行超市

今日同爺爺嫲嫲行朗豪坊新開嘅supermarket,天諾鍾意咩就攞咩都不知行得幾過癮．．．．
咁凍嘅除夕，夜晚去咗爺爺屋企打邊爐，佢見細佬沖涼自己又要沖埋一份，所以沖完涼先返屋企，返到屋企之後爸爸同天諾踢波，媽媽就同佢玩泥膠，攪到成１１點幾先瞓！

踢人做草場

天諾今日跟爸爸去踢波,點知爸爸果隊唔夠人,天諾就可以自己踢半個球場走到佢索晒氣,仲指定要爸爸陪踢,踢低咗都笑到卡卡聲,真開心!!

夜晚去咗婆婆屋企食飯, 表表响張網床度玩,佢又玩埋一份, 其間天諾玩得興奮攬住表表被表表扯住頭髮喊晒~~

11個B嘅gathering

今日去咗chun chun哥哥屋企gatheing, 大家仲記得識鐵頭功嘅chun chun嗎?今日天諾同佢想玩同一個波,後果係天諾個頭紅咗lor!!唔緊要之後大家都一齊玩, 好熱鬧呀~~11個b嘅gathering有幾好玩, 睇下影大合照花絮啦!

西貢遊艇會

媽媽今日繼續放假同天諾玩,爺爺嫲嫲就帶我哋郊遊去西貢遊艇會BBQ,天諾最開心係周圍玩仲有個公園一個人玩晒!!

聖誕快樂！

今朝天諾破紀錄１１點半先起身，攪到爸爸媽媽突然多咗個上午唔知做咩好～～ｈｅｈｅ
下午我哋去咗探太嫲，要影一張３個都望鏡頭真係好難呀！
夜晚同爺爺嫲嫲响叔叔度開party, 表舅父仲專登來送禮物俾天諾, 兩個聖誕babies令大家都好開心!! 嫲嫲仲送咗琴連咪比佢開show~~多謝各位呀!

平常夜報佳音?

今朝天諾破紀錄, 瞓到成10點半先起身,真係好喇~~俾爸爸媽媽瞓夠先起身, 正呀!!
今晚平安夜姨姨正在換衫去報佳音, 天諾就响廳度搵衣架當咪唱歌報佳音, 佢又將jingle bell 唱咗做"中東包"......哈哈!! 呢個平安夜好開心呀~~各位Merry Christmas!!!!

爸爸生日之挑戰!

天諾最叻氹人開心, 經過媽媽一晚訓練已自己識唱happy birthday俾爸爸聽, 不過就鍾意唱"happy birthday to Tim Tim! 但爸爸當然照樣開心啦~~ 今日去咗黃金海岸食buffet, 酒店有Thomas and friend主題佈置, 其中有火車坐呀, 天諾見到喊晒要玩, 要3-12歲先玩得(即係天諾要自己坐), 不過佢lur住要玩,我哋就試吓,响冇人懷疑佢未夠歲數情況下就上咗車, 結果.......睇片啦!!
上車時興奮!
開車時發現媽媽冇上車!
全程車就係咁完成喇~~

喊完一輪就去咗honkwan屋企玩, 仲戰勝公仔聖誕老人, 叻叻!! 多謝honkwan family同mandy姐姐嘅聖誕禮物, 不過天諾嘅字典裡面日日都係boxing day, 返到屋企佢已經忍唔住拆開禮物玩lu

聖誕老人之聖誕嚇人

尋晚係爸爸個學院聖誕party, 諗住帶天諾一齊去玩吓, 點之行到去接待處有個人扮嘅聖誕老人嚇到佢喊, 媽媽即刻抱住佢離開, 然後解釋俾佢聽聖誕老人係派禮物俾小朋友,同佢say hello bye bye就冇事架喇, 天諾話知知, 媽媽就抱佢再入場, 點知一入到酒樓門口就喊定先跟住話要走, 冇辦法之下唯有急call公公帶佢走.......有咩辦法令佢克服呢?

HK Disneyland

尋日搵埋爺爺嫲嫲伯父一齊去咗Disneyland, 去時好興奮, 不過太多人喇~~天諾第一站坐火車, 哎呀冇得即刻坐就喊起上來, 要等兩架先有得坐呀!! 到坐船仔,天諾俾d大笨象同火嚇到喊, 去到巴斯光年館又驚驚, 最開心就係玩馳車天地, 佢啱啱夠高入去玩,揸住個軚唔俾我哋幫手, 揸到好chok吓, 不過佢就勁開心, 仲有買咗兩合反斗車王玩具, 好滿足咁走lu~~ d相影得一般, 可能爸爸有d唔舒服同太太太多人喇~~~ 唔得下次再去過!!

