Fun@婆婆家

今日兩兄妹响婆婆屋企消耗成個下午都唔叫悶, 打乒乓波, 玩水彩, 玩電玩, 食吓tea......輕輕鬆鬆一個下午!

Late afternoon仲帶咗哥哥去影學生相呢! 媽媽總是覺得Tim的髮型唔jel不太理想呢!

SC outing@科學館

K2最後一個學校outing, 呢次去科學館…..真慚愧…爸爸媽媽甚少帶天諾去博物館參觀, 今日係一個好好開始, 先來個大合照, 天諾成日天諾好主動去問去探索自己喜歡的事物, 佢咩都摸一餐, 可能第一次去佢太心急去睇每樣新野, 媽媽都來唔切解釋俾佢聽…..玩咗成3個鐘都唔願走! 仲叮囑媽媽一定要再帶佢去!

父親節

哈哈爸爸今年收咗3條紙呔!! 雖然新意欠奉, 但一樣收得開心! 去食飯前同兩個b踏吓單車, 消耗吓體力…..

一向有主見的天諾今年更要求自己設計蛋糕, 由選蛋糕至蛋糕裝飾, 天諾話晒事, 仲要扮神秘哈哈, 我哋當然交足戲啦!!

音小+優才小學interview

K2的尾聲就係考小學呢個大Project開始…………估唔到頭炮兩間小學撞埋同一日in, 其實呢兩間唔係心儀之一, 所以冇太多準備只係試試心態!
上午先in音小, 雖然爸爸媽媽聽完呢間小學的簡介會已唔太like,但基於近屋企加上學校真係又大又靚, 所以都試咗先○ interview靠小朋友自己發揮, 我哋冇去深究天諾in咩, 不過爸爸媽媽就被個悶蛋老師攪到對學校師資再度質疑…….anyway完成咗interview收先算啦!!
下午返完英文班就去in優才, 呢間學校初小校舍响旺角, 校舍的規模及位置確實被扣不少分, 經過1小時interview過程後, 媽媽feel到班老師同校長係有heart去教學生, 佢的教育理念又好好……….唉!不過呢間係直資學校, 8月底就出result, 如果收咗又接受咗就要放棄統一派位!! 要爸爸媽媽做咁多決定真係好大壓力架!!! 不過又係果句----收咗先算啦……….1500人爭96個位!

乒乓球試pass咗喇

經過姨丈兩日特訓, 天諾的乒乓球試pass咗喇~~當然都要多謝教練俾多兩次機會啦!! Hehe~~下一期可以升班報第一級課程!

今晚再同公公一家去食父親節飯! 兩兄妹就買咗兄妹裝帽!!

妹妹唱歌

妹妹今日放學好好唱口呀, 你哋聽得明嗎?

乒乓球班考試

話咁快天諾已上乒乓球班第九課喇~~今堂同下一堂要考試睇吓有冇得升班, 發球, 正手,反手每十球要成功打出五球..........對天諾來講確實有點難度!
都怪我哋平時疏於練習, 所以預咗佢未達標! 呢個星期我哋盡最大努力book咗個場同佢練習, 多謝姨丈當教練鞭策, 天諾反手有好大進步, 發球的成功率都好咗, 正手就有待改善!

去打波前公公帶天諾去買BMX, 多謝公公, 天諾踏得好開心, 仲叫媽媽幫佢報單車比賽tim..........哈哈傻瓜, 人哋比賽踏兩輪架!!!哈哈~~

端午節

端午節玩水最正!!!!!!

呢班細佬真幸福, 依家嫲嫲度同姨媽度都有sir滑梯!

天諾第一次游泳比賽

持板25米自由式踢腿, 25米確實對天諾一大挑戰………….去到現場天諾一d都唔怯, 仲想即跳落水比賽. 今日的啦啦隊隊長-姨媽好認真呢!!

哈哈! 比賽時天諾笑騎騎咁游, 連計時姐姐都問點解佢咁開心……一上水天諾就同爸爸講”我想再玩過呀!”真攪笑, 見佢咁enjoy不枉媽媽用咗$250幫佢報名呢!
雖然天諾攞唔到獎盃, 但真係大開眼介呀!