Friday, March 28, 2008
又一個開心假期
呢個復活節嫲嫲帶我哋全家同埋伯父一齊去日本玩, 今次係仙台東京五天遊~~
一早摌醒阿b出發, 有叔叔車我哋去機場, 食過早餐好快就上機喇, 今次係坐細機要搭接駁巴士上飛機, 好特別呵~ 去嘅一程飛機天諾都好乖, 係飛機降落時有d離心力佢個樣有d驚不過好快冇事lu~~第一日行程輕鬆住咗一晚溫泉酒店, 呢次爸爸同伯父帶住天諾入去湯場, 唔夠3分鐘就走出來, 原來天諾入到去見到唔對路叫走……….媽媽同嫲嫲唯有帶走佢返房沖涼, 沖完涼玩一輪就瞓喇~~瞓著之前開始思鄉, hehe~~~
第二日, 食早餐時個view望到未溶雪嘅山好靚呀~~可惜未有時間影相! 出發第一站參觀寺廟, 天諾跟住同團5歲哥哥周圍走, 見到石頭又走去踏吓, 冇時停, 之後食飯都係冇時停仲成日吐飯攪到好dirty, 好彩伯父買咗個熱狗俾佢食頂吓肚~~接住要搭車出東京台場行街, 雖然天諾已經去過, 但上次唔知有玩具反斗城…今次補番晒, 媽媽仲買咗d反斗車王野俾佢tim……..晚餐去新橫賓拉麵博物館食拉麵, 天諾自己嗰碗食咗一半就唔食, 反而走去搵爸爸又食得好湧躍wor, 真係隔離飯香喇~~呢晚瞓覺除咗睡前思鄉, 瞓到半夜仲扎醒要返屋企, 好彩半個鐘頭後瞓得番, 不過夜瞓加早起, 攪到佢黑眼圈加深晒~~
第三日~廸士尼海洋
一入場見到Daisy, 以為天諾會驚啦~點知問佢去搵Daisy影相好唔好, 佢話”好”, 仲笑住咁影,由呢日開始, 天諾好鍾意推自己架車, 仲要指定我哋跟地上嘅mark來行, 跟住入場玩先坐火車, 再坐船仔, 好enjoy! 去到等坐電動車,oh~傍邊有間shop係今年新出嘅Disney Bear, 天諾好有興趣見到大公仔出現連車都唔坐撲過去搵佢影相tim,真係俾足表情影呀, 到咗食飯時間我哋叫咗兒童餐佢食, 食完再放低幾両後, 响間餐廳瞓咗3個半鐘, 爸爸同伯父玩完3個games返黎佢都仲想瞓~~差唔多天黑喇, 我哋足佢起身玩仙巴歷險記, 驚足全程再去食飯~~夜晚睇埋煙花至走, 煙花好正, 不過天諾跳舞仲正, 佢聽到d伴樂即跳舞起來, 煙花只係望咗幾眼!!
第四日~淺草寺+遊船河
落住雨行淺草寺, 影吓相買吓手信就要避雨喇~~影咗d相都好滿意! 接住要上船, 天諾似乎冇咩feeling,不過船上播”sakura,sakura…….”佢就學咗個melody返來唱! 之後去咗食燒烤餐, 佢好快食咗大半碗飯,咀都未抹仲有d腸仔响個口度含住就瞓著咗(未試過咁瞓), 好好笑架!! 銀座shopping時嫲嫲買咗兩本多啦A夢書諗住一本天諾一本天行, 點知佢兩本都要晒, 貪心呀!!
要提一提呢晚瞓覺嘅趣事, 天諾零晨3點幾就醒咗要返屋企, 爸爸媽媽解釋咗好耐安撫佢, 但佢repeat又repeat話要返屋企, 見佢醒咗我哋就輪住講故事等佢攰d先再瞓, 點知零晨4點幾爸爸媽媽都攰到唔出聲响張床度攤, 天諾彈咗句”are you Barbie?”問爸爸……哈哈!笑c人喇!! 等我解畫, 其實佢依家叫媽媽做mummy, 想叫爸爸做daddy但就成日叫錯barbie…..唉~零晨4點幾扭我哋計想嬲佢都嬲唔落啦!!
