碌大床

BB今晚做咗件既嚴肅又攪笑嘅野呀, 就係碌表叔張大床喇~~因為聽日就係表叔結婚, bb太細個未做得花仔, 但係有個任務俾佢.......媽媽都唔識呢個習俗, 你哋睇片啦~~~http://www.youtube.com/watch?v=9fWiZMcKsEA

做玩正經野緊係要relax吓啦~~爸爸都唔係第一次抱住佢玩 http://www.youtube.com/watch?v=hZqYTfnSoS8

天諾病倒了~~

上星期五晚開始發燒38度同流鼻水, 果晚帶咗佢去叔叔個醫生朋友睇, 見醫生嘅過程bb都好乖, 探熱聽呼吸睇喉嚨頂照耳仔都冇反抗, 星期六仲有d燒, 佢未試過燒超過24hours都未退晒架, 所以俾咗退燒藥佢食, 食咗冇燒喇, 不過就仲流緊鼻涕, 今日仲有d咳……唉!!!!! 好彩佢病得來都算精神但胃口就差d, 休息幾日好d喇~~星期日晚仲跳舞表現tim, 好攪笑~~
http://www.youtube.com/watch?v=CU51pdkBSoA

郊遊篇

上星期日爸爸媽媽公公婆婆第一次同bb join咗郊遊團, 行程主要係綠田園和迪欣湖, 雖然bb仲有流住少量綠色‘傑’鼻涕, 佢仍然好精神同落力咁玩….. 去到綠田園俾天諾試吓餵牛牛, 平時响電視或聽歌有牛嘅野佢都會驚, 今次係對佢好大挑戰, 起初佢好驚但又想餵, 試過幾次之後就不斷拎草餵, 不過玩完其他野再返轉頭餵佢又驚過, 好好笑架!! 之後去到12生肖像影相, 佢居然執d草去餵生肖像, 再同bb玩水上單車, 不過佢唔多like, 玩咗一陣就扭計上岸, 睇來佢唔太好水上活動~~
餵牛牛- http://www.youtube.com/watch?v=vl6LE9UUa88
餵石像食草- http://www.youtube.com/watch?v=8dG-jZ2QnFg之後去左流浮出食飯, bb係呢個時候小休zzzzzzz, 我哋都有一餐安靜午餐..hehe….

最後行程係迪欣湖, 果度有個草地好靚, bb坐响上面好enjoy仲執草自己食, 激c!!!!! 之後跟同團小朋友在小公園玩吹泡泡, 個個bb都追住, 天諾都好投入呀!! BB仲第一次自己盪鞦韆, 初初佢會自己搖但公公推佢高d, 就驚驚要抱lu
迪欣湖食草篇- http://www.youtube.com/watch?v=ZPpHP72ULao
迪欣湖吹泡泡篇- http://www.youtube.com/watch?v=twM7TXLJyUA迪欣湖盪鞦韆篇- http://www.youtube.com/watch?v=0O68e3tdAys

十五個月

BB十五個月流鼻涕, 比平時扭計d, 但都仲好玩得, 冇俾藥佢食呀, 希望佢快d好番!!
報告吓bb嘅發展先
佢依家最鍾意行來行去玩“捉依欣”, 手執紙/毛巾抺地, 收埋自己鍾意嘅野係床, 早上睇書, 睇電視, 篤人肚臍
bb會叫: 媽媽,爸爸,爺爺,嫲嫲,婆婆,姨姨,姨媽,auntie,伯伯,唔呢(=公公),唔呵(=姨丈)父父(=舅父), 姐姐, jack(=叔叔), 哪哪(=嬸嬸),包包,波波,車車,bye bye,視視(=電視), 貓貓,馬馬,拜拜,謝謝, mum mum, 奶奶
英文會講: cat, chick, star, apple, black, blue, ball, car, flower, panda, fish
bb識回應….. 講- 冇, 好, 知, 得, 唔鍾意時會fing手擰頭, 同佢唱歌會有d音一齊唱

精彩復活節

復活節第一日同嫲嫲食完飯後買車仔, 唔係專登去買架, 咁啱行過bb突然叫一大聲”車”, 我哋就入去睇吓, 個sales問bb要唔要車車呀? 佢擰頭唔要, 但爸爸問佢就走埋去試車……哈哈就係咁嫲嫲送咗架車俾bb喇~~~ BB買新車http://www.youtube.com/watch?v=lkiOAHD36Bs

休息一日過後, 星期日又係同公公飲茶時間喇~~ 睇吓bb飲完茶嘅表情, 要同姨姨姨丈say goodbye幾依依不捨, 轉個頭有其他人同佢玩就冇事lu…….返到屋企瞓醒覺之後帶bb去咗褀叔叔屋企bb gathering,今次多咗個妹妹做新成員, 因為bb已經識行, 所以同d哥哥嘅interaction都多咗, 仲同chun chun哥哥爭玩具tim, 爭唔到就喊囉…………
鐵頭功 vs 喊功 http://www.youtube.com/watch?v=8bWoamT6bBU
鐵頭功 vs 喊功 -2 http://www.youtube.com/watch?v=xpHzYpCYC6g
呢張大合照好有意思架, 記得第一次bb坐都未穩要扶邊坐, 今次已經上落自如
20060701 bb大合照http://www.youtube.com/watch?v=KLUYOtYidl8
20070408 bb大合照http://www.youtube.com/watch?v=oycEC32K5WM

最後一日假期, 約咗一班同齡bb去赤柱, 因為爸爸扭傷腳, 所以搵咗姨媽一齊去幫手, 報到之後先响餐廳醫肚, 一坐低bb第一時間塞咗pack糖入口(好彩冇扯開), 奶佢就唔多飲, 望住我哋d野食就流晒口水……..我哋嗱嗱聲完就去玩lu……..第一次同bb去沙灘, 以為佢會驚d沙, 點知佢好興奮周圍行, 隻手仔又執沙玩又執石仔想食, 見到海水仲拖姨媽落水, 不過佢一點水就喊驚走唔切, 之後我哋再問玩水水好唔好, 佢就即刻掉頭走, 媽媽同姨媽都俾佢攪到氹氹轉, 仲要佢拋沙俾我哋食 >p< 遊赤柱 http://www.youtube.com/watch?v=Vff1pahPuLk太陽落山喇~~我哋接埋姨丈就去婆婆度食飯, bb跟chun chun哥哥學識up and down表現tim --- up and down http://www.youtube.com/watch?v=Tm_E75EebbY

天氣好好呵~~去咗拜山

今日清明節, 爸爸媽媽帶bb去拜山, 天氣清涼關係連蚊都少d呀, bb經過一輪熱身同埋有蛋糕仔食, 俾多咗好多反應, 臨走同表叔落咗山行來行去玩tim......