牛魔王家族

今晚爺爺拉大隊去apm食”牛陣”(牛肉火鍋自助餐), 天諾冇份食同時受對面扭蛋專門店嘅引誘, 令佢坐唔定, 最後唯有出絕招---NDS, 呢個習慣一定要佢改呀!!爺爺話今日出街落車時天諾叫佢”睇車”, 真醒目!!
姨媽你最鍾意TimTim唱泥娃娃, 佢唱咗個激情版你聽呀!!

p.s. 返學前做足準備, 尋日帶天諾去打肺鏈針, 去的一程車天諾表現得緊張同不願意, 打的時候只係喊咗10秒, 之後仲同醫生叔叔講唔該tim, 今日已經扎扎跳, 冇事lu…

校服試著

天諾新買返來的校服洗乾淨喇~~諗住俾佢試吓啱唔啱身, 估唔到連天諾都咁興奮試著, 著咗上身好好似好大個仔呀!!
小朋友好鍾意模仿, 我哋同天諾睇動物書, 佢見到樹熊攬住樹幹, 自己又扮吓, 不過屋企冇樹幹佢好有諗頭搵野攬, 笑c人喇~~~~

新春郊遊團

Hehe, 我哋又參加咗媽媽會攪嘅郊遊團, 因為爺爺嫲嫲唔得閒, 所以搵埋公公婆婆一齊去, 第一站乳牛場,天諾係時候要克服牛牛喇~~先見到乳牛小姐, 天諾還可以戰戰兢兢咁餵草, 當見到乳牛媽媽, 嘩!大隻咁多, 天諾望都唔敢望攬住公公, 克服牛牛嘅目的仲未達到, 所以再去搵乳牛小姐, 呢次天諾突然大膽起來, 自己餵草, 仲叫牛牛”過來啦, 過來啦”, 不過當牛牛望咗佢個方向, 就急急腳走, 好好笑呀!!

接住去中文大學食飯, 估唔到天諾玩得咁開心, 尤其係個草嘅迷宮同!
最後一站, 錦田鄉村俱樂部, 有個大草地, 白兔仔, 松鼠仔都好鍾意, 婆婆同天諾仲撈金魚tim, 可惜落過雨地下濕濕哋, 冇落田摘士多啤梨, 只係買來食, yummy~細細粒都好甜啊!!
今日佢玩到好攰喇, 因為好耐冇試過9點幾就叫go to bed~~

好充實的一天

今日帶天諾去咗九龍靈量堂面試, 物件識別同眼耳口鼻都答到老師, 早晨byebye都有講, 爸爸媽媽好滿意天諾嘅表現………之後我哋就去咗方方樂趣同佢買校服, 係呀~天諾3月3日返學喇~~嘩!原來校褲係短褲來架, 好攪笑!! 之後就去咗媽媽嘅朋友屋企探bb, 天諾呢個哥哥冇時停, 連食野都走來走去, 希望返咗學有改善啦!! 節目中途爸爸媽媽同天諾去咗吉之島, 天諾見到個停車場(當時跳起,然後話好野) , 爸爸媽媽唔想佢習慣見野就買, 哈哈~所以諗咗個藉口係開學禮物!! 解釋俾佢聽第日返學要乖乖呵, 天諾話”知知”wow

呢個星期天氣回暖, 天諾亦大躍進肯坐屎塔解決大小便, 而且好合作用花洒沖涼, 叻叻!!

即興午餐

今日嘅午餐好特別, 雖然返工嘅日子, 但都有呢個組合一齊食飯, 實在難得, 表舅父, 婆婆, 姨媽, 姨姨, 爸爸, 媽媽同天諾, 食完飯仲可以去玩具反斗城行個圈先走, 天諾痴住部遊戲機唔走, 要氹氹吓先抱得走佢呢~~

To be my valentine

情人節快樂!! 呢個情人節唔係二人或三人世界, 係七人世界呀!! 姨媽姨丈公公婆婆一齊食飯, 姨丈介紹嘅深水埗小炒, yummy~~不過天諾好多都係有得睇冇得食…..所以佢寧願企响度自唱自跳….好快食完飯返屋企lu
情人節送大家一首I LOVE U啦~~
歌詞 : I LOVE U, U LOVE ME, we are happy family and a big great hug and kissing u from me, won’t u say u love me too~~
主唱 : 天諾

聽完係咪冧晒呢~~情人節快樂!!

兩歲1個月-戲劇之王

天諾踏入兩歲爸爸媽媽已經feel到咩叫terrible two, 有時激活你, 有時冧到痺, 有時講野笑c你, 最近表情多多嘅佢, 真係可以攞影帝呀!! 如果唔明段片可參考以下解說再睇~~
媽媽: what’s your name?
仔: 劉天諾
媽媽: what’s your favorite subject?
仔: computer
媽媽: what’s your favorite color?
仔: blue
媽媽: show me happy face, sad face, angry face,tired, afraid….