第五日~重點摘士多啤梨+outlet shopping
士多啤梨真係好甜, 又就手去摘, 連天諾自己都摘到呀(不過佢連柄都食埋), 半個鐘任食都食唔到太多, 好快就去shopping喇~~嫲嫲同媽媽出動時間唔算長, 但都有收穫!
回程飛機, 天諾有兒童飛機餐, 媽媽覺得都好好食, 不過佢唔係好like, 只幫襯幾啖, 一路要玩好彩團友姐姐同佢玩吓, 最後落機前一個鐘先瞓吓, 爸爸媽媽有得休息一陣………..落機趕去拜拜太公食吓野就返屋企, 返到屋企沖銷完涼11點半喇~~天諾好掛住自己張床, 撻落床5分鐘都唔駛就瞓著lu~~~ 五天愉快嘅旅程結束~~多謝嫲嫲贊助!!!
Thursday, March 20, 2008
旅行前夕
唔駛返學嘅日子, 日日都咁happy, 上星期日爸爸媽媽返大陸拜山, 天諾响香港有姨媽姨丈做保母, 嘩~~原來去咗大帽山一轉, 姨媽話好耐冇同佢影郊外相喎, 好~等天氣好時我哋再去過!!
尋晚去咗遊艇會食飯為爺爺出賽前打氣, 不過天諾食飯真係越來越難攪, 嫲嫲叫咗個好正嘅焗豬扒飯俾佢, 點知佢食到吐晒出來仲要走來走去, 冇計唯有帶佢去睇Thomas la………呵呵~臨走天諾同爺爺講”爺爺加油, 加油”, 爺爺好開心呀!!
返到屋企爸爸媽媽好努力執行李, 天諾就成日走埋來問”what are you doing? Are you OK?” 好好笑!! TimTim希望你去到日本乖d啦, 食飯唔好周圍走呀!!
尋晚去咗遊艇會食飯為爺爺出賽前打氣, 不過天諾食飯真係越來越難攪, 嫲嫲叫咗個好正嘅焗豬扒飯俾佢, 點知佢食到吐晒出來仲要走來走去, 冇計唯有帶佢去睇Thomas la………呵呵~臨走天諾同爺爺講”爺爺加油, 加油”, 爺爺好開心呀!!
返到屋企爸爸媽媽好努力執行李, 天諾就成日走埋來問”what are you doing? Are you OK?” 好好笑!! TimTim希望你去到日本乖d啦, 食飯唔好周圍走呀!!
今晚要繼續執行李!!聽朝7點半到機場~~好早啊~~
Wednesday, March 12, 2008
返學的第八天 (兩歲2個月)
Tuesday, March 11, 2008
返學的第七天
繼續喊住返, 放學都係喊住出來, 不過好快收聲唔喊, 今日學校嘅嬸嬸講咗天諾响學校嘅趣事, 原來每日放學前佢哋都會先幫天諾換好片, 今日未夠鐘天諾就主動從書包拿出片來俾嬸嬸同佢換, 以為咁就可以走人, hohoho~~~
自從返學, 佢响屋企定性咗, 多咗自己坐定定玩玩具
夜晚臨瞓前, 佢又自己唱一輪歌, 今晚唱happy birthday, 以為冇咩特別….Happy birthday to u, happy birthday to u, happy birthday to EVERYONE, happy birthday to u…….oh~ to everyone?? 媽媽未教過佢架, 應該係學校教, 因為星期五開生日會,瞓前都唱學校教嘅歌, 咁佢响學校應該都好開心吓, 爸爸媽媽都有D安慰, 唔係日日送佢返學好似送佢行刑咁!!
