開學喇~~

今日媽媽陪天諾坐校巴返學校orientation, 一返到自己課室有佢至愛-木頭火車, 叫佢同同學分享, 重覆嘅cart車天諾就肯分享, 到剩餘一個火車頭同cart車佢就話唔可以分開架, 同學仔好有禮貌問佢借, 佢都好堅持話”唔得!佢哋要一齊行架”……..講吓講吓briefing開始lu….
3年幼稚園天諾會上英普班, 全程講解天諾都坐唔定, 想周圍搵玩具玩, 最失禮係普通話老師講野時天諾大大聲打喊露, 可能係下午班佢一邊坐一邊叫肚餓, 好快1hour briefing完lu…..返到屋企問天諾鍾唔鍾返呢間學校, 佢話鍾意wow, 希望呢個係好嘅開始, 佢可以開開心心上學去!!

p.s. 放學見到爺爺嫲嫲又扭計要買玩具, 激c!!!!

由今日開始, 爸爸媽媽開始講吓屋企d錢 點運用俾天諾知, 日常用品, 衫褲鞋襪, 而天諾最聽得入耳就係要儲好多錢買食物同換電腦, 所以唔好再買玩具, 暫時好似有d用…..希望佢真係明啦!

B&Q

天諾依家習慣唔瞓晏覺, 食晚飯前帶咗兩兄妹去B&Q買野, 哥哥同妹妹坐住呢架車仔好開心! 跟住就同表表食飯....

由今日開始, 爸爸媽媽開始講吓屋企d錢 點運用俾天諾知, 日常用品, 衫褲鞋襪, 而天諾最聽得入耳就係要儲好多錢買食物同換電腦, 所以唔好再買玩具, 暫時好似有d用…..希望佢真係明啦!

天諾第一次溜冰

媽媽十幾年冇玩過喇~~天諾似乎好enjoy! 佢好鍾意推住隻企鵝仔, 不過有時要媽媽扶住先郁, 行起上來有板有眼, 見到其他小朋友唔駛人扶佢又扮叻咁話”媽媽我自己得架喇!” 玩咗成粒鐘佢覺得好好玩, 媽媽條腰就痛咗兩日.隻手痛咗3日!
P.S. 天諾返屋企前好扭計, 喊住要買玩具, 攪咗好耐! 最後都係要屈服去咗玩具反斗城~~唉!真係要調節吓佢鍾意買野嘅習慣…..

Twelve months in a year!

呢排哥哥對套英文教材English Time有番d 興趣, 媽媽俾咗套新嘅level 5: Fun with Time, 一星期效果唔錯, 識由January 諗到December 仲話Twelve months in a year, 爸爸媽媽都好surprise 呀, 佢有時仲教妹妹讀card, 真係乖嘞!!

8個半月嘅天穎

等唔切9個月update大家, 天穎响呢半個月有太多突破喇~~
已經識得四周圍爬, 好百厭呀~~見到電腦仲爬得快d!
响網床單手扶住行
自己揸奶樽飲水水
識得拍手仔
出咗兩隻牙
比起天諾佢好似早熟好多, 唔通女仔真係早熟d?

Sunday bun bun

天諾呢兩個星期日都跟姨媽姨丈去玩, 哈哈!爸爸媽媽天穎就返咗屋企zzzzzzzz
唔該晒姨媽姨丈出錢又出力, 買咗個新水池俾佢玩仲要陪佢落水!!
天諾話新水池係大人玩, 佢可以玩, 天穎同大細表都係玩細果個bb池wor!!

仲要唔該公公幫妹妹改裝個床圍, 百厭天穎瞓得更安全!

好哥哥

今日同爺爺嫲嫲飲茶, 飲完茶去行街街時, 天諾天行好投契拖住手仔, 好開心!!之後仲影吓相, 哎呀~~難得3個b排排企影相, 部相機又唔爭氣, 真係要換相機呀!

Happy Hoilday

呢個星期係爸爸媽媽暑假期間最後一個連假, 一瞓醒捉佢兩個影張相先!! 因為兩個剛醒頭髮凌亂, 好得意呀!!

星期四先帶天諾去mega box食鐵板燒, 天諾見到師傅煮到著晒火就最開心, 食飽就返屋企玩佢嘅戰利品, 史廸仔搖控車, 妹妹見到哥哥玩同樣咁開心!!

星期五swimming day, 天諾第一次帶潛水眼鏡游水, 玩起水鎗特別勇, 仲對妹妹好照顧, 你哋睇吓個video, 佢用條好濕嘅毛巾幫妹妹抺面, 好彩妹妹唔怕啫!!

小王子音樂劇

星期六放低妹妹帶咗天諾去沙田大會堂, 天諾好期待好興奮嘅心情去睇小王子音樂劇,一坐低天諾就問點解咁黑(好似有d驚), 開場時爸爸抱住, 成晚擘大個口得個窿, 人拍手佢又拍, 雖然佢睇唔明, 但都冇喊走仲好乖咁睇足全場(個半鐘)~~多謝黃礎姐姐送d入場卷俾我哋!!

Happy Birthday to 爺爺

今日爺爺食生日飯, 天諾初初有d扭計, 一坐低要砌姨丈送嘅玩具, 講野又大聲, 真係要學吓細佬斯文d至得! 不過後期好d啦, 因為有蛋糕食, 唱歌佢就最叻, 成晚唱咗幾次生日歌俾爺爺聽, 天穎成晚都好乖, 去到食壽飽就搶住要嫲嫲俾食!

Happy Birthday to IAN

今晚去咗Ian屋企切蛋糕, 天諾梗係好開心啦, 仲玩咗好多Ian嘅玩具tim~~

妹妹呢排好鍾意嘟長個豬咀呀!

天穎叫爸爸

每朝起身要爸爸抱, 仲識叫爸爸, 依家返工前要抱佢去lift口行個圈先唔再尖叫!!

天行生日會

妹妹盛裝出席, 天諾唔係主角, 但都以主人家身份幫手招呼天行嘅朋友仔, 仲滿場走!
到個蛋糕出場, 人哋影相天諾唔肯行開, 佢話要幫細佬睇住個蛋糕WOW ~

唔係自己生日都有禮物收, 開心到暈呀!! 多謝叔叔嬸嬸同兩個姑姐, Paul哥哥!!

仲有好多snap shot嘅相由伯父操刀放咗响天諾天穎相簿度呀~~

到公園識新朋友

今日放假一早帶天諾到公園玩, 點知一去到有個4歲多嘅姐姐mark住要同佢玩, 仲話做佢老婆tim, 媽媽諗都冇諗過姐姐咁熱情,即時唔知點應對好……..
叫佢哋一齊影張相啦~~阿姐姐好主動走去坐天諾架單車影相,大家玩咗個幾鐘好唔捨得咁走tim!