚會兼 BB gathering, 好開心見到有新成員加入, yeah!! 上年年尾真係旺女呀, 3名新成員都係女仔! 天諾天穎見到有bb在場都好興奮, 天穎仲主動同bb玩同抱抱, 真係最溫柔既一刻呀~~咁難得嘅gathering, 影大合照當然唔少得啦, 一唱歌d細佬都算合作!

轉校難題

前日同天穎既學校有d磨擦激發爸爸媽媽同天穎另覓學校, 事原上年年尾响天穎未入學前校方已來電傾有關天穎升K1安排, 以為一切已settle, 點知學校行政嘅失誤…….唉~~…….攪到媽媽想即同天穎退學!! 咁啱一間國際學校pre-nursery班招緊生, 所以今日帶天穎去試吓! 因為係新校舍, 所以環境好乾淨, 老師好nice, 課程亦吸引(有英普班),最特別係一星期有一課日文班, 爸爸媽媽對呢所學校感覺良好啊!! 經過幾天與讀緊間學校周旋, 最後佢哋終於認衰同安排返我哋想要嘅班給天穎……….不過難題就來喇~~見過間國際學校真係幾鍾意, 究竟依家轉唔轉校好呢~~雖然pre-nursery學費差不多, 但K1學費真係相差好遠$3000difference一個月可以學好多野喎! 點算呀!!!!!
呢個星期買咗條新裙俾天穎, 有interview梗係即著la~~

Happy Valentine’s Day

今日Tim & Tia都返學喇~~好好笑, 妹妹都係喊住上校巴, 等車果時佢仲喊住話”我要坐爸爸車, 我要坐爸爸車!” 哈哈好欣賞佢用完整句子去表達呀!!
咁凍嘅情人節我哋選擇响屋企打邊爐, 邊食邊俾兩個細佬玩, 食到成9點幾先開始同天諾一齊做環保吊飾功課, hey………做做吓得媽媽一個攪, 問到天諾點解唔幫手, 佢就話想畫張Valentine card俾我哋wor! 最後畫咗張 I LOVE MUM AND DAD嘅卡送俾爸爸媽媽呢, very nice!

Kaitlyn birthday party @ Kwun Tong Play town

呢個星期日冇去飲茶, 一家四去中心食過早餐後, 媽媽陪天諾去圖書館, 爸爸陪天穎响商場度hea…….跟住返屋企食過午飯, 爸爸and妹妹午睡休息, 媽媽同哥哥做珠心算功課同讀圖書, 好休閒嘅假期呀! 到咗黃昏就出發去同學生日會! 第一次去Kwun Tong Play town, 兩個b當然玩到喪啦~~要提一提天諾玩攀石, 唉~都係手腳未能協調好呢! 而妹妹…居然有個滑梯佢玩完叫驚驚…梗係啦你哋睇吓佢玩滑梯嘅姿勢……..哈哈!

中文閱讀訓練及記憶班

今日帶咗天諾參加試堂……………其實k1時已有不少同學上緊呢類課程, 但由於媽媽怕太谷同埋安排人手接送問題, 所以當時冇俾天諾學…….但有見近日同天諾去圖書館, 佢只有興趣揀英文書而不願意睇中文書, 雖然媽媽會同佢讀吓字卡, 但佢有時會抗拒中文, 而且今年要面對小一interview, 所以就俾佢試吓, 觀察吓個效果! 成$275一堂(個半鐘), 確實唔平架, 希望藉此提升到佢對中文嘅興趣啦!

假期完畢

妹妹今日返學喇~~早兩日已開始同妹妹做定心理輔導, 不過一提返學佢就話”唔好”, 所以今日爸爸媽媽哥哥公公專登送佢到學校, 結果都係豪哭一番, 估計佢見唔到爸爸媽媽就應該無事lu……………到咗放學見爸爸同哥哥接佢好開心呀!仲同哥哥一齊彈吓彈吓咁返屋企!

年初七

今晚爺爺嫲嫲就開始南極遊輪trip喇~~呢次出門將會成個月先返, 臨行前當然會帶三個b買玩具啦~~好彩今日買嘅玩具唔算大je……..
夜晚爸爸去咗送機, 見兩兄妹幾好mood, 就同佢哋影吓相, 哈哈!!媽媽係戀囝戀囡狂呀, 呢幾張相係咪有專業model feel先?wakakakakaka

年初六@林村,流浮山

開心嘅時間過得特別快! 媽媽今日原本開工大吉喇! 但婆婆全家興致勃勃話去流浮山食海鮮開年, 媽媽就請多半日假去fever……….第一站先到林村許個願, 天諾好叻呀居然自己成功將寶碟掛上許願樹(hoho~可能係佢嘅願望好易實現啦!), 而表表就唔捨得拋個寶碟, 最後攞返屋企留念!

今日影嘅相都好唔錯, 最好笑天穎同細表表好friend, 拖手手之餘仲好合作影相呀!

Hea一陣, 就出發去流浮山, 時間剛剛好見到好靚嘅日落, 即刻叫Tim Tim捉住佢!! 公公婆婆响度想當年……..天諾就聽到一頭霧水!?.........所以叫走去食飯, 好正嘅一餐, 好滿足啊!


呢個新年過得相當充實, 爸爸媽媽明天要返工lu!! 辛苦晒柴可夫爸爸!!

年初五@布袋澳

今日好多姑婆來拜年呀!見天穎冇返大陸同姑婆拜年, 今朝專登帶佢飲茶見見長輩!估唔到天穎咁乖肯俾姑婆抱抱, 而天諾就同d表舅父玩得咁開心啊~~

今晚爺爺嫲嫲請食飯@布袋澳, 早d入去行吓影吓相, 又睇吓人釣魚, 好寫意舒服呀!

媽媽好鍾意呢兩張相!!