Monday, March 10, 2008
返學的第六天
上星期返學開始, 天諾就自己介奶, 朝早返學喊到連早餐都唔想食, 媽媽唔忍心又請多半日假氹佢返,結果都係喊住咁返….
到咗放學時間, 媽媽同嫲嫲都遲咗幾分鐘, 爸爸已抱住天諾, 爸爸話佢由學校走出來俾佢抱住之後周圍望, 好似覺得點解咁少人接佢咁, 好好笑~~
到咗放學時間, 媽媽同嫲嫲都遲咗幾分鐘, 爸爸已抱住天諾, 爸爸話佢由學校走出來俾佢抱住之後周圍望, 好似覺得點解咁少人接佢咁, 好好笑~~
午餐去咗又一城食, 重點係去玩具反斗城, 爺爺嫲嫲梗係買禮物俾天諾啦!!
夜晚幫佢檢查手冊時, 發現老師派咗天諾上星期嘅勞作, 梗係要即刻貼出來表揚吓啦~~條魚魚好靚呀!!
瞓覺之前仲有好笑對話, 事發地點- 上下格床嘅樓梯, auntie alma執衫
天諾: Are you climbing?
Auntie: No, I am not.
天諾: I can climb. (一隻腳上咗樓梯)
媽媽: No, it’s DANGER.
天諾走出房再入去
天諾: what are you doing?
Auntie: I am finding the clothes for tonight.
天諾: Danger!
Hahahahah~~~
夜晚幫佢檢查手冊時, 發現老師派咗天諾上星期嘅勞作, 梗係要即刻貼出來表揚吓啦~~條魚魚好靚呀!!
瞓覺之前仲有好笑對話, 事發地點- 上下格床嘅樓梯, auntie alma執衫
天諾: Are you climbing?
Auntie: No, I am not.
天諾: I can climb. (一隻腳上咗樓梯)
媽媽: No, it’s DANGER.
天諾走出房再入去
天諾: what are you doing?
Auntie: I am finding the clothes for tonight.
天諾: Danger!
Hahahahah~~~
Sunday, March 09, 2008
開心週末
Friday, March 07, 2008
返學的第五天
今日天諾由換校服開始喊, 好辛苦先氹到佢著好校服, 姨媽繼續送返學, 爸爸話天諾連姨媽都唔俾抱, 全程攬實爸爸…..
接放學時佢都係喊住咁拖出來, 不過可能今日有爺爺嫲嫲爸爸婆婆姨媽姨姨一齊接放學, 好快就開心番, 去飲茶時都表現得特別開心, 好似知道聽日唔駛返學咁hehe~~
好開心今日收到靈量堂嘅信收咗天諾, 係200人報名收50人架!
接放學時佢都係喊住咁拖出來, 不過可能今日有爺爺嫲嫲爸爸婆婆姨媽姨姨一齊接放學, 好快就開心番, 去飲茶時都表現得特別開心, 好似知道聽日唔駛返學咁hehe~~
好開心今日收到靈量堂嘅信收咗天諾, 係200人報名收50人架!
Thursday, March 06, 2008
返學的第四天
媽媽嘅假期已完lu, 湊返學嘅重任就由爸爸負責, 今朝連著校服嘅過程都喊呀, 姨媽再來客串送返學, 到咗學校附近天諾已經喊出來…..
湊放學時, 爸爸同嫲嫲都未見到,佢已經喊緊, 爺爺嫲嫲帶咗佢來同媽媽食飯, 見到佢喊到眼腫腫, 真係有d肉赤, 爺爺為咗鼓勵佢帶埋佢去玩具反斗城買車仔, 天諾加油呀!
湊放學時, 爸爸同嫲嫲都未見到,佢已經喊緊, 爺爺嫲嫲帶咗佢來同媽媽食飯, 見到佢喊到眼腫腫, 真係有d肉赤, 爺爺為咗鼓勵佢帶埋佢去玩具反斗城買車仔, 天諾加油呀!