P.S.天諾尋日下午開始流鼻水,今日已經好d喇~~希望快d好番晒啦!

鼠年進步, 賺多d!!

要簡報一吓呢個精彩新年~~
年初一, 先到太嫲度拜年, 氹得老人院d婆婆好開心, 不過未食早餐嘅天諾對通粉情有獨鍾, 所以同太嫲排排坐食通粉! 之後去太伯公,太叔父度拜年, 再去爺爺度食飯, 下午去同叔公姑婆拜年, 返屋企眠一眠再去爺爺度食大餐, 由於爺爺坐係天諾側邊夾餸時會阻住天諾睇電視, 所以天諾成日捉住爺爺隻手唔俾夾餸, 好攪笑!! 飯後我哋再去婆婆度拜年, 原來姨姨準備咗大細咪俾天諾唱歌呀, 嘩行程緊密的一日完成喇~~



年初二, 先去爺爺嫲嫲度開年, 原來唔係開年咁簡單, 爺爺知道天諾3月要返學所以準備咗一個開筆禮, 哈哈! 多謝爺爺嫲嫲封大利士!! 之後帶天諾返大陸去太公太婆度拜年, 第一次搭火車表現得好興奮啊! 連媽媽都係第一次去落馬洲站過關, d通道好長好乾淨, 天諾跑到索晒氣, 離開大堂仲講咗句”wah very nice”, 笑c我哋喇~~返太公太婆度重點當然係燒煙花啦, 第一次睇煙花, 天諾唔知係咪俾d發炮聲嚇親, 唔敢望仲攬實唔放, 不過就好鍾意玩沙炮, 叔公見佢咁鍾意加碼買咗成袋返呢俾佢玩呀, 多謝晒~~攪咗一日成十一點幾先返到屋企, 天諾攰到响車度叫”返屋企覺覺”~~~


年初三去姨媽度拜年食盤菜, yummy!! 天諾帶咗fun song factory(爸爸响外國訂返呢嘅碟)去睇, 又唱又跳, 仲熱到除咗兩件衫tim, 同表表影相都眼望電視呀!!
年初四, 好難得休息一天, 媽媽煮飯, 好耐冇試過一日未出過街喇!!

行花市, 買年貨

咁凍天氣, 呢個週末終於俾姨媽買嘅晨褸天諾著, hehe著咗成個少爺仔咁!! 出街就著嫲嫲買嘅寒衣, 點著”格啦底”都係夾唔埋~~,星期六爺爺嫲嫲話要帶天諾買衫過年, 正當媽媽同嫲嫲揀得興高采烈之際, 天諾都不甘示弱帶咗爺爺去買玩具, 爺爺梗係棒陪啦, 最後買咗成七百幾蚊Thomas火車連路軌, 多謝爺爺嫲嫲!!! 夜晚同公公婆婆食團年飯, 呢d時間出街食飯梗係又迫又急, 好快食完走人, 啱晒天諾!!

星期日終於見到陽光喇~~緊係帶天諾去行下花市啦, 呢兩年都係行吓mongkok花市(又近又少人), 未落車天諾已經見到其他人拎住反斗車王balloon, 去到仲即刻買tim~~佢唔係樣樣都要買架, 行到尾經佢同意下買咗支五代同堂, 哈哈原來佢以為食得, 回家途中猛咁話”喑”連媽媽塊面都唔放過呀!!
要讚天諾已經識認colors喇~~依家blue, red, purple, brown, grey, yellow, white, pink, orange, green都難唔到佢! 叻叻~~ 早兩日又教姨姨英文, kitchen, bedroom, bathroom, pillow.......呢d可能係套英文教材嘅效果, 三皮幾......都算有d安慰!!
仲有一樣要大讚: 話說爸爸有一日拍咗媽媽好幾吓, 天諾見到即刻同爸爸講”爸爸唔好打媽媽”~~ oh~~咁細個就識保護媽媽, 好冧呀!!

好凍呀!!

呢個星期太忙太凍太攰喇~~ 加上爸爸又病埋, 都未有時間來update吓!! 上星期六終於成功幫天諾剪咗頭髮等過年, 呢幾日TimTim响屋企都著到成隻粽咁, 真係跌都唔痛!! 要多謝爸爸在家中嘅新裝置, 令媽媽返咗工都可以同天諾這麼近那麼遠,yeah!! 仲有爸爸媽媽係戀仔狂, 晒咗張好大嘅poster放响屋企, 貼出來之後天諾表現出自戀狂, 成日讚靚仲錫落去tim~~~