Bun Bun's parents

由今日開始到1月7號工人就放假, 爸爸媽媽要輪住放假同天諾玩, 第一日除咗同天諾玩, 洗衫煮飯拖地洗碗洗奶樽……..加埋d濕濕碎碎好快就一日喇~~~~

新Thomas火車

今朝 天諾好乖, 成9點先起身爸爸媽媽可以瞓晏d, 跟住同姨媽姨丈婆婆飲茶仲去冒險樂園玩tim, yeah~~拋波波win咗兩份禮物,好叻呀!! 不過午睡只係瞓咗1個鐘, 所以就砌尋日嫲嫲送嘅火車玩具俾佢玩呀, 火車係用來運木頭, 不過天諾偏偏要運埋一份, 成日都叫"Thomas stop", 拎走車上木頭自己運去對面就話"Thomas go", 就係咁玩咗1個鐘...之後就同公公佢哋出街做冬喇~~

串燒三兄弟

今日串燒三兄弟又一齊玩, 梗係要影相留念啦~~今次天諾好合作wow, 係表弟最尾响度喊, 天諾見表表喊，望咗佢一陣跟手就推開佢，我哋就即時糾正佢做大哥哥唔可以咁架，見到ｂｂ喊要錫錫呀!! 聽完天諾冇反應（唔出聲）
ABC SONG

23個月喇~~

遲咗post tim, 23個月嘅天諾對人同事都好好奇, 如果未見過你做嘅野佢會問你: 媽媽做嘜野? 如果佢想表演但我哋唔專心走去傾計, 佢會叫你“唔好講野”
好鍾意响屋企打波!! 識得唱ABC歌, Barney教嘅 I LOVE U頭兩句同最尾嗰句, 記得爸爸媽媽爺爺嫲嫲公公婆婆姨媽姨丈細佬嘅中文名,
依家大概87cm ,30磅, 飲食方面: 一日3餐奶 (早, 下午茶, 夜晚睡前), 午餐1碗粥, 晚餐1碗飯, 水果兩餐

尋日同細佬玩好開心, 仲拖手仔排排瞓~~

笑料一則

話說尋晚同Tim Tim 响屋企打波, 球拍一揮, 個波去咗邊呢? 我哋好努力咁搵, 點知天諾出招, 佢企响樹搖吓手講“ma le ma le home”好似人哋變摩術咁, 笑c人喇~~最後我哋搵番個波出來, 仲扮到佢變出來咁, 佢都不知幾自豪!!

放風箏?放飛機?

原本姨媽同姨丈約去放風箏, 點知姨媽佢哋放飛機, 好彩公公响度幫手, 我哋照玩, 不過都係嗰句阿b對放風箏冇咩興趣, 只係周圍去執石仔 >p< Hehe~~爸爸又幫佢影咗好多靚相喇~~

天諾姐姐

咪以為阿b頭上嗰張係爛布, 佢係令阿b安心瞓覺嘅被!! 其實呢張係爸爸用咗成20幾年嘅被, 阿b自從上次入院後, 返到屋企要攬住呢張被先瞓到, 呢張被日子有功, 加上天諾好鍾意咬同撕佢, 依家已經分成4份(就快會多2份), 其中一份就响佢頭上, 好攪笑, 我哋鋪响佢頭上, 佢居然叫自己做姐姐, 睇落真係有d似女仔!!

上星期有3日爸爸媽媽要去飲, 爸爸媽媽星期五見阿b午睡瞓到成6點半夜晚一定好精神, 所以帶佢參加咗東尼叔叔嘅婚宴, 開席後總算乖冇扭計要出街, d姐姐都話佢好主動要食野(雖然出發前已食咗打底), 人哋拍手佢又拍, 有咩表演佢都好留心睇, 不過之後就要一路玩住爸爸個電話仲要成臺人陪佢睇!! 回程時阿b主動叫”返屋企覺覺”, 可想而知有幾攰……

星期六又係interview嘅日子呵, 今次去咗德福幼兒園, interview咗咁多次, 呢次算係最耐同埋真係in小朋友而唔係in家長, 首先4個小朋友圍住坐, 各自玩玩具(砌積木, 配對圖案….), 3個老師就在旁觀察仲輪住坐低同佢哋玩, 天諾就只係鍾意玩車仔同唔响臺面嘅玩具, 面見完就參觀, 小朋友先係排隊然後自己行樓梯到各層參觀(當然要家長帶住啦), 不過天諾至叻唔行叫”爸爸抱,媽媽抱”, 真係吹脹!! 去到outdoor playground佢就好開心咁周圍玩lu~~ 黃昏瞓醒後又同爸爸去踢波, 出咗一身汗!

呢架咁傳統搖搖火車好少地方搵到, 媽媽細個都有玩過呀!

星期日飲完茶帶咗佢去扭蛋迷宮行個round, 好多人呀~~俾佢扭咗兩隻蛋就走人!! 返到屋企諗住等佢瞓好d, 夜晚又一齊去飲表姑姐果餐, 點知瞓覺時間唔啱所以只有爸爸媽媽去! 下次要合作d先有街街出架!!

sunday

今日同天諾去飲茶, 最重要係同McQueen影相, 著住姨媽姨丈响日本買嘅衫襯晒!!今次爸爸交足貨, d相影得唔錯喎!!

