比賽日

今日上咗好重要嘅一課, 天諾獨誦組有24位小朋友, 佢係第二十三位出場, 要等咁耐佢心情已大跌, 加上到第18位 小朋友時佢突然”打c憶”, 確實有影響表現架, 到頒獎時間天諾見其他識嘅同學仔有獎牌, 而自己冇….佢扁住咀問咗媽媽一句點解我冇嘅, 媽媽先記得未有同佢做好心理輔導tim, ….. 媽媽即時作出安慰,其實爸爸媽媽見天諾有好大進步,又肯用心去練已經好滿足, d獎係唔夠分架, 所以有俾心機盡力做已經好好, 呢次冇, 下次再努力d就會有機會有架, 加油呀!! 跟住天諾就話下次要個好似臉咁大嘅獎牌wor…….佢好似好明白咁. …..當然爸爸媽媽送嘅獎勵一定唔少得啦~~

p.s.媽媽臨瞓前問佢今日去朗誦好唔好玩, 佢話好呀, 再問佢下次仲參唔參加, 佢話好喎! 媽媽都鬆一口氣喇~~起碼佢冇因為今日嘅失敗而放棄或唔敢再試呀,good boy!! 不過下次要再教埋佢"登"其他得獎者開心至得!

Tia first Halloween Party

今日天穎playgroup以小仙子造型出現, 整個party佢最enjoy周圍走, 人哋唱歌跳舞佢就走咗去玩slide, 仲要求媽媽同佢影相~~其中一個環節trick or treat要去班房攞 candy, 途經d班房有公仔擺設, 平時唔多玩公仔嘅天穎竟然走去玩喎!!

Happy Friday

今日媽媽請咗半日假湊天諾放學, 响課室成班同學仔已好開心, 臨走前見返N班嘅同學仔, 大家嘅造型都好吸引~~~一定要來個合照啊~~影得太開心連學校關門都唔捨得去呢!! 之後就食吓野再去李老師度最後練習!

朗誦比賽預備

呢幾晚天諾好乖响屋企練習為星期日嘅比賽作準備, 比起自己教確實有好大嘅進步, 但相比同組強勁對手係有一定距離, 不過媽媽見佢冇抗拒同有進步已好開心, 希望星期日佢正常表演出平時練習水準已好好lu!!!

明天party天諾話要prepare salad返學同小朋友分享, 所以今晚一起製作, 仲好欣賞自己嘅製成品!

胡迪vs小仙子

前幾年Halloween, 天諾都無咩感覺, 不過今年佢好主動同媽媽講想扮cowboy, 仲叫媽媽去玩具反斗城買 件woody睡衣俾佢著返學開party. 媽媽又點忍心俾佢著睡衣去party呢? 唔該晒Vincy姐姐相助, 幾經波折買到呢件似樣嘅衫!! 雖然唔係完美, 但都好靚呀~天諾識擺吓pose俾媽媽影相, so smart!!~有得扮野梗預埋妹妹啦~~呢個小仙子so cute!!妹妹都著到唔想除呀!

Pre-Halloween party

Halloween未到兩個表表扮吓野, 逗得大家好開心呢, 不過天諾呢淨係識笑, 叫極都唔肯玩埋一份……..

點解有兩個妹妹架?

今日响playgroup天穎好鍾意自己對住鏡玩, 媽媽就同佢影張相留念喇~~點知天諾無意中睇到呢張相有d驚訝咁問媽媽” 點解有兩個妹妹架?” 哈哈~~估唔到嚇親哥哥!!

今日學學玩游水係都要跟爸爸一齊洗車wor!!

同姑姐食飯

今晚同姑姐食飯, 天諾痴住姑姐坐, 哈哈~~媽媽可以專心照顧妹妹! 而妹妹次次出街都好high, 成日”快樂步”咁行架!

Hae嘅星期天

今日同爺爺嫲嫲飲完茶就返屋企hae…………妹妹著住條裙仔貴野來架(只著過兩次), 之前唔記得拎出來, 今日著返已好tight, 爸爸成日驚佢抖唔到氣幫佢解開d鈕…..

小提琴班第二課

今日天諾好興奮咁第一次接觸個小提琴, 爸爸媽媽放工返到屋企, 佢好high咁話要拉俾我哋聽, 大家一齊欣賞吓, 只係上咗一堂當然就係得”鋸雞”聲拉, 不過爸爸媽媽都好感動佢咁enjoy呀~~

重陽節登高去!

哥哥今日扭計要留响屋企玩唔去拜山, 反正佢肚仔未完全康復免得要响山上解決, 就俾佢响屋企休息吓……妹妹今日就做代表喇出發前仲嚷住要著裙仔呀, 媽媽問著媽媽一樣好唔好, 佢話好wor, 所以今日母女裝出動~~ hehe~佢好乖呀又肯叫人,真係人見人愛啊~~就連d蚊都唔放過佢, 即刻落山都唔掂呀, 兩隻腳仔腫晒, 陰公lor!!!! 睇相就知Ian有幾嚴重!! 落到亭, 天穎同天行响亭度玩邊玩邊食燒肉!!