Wednesday, March 05, 2008
Tuesday, March 04, 2008
返學的第二天
Monday, March 03, 2008
返學的第一天
天諾第一日要返學嘅心情, 我哋就唔可以代答, 但爸爸媽媽已經緊張到瞓得唔太好, 原定8點鐘要起床都未起身(天諾習慣係9點幾10點先起身), 就俾多10分鐘佢瞓, 起身後飲過奶, 幫佢換好校服後大家都心情興奮咁出門口.
到達學校後, 媽媽一路擔心天諾會唔肯入學校, 點知門口d嬸嬸+老師同佢講早晨, 天諾都同佢哋揮手, 其實一路行入學校都係天諾帶/拖媽媽行, 到有位老師走過來同佢講”我帶你入去玩啦”, 天諾即答好, 然後放開媽媽隻手同老師行入去, 過程快到連想同佢影相都影唔切, 就係咁開始佢人生的返學日子喇!!
返學時間3小時, 第一日返學, 有一個叫適應期, 通常返個半鐘就走人, 媽媽爸爸一心諗住食過早餐再行下就接放學, 點知老師10點半打電話來交代咗天諾好叻, 冇喊只係有時搵媽媽, 但好快又氹返, 所以放學時間照正常12點, oh~~呢個表現爸爸媽媽都好意外, 真係要大讚叻叻呀~~
到咗放學時間, 爺爺嫲嫲爸爸媽媽一齊接佢, 從門口睇到老師帶住佢出來好乖, 但因為要排隊出門口, 我哋就等吓先, 點知嫲嫲忍唔住叫佢, 俾佢知道我哋响外面, 佢即時大喊, 不過好快又收聲同老師講bye bye~~
老師嘅comment話佢好叻, 有玩同識好多英文(最鍾意玩McDonald煮飯仔), 不過就係茶點時間唔肯食野, 第一日已經好好喇!!
我哋問佢返學好唔好玩, 佢話好, 再問有咩玩架, 天諾答” McDonald, 讀書, 仲有個auntie同佢玩” 哈哈~~因為佢讀國際班, 有位印藉老師!!
到達學校後, 媽媽一路擔心天諾會唔肯入學校, 點知門口d嬸嬸+老師同佢講早晨, 天諾都同佢哋揮手, 其實一路行入學校都係天諾帶/拖媽媽行, 到有位老師走過來同佢講”我帶你入去玩啦”, 天諾即答好, 然後放開媽媽隻手同老師行入去, 過程快到連想同佢影相都影唔切, 就係咁開始佢人生的返學日子喇!!
返學時間3小時, 第一日返學, 有一個叫適應期, 通常返個半鐘就走人, 媽媽爸爸一心諗住食過早餐再行下就接放學, 點知老師10點半打電話來交代咗天諾好叻, 冇喊只係有時搵媽媽, 但好快又氹返, 所以放學時間照正常12點, oh~~呢個表現爸爸媽媽都好意外, 真係要大讚叻叻呀~~
到咗放學時間, 爺爺嫲嫲爸爸媽媽一齊接佢, 從門口睇到老師帶住佢出來好乖, 但因為要排隊出門口, 我哋就等吓先, 點知嫲嫲忍唔住叫佢, 俾佢知道我哋响外面, 佢即時大喊, 不過好快又收聲同老師講bye bye~~
老師嘅comment話佢好叻, 有玩同識好多英文(最鍾意玩McDonald煮飯仔), 不過就係茶點時間唔肯食野, 第一日已經好好喇!!
我哋問佢返學好唔好玩, 佢話好, 再問有咩玩架, 天諾答” McDonald, 讀書, 仲有個auntie同佢玩” 哈哈~~因為佢讀國際班, 有位印藉老師!!
Sunday, March 02, 2008
yummy gathering
Subscribe to:
Posts (Atom)