夜晚同爺爺嫲嫲去遊艇會食飯, 爺爺仲帶天諾去佢架新玩具玩tim, 第一次上帆船嘅天諾覺得好新奇, 樣樣都摸吓, 之後問天諾鍾意揸車車定船船, 佢話揸車車, 真係專一!!!

Interview again

今日帶咗天諾去啟思幼稚園interview, 嘩!!早到咗門口已經有幾十個小朋友排緊隊, 間學校好大好新好靚, 天諾好enjoy玩果度d戶外設施, 仲有煮飯仔玩具, 玩成15分鐘唔理個老師, 不過老師好坦白同我哋解釋上午班已冇位, 打沉咗我哋嘅希望,所以見完老師, 同Tim Tim玩一陣就走lu……接住去咗一間出名嘅international school open day, 環境當然好啦學費仲……裡面個個講英文, 7成外籍老師1成普通話老師1成BBC/ABC老師, 爺爺話細佬仔語言development好重要, 會精神同金錢支持天諾入讀, 不過點樣同小學涵接, 天諾同其他小朋友interaction,同埋$$$$$爸爸媽媽都要認真考慮吓~~
返屋企瞓醒後, 我哋帶天諾去BBQ會吓d朋友仔, 仲有姨媽姨丈幕後做Bun Bun, 同送禮物, 真係辛苦晒!! 講返BBQ先, 天諾強項表演跳舞, 仲motivate其他朋友仔一齊跳可惜姨媽拍唔到片啦~~多謝Sue Sue姐姐嘅準備呀~~

Shopping day

星期日係shopping day, 因為玩具反斗城寄咗本期刊介紹聖誕推出嘅玩具, 天諾好鍾意本期刊, 可以睇半粒鐘, 仲要一邊睇一邊指d心儀玩具話”Tim Tim冇”, 跟住又話”爸爸買媽媽買, TimTim鍾意”再加句”唔該”……一個未夠兩歲嘅細佬講咁多野同咁有logic, 爸爸媽媽當然第一時間帶佢去海運啦~~我哋一早同嫲嫲,婆婆飲完茶就出發喇~~~第一站係mother care, 因為想買d冬天衫俾天諾, 當我哋見到有套內衣唔錯問Tim Tim要唔要, 點知佢話”細佬”, 哈哈笑c人呀, 自己唔鍾意就…….第二站, 係Tim Tim帶我哋去嘅, 原來佢發現咗有反斗車王cros鞋, 叫我哋買, 著住仲好興奮咁周圍走又話好靚, 呢個表現嫲嫲當然第一時間去俾錢啦!! 第三站, 終於到玩具反斗城喇~~呢樣玩吓果樣掂吓, 樣樣都想要, 最後買咗車車同Thomas VCD俾佢, 仲買咗禮物俾表表同細佬~~大豐收!!

午睡後瞓醒仲會合嘆完下午茶嘅媽媽and friends (唔該晒Sunday BunBun-姨姨!)


上星期六同爺爺嫲嫲去咗尖東小南國飲茶yummy!!, 環境正, 阿b睇車車, 船船睇得好開心呀

勁舞dancing king

不得不post天諾今晚自創嘅舞步~~

Naughty Boy 100 days

今日係天行細佬100日, 一家人去咗德福食飯慶祝一番, 呢個細佬越來越有份量喇, 連d瘡都咁有份量, 爺爺嫲嫲成日教天諾天行細佬係naughty boy, 所以問天諾邊個係naughty boy佢就會話細佬, 成餐飯阿b坐定時間唔多, 都係要人輪流同佢出去玩, 其實佢至係naughty boy呀!!!!
德福商場嘅聖誕佈置有迪士尼卡通做主題, 最重要有天諾至愛-反斗車王(McQueen同Sally), 我哋當然唔放過去影相啦!!不過d相影得痳痳, 搵日再去先!
p.s. 今朝阿b6點鐘就起身, 原本好攰好激氣俾佢攪到冇覺好瞓, 不過媽媽返工時佢喊住咁話"跟住你" "跟住你", 攪到冧晒!!

22個月喇~~

22個月B, 身高85cm體重30磅, 出牙數量14隻(include上排兩隻犬齒見白), 好有主見(其實係脾氣好大), 唔係樣樣玩具肯玩, 最鍾意反斗車王產品, 爸爸媽媽覺得佢最叻係成日講唔該, 好有禮貌, 同埋識得叫痾poopoo跟住响potty度解決, 最難攪係想要某種玩具即時俾唔到就扭計喊, 最驚係睇到now TV Disney channel Winnie the pooh節目嘅驢仔(因為個配音老牛聲, 佢聽到會先眼紅, 跟住匾咀, 然後放聲大喊), 最鍾意聽high school musical來跳舞, 見到爸爸媽媽換衫返工佢會話”跟住你”, 沖涼時會唱洗白白, 臨瞓前有時會叫刷牙仔, 肯自己食飯(只限頭5分鐘)………
早前影下同表表孖鋪!