Outing@大棠荔枝園

今日天氣真係好呀~~天諾一早起身已經好興奮執定袋, 中午嘅lunch同幾位同學仔一齊食, 天諾呢兩日肚仔唔係咁舒服(有點輕瀉), 食飯到尾聲有點意外, 好彩嫲嫲執袋時早有準備再加上心文媽媽協助總算有驚無險!!

講返個outing, 先到學校集合, 未出發老師响班房叫小朋友唱一點兒歌給爸爸媽媽聽, 第一個舉手係天諾, 唱完一首普通話兒歌, 下一位舉手Anson….接住Zita…..睇呢原班k1嘅同學仔都有著同一特徵----主動同有表演慾!! 媽媽其實好欣賞天諾這方面, 主動唔怕醜有時連爸爸媽媽都做唔到呢!
出發喇~~天諾有Ambrose陪住一齊坐, 媽媽可以同其他媽咪傾吓計…….到達時先玩玩親子遊戲, 烈日當空咁玩, 雖然超熱, 但老師投入, 小朋友亦好開心!

之後餵小白兔和羊, 天諾一响都唔太like動物, 餵蘿白條俾白兔都只係拋入籠中唔敢放响白兔口中呢!! 餵羊難道就更高, 媽媽幾經鼓勵再加上捉住佢手仔, 都係餵得幾條, 天諾話想餵白兔仔多d喎(其實佢不知幾驚d羊呀!)

休息一陣就去坐牛車, 天諾初初要媽媽陪, 不過佢見其他同學仔自己坐, 佢都係唔執輸啦~~結果一車細佬, 爸爸媽媽就好似牛咁陪行喇~~

歇一歇就差唔多走人lu, 今日放學要去練朗誦呢~~真係多謝Isaac daddy送我哋去上普通話課呀, 要不然媽媽和天諾都會累透……….

麥當奴玩具

見兩兄妹成日玩車仔, 想妹妹女仔d, 媽媽今晚買咗套麥當奴play set俾佢哋玩吓煮飯仔, 兩個又 玩得好開心wor!!

小提琴班

一向媽媽都想天諾學音樂, 經歷過暑期班學鋼琴天諾唔太like後媽媽再無push佢去學, 直至聽到同學仔媽咪有好的小提琴老師介紹仲要肯上門, 媽媽就再次問天諾想唔想學….最後答案: 好呀!! 媽媽就嗱嗱林約老師上堂, yeah!! 今星期開始天諾 星期一上午就要上小提琴課喇~~ 由於未買到琴, 所以呢堂先學樂理, 完成第一堂樂理, 似乎天諾好enjoy, Alice姐姐好識氹小朋友呀~~今晚用咗屋仲d玩具擺吓post影相, 似模似樣喎, 希望天諾持之以恆學好佢啦!!
p.s.要特別鳴謝Anson媽媽介紹同uncle fat sausage 嘅小提琴呀!!

登高樂拜太爺

一早鏟醒兩兄妹出發, 一去到嫲嫲開始準備, 天行亦開檔玩玩具,

唔知點解呢排天行唔同天諾分享玩具……….唉……….幾經爭奪戰

最後爺爺出絕招返香港再買!! 咁就分開佢哋兩個, 天諾天穎再向食進攻~~

返到香港爺爺提議先去食燒鵝, 妹妹見爺爺飲啤酒又嚷住要飲, 好就等佢試吓, 點知一試之下天穎話好飲仲連飲幾口, 真係俾佢嚇親呀~~之後佢又唔知扮邊個咬住支牙簽……..粗粗魯魯咁!!!.

飯後餘慶

呢排响婆婆屋企食完飯後, 唔想班細玩咁多iphone同ipad, 媽媽就叫佢哋表演, 點知兩兄妹上晒身, 表演完朗誦又表演唱歌, 車輪轉咗幾次連細表表都受感染下未識講好多野都爭出來表演吓....
最攪笑係以下video妹妹為博掌聲專心表演到連哥哥點攪 佢都唔理, 另外有一次(冇影低tim)唱唱吓歌停低叫姨姨影相, 哈哈超攪笑呀~~~

Playgroup day again

今早如常帶天穎上playgroup, 响kids gallery上到一半Ms Mary走來同媽媽傾計, hoho估唔到導師咁睇得起佢, 話佢已經可以follow instruction叫媽媽如果幫佢報一下個course可以試吓兩歲半班, 媽媽唔駛同佢一齊上………聽到有人讚個女當然開心啦…….雖然見天穎好enjoy呢度嘅playgroup, 但由於pre-school個邊playgroup會去到12月, 所以暫時唔再報其他course住lu~~

至於天諾嘅drama & speech course, 上個月主要係speech, 今日終於有drama元素喇~~天諾被安排演small bear一角, 天諾似乎好喜歡仲成日叫媽媽同佢練呀!!

嫲嫲happy birthday

趁叔叔未返上海我哋提早同嫲嫲慶祝生日, 有生日歌唱,有蛋糕食細佬仔就最開心!