一哥生日會

今日姨媽做我哋司機, 去咗一哥生日會, 唔知係咪車程遠, 天諾無啦啦話姨媽行錯路, 好彩姨媽冇俾佢兇到, 順利到達!
一落車見到壽星仔, 天諾好醒咁話”我買咗野送俾你呀”!! 送完禮物齊齊玩, 睇魔術表演小朋友都好留心, 玩遊戲都好落力…..食完野之後, 姨媽又再做司機帶天諾兜風, 跟住去咗草地玩吹泡泡同跑步, 玩到最後天諾攰到冇晒力! 實在太充實太多理玩, 天諾上車一陣就瞓著lu~
多謝一哥family嘅招待, 一哥happy birthday祝你身體健康, 快高長大!!

笑話一則

話說今日姨姨接天諾放學, 有以下對話:
天諾: 呢度做咩呀?(指住圍封咗嘅電梯)
姨姨: 部電梯要修理呀!
天諾: 吓~~要修”我”
姨姨: 哈哈! 部電梯壞咗要維修呀!
天諾: 哦~~~~~

叔公結婚

今日叔公結婚,天諾要返大陸飲, 媽媽因大肚dum唔方便, 冇跟大隊出發, 天諾返來就同佢去咗mega box食飯, 等姨媽俾d靚相出來就有得睇喇!

培正interview

培正係出名嘅一條龍學校, 媽媽就俾天諾去試吓, 保守估計會有二千幾人報名, 個interview冇人知會問小朋友咩,父母唔可以陪佢, 呢個就係媽媽最擔心, 因為平時佢去到陌生地方同我哋分離會喊, 所以我哋都唔太睇好佢嘅表現….當輪到佢時, 五個小朋友一齊俾老師拖入課室, 關門冇耐就聽到有幾把喊聲, 媽媽心想天諾一定係其中一個, 連紙巾都拎定諗住佢一出來就用, 點知老師拖住笑笑口嘅天諾出來, 天諾第一句同媽媽講嘅野係”我冇喊呀!”, oh~~媽媽即刻俾幾個叻叻佢!! 唔知佢响裡面做過咩呢?

之後我哋約埋姨媽,姨婆, 婆婆一齊去咗林村太平清蘸見識吓,十年一次架! 俾咗d齋佢食, 同打吓鼓, 然後就去姨媽度BBQ!

天諾有Fans呀~~

今晚表表來玩, 諗住唱首歌表演吓~點知唱完表表好似fans咁攬住佢, 好攪笑吓!

又有好消息~

祟真寄信來收咗天諾國際班, 真開心趕得切唔駛浪費think international嘅留位費, 祟真國際班學費平d仲有學卷tim可以幫媽媽慳d…所以會俾留位費先…..不過都係等緊心儀果間嘅消息!!
p.s. 尋晚無啦啦飲咗兩餐夜奶, 爸爸媽媽就來癲喇~~

換季喇~~

今個星期終於有冬季校服喇~雖然學校正式換季係12月1日, 不過呢排開始轉涼, 所以早d換咗先!

終於氹到天諾聖誕節表演咩喇~~原來要唱”我是美麗的聖誕花”, 有動作同指定位置拎樂器tim~~~好期待真正表演嘅日子, 不過好似撞正妹妹出世!

mega box飲茶

今日去mega box飲茶, 開始俾天諾用筷子食野, 不過佢只識筷子當叉用, 但都好有成功感…. 今日最精彩節目係帶佢去睇爸爸踢波, 去到球場佢對條跑道興趣大d, 來來回回都有跑咗400米呀!!

Shopping Day

呢個星期玩具反斗城寄咗節日精選期刊, 天諾已經好仔細咁睇晒, 仲鎖定目標tim~~今日帶佢去玩具反斗城, 由於目標清晰, 天諾好快行完兼有收穫, 未到12月爸爸媽媽已送第一份聖誕禮物俾佢lu~~輪到天行買書, 影番張靚相先, 唔錯呢張兩個都影得好醒目, 返到屋企即玩, 砌咗出來條賽道都好大吓, 不過天諾勁鍾意!

祟真interview

對呢個講台亦情有獨鍾

今日媽媽去產檢, 醫生知得我一個人去會拍片俾爸爸睇, 醫生好好人, 花咗好多時間想capture妹妹個樣, 點知妹妹用雙手蓋住臉, 影唔到tim……
之後趕去接天諾放學去interview, 媽媽第一次接佢放學, 原來佢從車窗期望住有人接佢放學係咁得意嘅!

好醒咁出白板答問題
講番個interview, 我哋等咗好耐, 好彩果度有個波波池俾佢玩, 如果唔係佢扭計要走lu…..今次都係報咗國際班, 要group interview, 由一個外籍老師帶住6個小朋友(好似上堂咁), 天諾嘅表現, 媽媽俾90分, active得來又有答問題同有禮貌, 四十蚊報名費好似上咗十五分鐘playgroup咁~~今日唔該晒姨姨相助!!

媽媽都一路被問問題架!

