Tia可愛與野蠻

天穎一向比起哥哥有性格, 唔係吓吓肯順人意, 今日媽媽返工見佢咁早起咗身就執埋佢返.......
自己食早餐好乖呀!! 俾媽媽影佢相, 咁啱兩個樣配合佢可愛與野蠻的一面!!

Holiday activity @ Noah’s Ark

好多family都安排聖誕假帶小朋友去旅行, 但因體力同年假問題, 爸爸媽媽都未打算呢個假期外遊。雖然係咁, 我哋都唔想虛渡假期, 剛好有兩張快到期的挪亞門票, 就帶佢哋玩一轉! 今日天氣好好, 人流又少, 我哋行得好舒服啊!
D人話Noah’s Ark適合小學生去多d, 所以我哋去嘅心態係參觀同影吓相, 但出奇地, Tim同Tia都好enjoy, 每個展館都行吓望吓摸吓, 特別係個3D and4D電影佢哋好回味呢, 又仲好似好明當中的意思! 我哋話唔好浪費野時, 妹妹都識話小地球會唔開心架!

呢個繩網簡簡單單, 但兩兄妹玩好耐都唔厭呀!

同學仔gathering@Summan home

呢班同學仔已經第三年一齊聖誕party喇, 前兩年都係响山頂一號會所玻璃屋, 今年得summan媽咪攪起到佢哋屋企gathering, 真係好正!! 因為屋內萬事俱全, d細佬自己玩, 媽媽可以安心傾計呢! 各family準備的食物都要特別讚呀! 好難得由K1開始keep到依家,就算唔同班大家都玩得埋! 希望呢份友誼畢業後可以維繫啦!!
要集齊人影合照當然非常難啦, 不過我哋安排臨散場前進行交換禮物活動, 班細佬又甚能抗拒呢! 哈哈~~簡直係要佢哋坐就坐, 唱咩歌都有求必應! 真係超開心超好玩……大家都好唔捨得走呀!! 所以我哋傾好復活節再到Summan家再戰, yeah!!!!

Holiday activity @ 大坳門

今日天氣唔算凍, 去郊遊呼吸吓新鮮空氣多舒服呢! 意想不到去咗放風箏的熱門聖地, 居然冇咩風, 攪咗好耐先成功放出風箏……..anyway 都好好玩呀!

聖誕party@流浮山

今日去參加爸爸學生攪嘅party, 天諾天穎好期待去參加, 原因係佢哋買咗自己喜歡的玩具去交換禮物! 天諾仲成日問住 如果抽唔中自己份禮物點算, 哈哈! 爸爸媽媽又點會要佢哋失望呢~~一早就夾定小朋友取回自己份禮物! 結果佢哋由期待到取禮物都好開心呀!

平安夜

兩兄妹好enjoy睇人報佳音，今晚响屋企叫佢哋預演吓!



夜晚同爺爺嫲嫲去遊艇會食buffet，戶外食buffet真係有d冷! 幾個細佬期待住聖誕老人出現，乖乖食完野終於見到聖誕老人喇!! 真攪笑~爺爺話要唱歌聖誕老人先來我哋張table，Ian受騙開金口仲唱得好大聲, wakakaka!! 最後佢哋見到聖誕老人只係派聖誕樹cookie, 從面部表情明顯兩個細佬都有點失望, 不過氹吓好快又開心番!!

Happy birthday to爸爸

今年爸爸生日, 我哋兩口子出街食飯輕鬆一吓，不過敝低咗仔女始終心掛掛。所以食完好快就返屋企同佢哋切蛋糕!
哥哥用屋企的零食pack入盒送俾爸爸做生日禮物，仲加多句”爸爸你要同我分享喎”。妹妹就送香吻一個!

做冬

今晚食飯, 嫲嫲特意預訂Angry bird cup cake來慶祝! 今晚唔知咪三個b都肚餓, 食飯好乖啊!! 不過個cup cake真係好睇唔好食:p

天穎first performance@利苑

哈哈!小型商場show俾天穎唱吓合唱團的歌同試吓佢個膽! 不過爸爸媽媽都跌晒眼鏡, 天穎居然第一場喊住唔肯出場喎!! 好彩最後出動糖功氹掂咗!

Video可能聽唔清唱咩歌, 不過現場所聽, 天穎唱得算大聲, 拎pat pat仲好落力呀!!

12 and1月生日月

一到12月真係好忙開party, 12月有妹妹公公婆婆爸爸, 1月又有舅父天諾姨姨生日, 今日特意去姨媽家開party, 由姨丈做大廚, 成班細佬幾張報紙已經玩到好開心, 湊住咁多個响屋企食飯就最舒服喇, 真係辛苦晒姨媽姨丈!!
呢張幾個孫同公公婆婆的合照, 好有二十幾年前湊媽媽年代的影子, 不過性別剛好相反!

三歲嘅天穎!

我的小公主祝你身體健康, 人見人愛, 千祈唔好做野蠻公主呀!!
今日爺爺嫲嫲同天穎晚飯慶祝生日, 哥哥揀選咗黃色angry bird蛋糕俾天穎, 估唔到天穎的反應係”都唔似嘅”…….哈哈哈!! 不過有生日歌唱, 有candle吹, 有蛋糕切就一樣咁開心啦!!

今日終於買到boots俾妹妹喇(佢想要好耐架啦!)有野買哥哥當然唔執輸..........最後一人一對新鞋子!

p.s.因下星期妹妹有表演, 哥哥提早咗一星期考試(其實爸爸媽媽想佢遲一星期考, 合格機會大d呢!), 不過天諾堅持要考先, 我哋就唯有俾佢試, 不過怕佢今次唔合格取不到證書先同佢輔導吓(可想而之, 爸爸媽媽對佢幾冇信心! ) 真係幕幕驚心, 好彩最後過關!!哈哈~超開心呀!

Yeah!有一間一條龍學校收天穎喇!

今年幫天穎報K1做大大女主打一條龍同名幼, 兩大九龍塘熱門天穎只係waiting, 今次呢間收咗雖然係次選, 但勝在係一條龍有小學有back up, 學校第一年辨英普班, 希望天穎鍾意啦!

My little Princess is 3!

仲有兩日天穎三歲喇! 記得上兩年天穎生日都病, 媽媽都未有心機同佢大攪, 上年同表表去迪士尼酒店迷宮玩同影相! 今年我哋兌現承諾去迷宮玩完就食buffet, 估唔到天穎一d都唔驚d公仔, 仲主動話要同Mini拍照, 成家開開心心玩咗一晚!