兩歲十個月

今日收到THINK嘅acceptance letter, 不過仲等緊其他offer, 希望快d有消息啦~~真係好似自己會考等放榜咁!
雖然天諾係兩歲十個月大, 唔知點解呢排飲返夜奶, 好似訓練爸爸媽媽迎接妹妹出來咁…..攪到我哋提早一個月冇覺好瞓!!

天諾把口甜到漏~

今日午睡前爸爸開咗支奶俾天諾飲, 天諾飲到一滴都冇剩, 媽媽就問天諾, 係咪爸爸開奶好飲d? 天諾好醒話”爸爸媽媽都好好!”
夜晚去婆婆度食飯, 公公掛上圍裙幫手砌雞, 當公公步出廚房, 天諾即刻話”公公你煮飯好食d”, 氹到公公好鬼開心!!
食完飯又大展歌喉表現"蛋糕歌", 聽完唔鍾意食蛋糕都會食多兩啖呀!!

根德園interview

連續兩間熱門學校interview, 見到d小朋友同父母著得好誇, 好似去飲咁, 今日in 1:30係天諾午睡時間,早到等咗15分鐘, 呢個時候天諾冇啦啦要去poopoo, 好彩辦完大事仲有時間, 由於媽媽同天諾係同一時間俾人問野, 都睇唔到佢嘅表現, 只知道佢唱咗首歌, 成個interview唔駛3分鐘, 仲快過佢去開大吵, 真係唔知學校點judge,兩個星期就知結果lu!!

St. Catherine international school interview

星期五專登請咗半日假同天諾去interview, 呢間係爸爸媽媽最心儀嘅一間, 成2千幾人考架, 我哋報咗英普班(係難上加難)
第一part:
天諾被安排到玩具room玩, 老師開始拎住份form觀察同問佢野, 天諾對d玩具冇興趣, 摸兩吓就唔玩lu, 連老師叫佢試玩佢都唔多想玩;
第二part:
見第二位老師, 一開始佢坐到郁來郁去, 老師已經叫佢坐定d, 老師問d簡單野, 以為難唔到佢, 點知問幾多歲佢居然答4歲仲答兩次tim, 認顏色同matching picture都快而準, 到睇圖解畫, 天諾答到有千秋, 有滑梯, 有人個伯伯拖住隻狗, 老師問佢”咁呢度係邊度?”, 出奇地佢答係”商場”, 再問平時媽媽帶你去邊踢波, 佢又話去”商場”……唉~~媽媽心知不妙lu
第三part:
因為報英普班所以要用普通話in,諗住呢part係最擔心, 點知天諾响咁多環節表現最好嘅一關, 問五官, 水果冇問題, 仲好肯跟老師學講! 希望呢part拎番d分啦!!

又有歌聽!

天諾唱英文歌就聽得多, 學校教嘅中文歌佢喜歡臨瞓同埋剛起身唱, 今晚就破例喇!!

尋日同老師通電話,老師話天諾响學校彩排緊聖誕party表演, 由於天諾平日上課表現活躍, 好主動又大大聲答問題同唱歌, 所以搵佢唱歌同拎樂器表演, 當同其他班別嘅同學一齊彩排時, 天諾表現得有點怯, 仲企响度呆咗, 好好笑!!

爺爺去旅行

今日如常同公公婆婆飲茶, 之後去姨媽屋企玩, 嘩!! 住姨媽樓下嘅sam哥哥教佢打鼓, 天諾打得有板有眼架!

下午爺爺出發去旅行, 天諾同天行一齊去送機, 望到d飛機仲唱airplane歌, hehe~~佢一路唱歌估唔到天行聽到d飛機聲會驚驚~

Interview月

踏入十一月,好多幼稚園開始interview喇! 爸爸媽媽幫天諾揀咗一d去試, 今日去第一間: Think International School, 報嘅係國際班, 未到9點我哋已去到熱身, 天諾响個playground度玩得好開心, 仲同媽媽講呢度好好玩, 去見老師時亦心情大靚.
問題大致如下:
1. 老師問姓名,年齡, 邊個帶佢來都大大聲答對
2. 玩玩具方面: 砌積木, 拼圖, 認物件都無問題, 穿珠因為未玩過, 所以……
3. 老師問眼睛, 鼻子有咩用, 天諾都唔出聲, 到咗問咀巴有咩用就識答食mum mum
4. 老師問食咗早餐未, 天諾話食咗, 跟住老師問食咗d咩? 佢就冇答, 不過老即刻拎咗個橙同雞蛋問天諾, 早餐會食邊樣, 天諾都答到係雞蛋, 再問咁幾時食雞蛋, 天諾就話”兩時”, 幾時食橙橙, 天諾就話”3時”, 老師個樣好似覺得莫明其妙, 哈哈!!
5. 佢答得最好笑嘅題目係, 老師問佢點來架(坐車車定行路來), 天諾答”我聽反斗車王來” (因為爸爸車我哋去時, 係聽住反斗車王歌)….. 成個interview過程媽媽冇幫佢, 等佢自由發揮, 佢嘅表現媽媽俾70分啦!!