sunday

今日同天諾去飲茶, 最重要係同McQueen影相, 著住姨媽姨丈响日本買嘅衫襯晒!!今次爸爸交足貨, d相影得唔錯喎!!

夜晚同爺爺嫲嫲去遊艇會食飯, 爺爺仲帶天諾去佢架新玩具玩tim, 第一次上帆船嘅天諾覺得好新奇, 樣樣都摸吓, 之後問天諾鍾意揸車車定船船, 佢話揸車車, 真係專一!!!

Interview again

今日帶咗天諾去啟思幼稚園interview, 嘩!!早到咗門口已經有幾十個小朋友排緊隊, 間學校好大好新好靚, 天諾好enjoy玩果度d戶外設施, 仲有煮飯仔玩具, 玩成15分鐘唔理個老師, 不過老師好坦白同我哋解釋上午班已冇位, 打沉咗我哋嘅希望,所以見完老師, 同Tim Tim玩一陣就走lu……接住去咗一間出名嘅international school open day, 環境當然好啦學費仲……裡面個個講英文, 7成外籍老師1成普通話老師1成BBC/ABC老師, 爺爺話細佬仔語言development好重要, 會精神同金錢支持天諾入讀, 不過點樣同小學涵接, 天諾同其他小朋友interaction,同埋$$$$$爸爸媽媽都要認真考慮吓~~
返屋企瞓醒後, 我哋帶天諾去BBQ會吓d朋友仔, 仲有姨媽姨丈幕後做Bun Bun, 同送禮物, 真係辛苦晒!! 講返BBQ先, 天諾強項表演跳舞, 仲motivate其他朋友仔一齊跳可惜姨媽拍唔到片啦~~多謝Sue Sue姐姐嘅準備呀~~

Shopping day

星期日係shopping day, 因為玩具反斗城寄咗本期刊介紹聖誕推出嘅玩具, 天諾好鍾意本期刊, 可以睇半粒鐘, 仲要一邊睇一邊指d心儀玩具話”Tim Tim冇”, 跟住又話”爸爸買媽媽買, TimTim鍾意”再加句”唔該”……一個未夠兩歲嘅細佬講咁多野同咁有logic, 爸爸媽媽當然第一時間帶佢去海運啦~~我哋一早同嫲嫲,婆婆飲完茶就出發喇~~~第一站係mother care, 因為想買d冬天衫俾天諾, 當我哋見到有套內衣唔錯問Tim Tim要唔要, 點知佢話”細佬”, 哈哈笑c人呀, 自己唔鍾意就…….第二站, 係Tim Tim帶我哋去嘅, 原來佢發現咗有反斗車王cros鞋, 叫我哋買, 著住仲好興奮咁周圍走又話好靚, 呢個表現嫲嫲當然第一時間去俾錢啦!! 第三站, 終於到玩具反斗城喇~~呢樣玩吓果樣掂吓, 樣樣都想要, 最後買咗車車同Thomas VCD俾佢, 仲買咗禮物俾表表同細佬~~大豐收!!

午睡後瞓醒仲會合嘆完下午茶嘅媽媽and friends (唔該晒Sunday BunBun-姨姨!)


上星期六同爺爺嫲嫲去咗尖東小南國飲茶yummy!!, 環境正, 阿b睇車車, 船船睇得好開心呀

勁舞dancing king

不得不post天諾今晚自創嘅舞步~~

Naughty Boy 100 days

今日係天行細佬100日, 一家人去咗德福食飯慶祝一番, 呢個細佬越來越有份量喇, 連d瘡都咁有份量, 爺爺嫲嫲成日教天諾天行細佬係naughty boy, 所以問天諾邊個係naughty boy佢就會話細佬, 成餐飯阿b坐定時間唔多, 都係要人輪流同佢出去玩, 其實佢至係naughty boy呀!!!!
德福商場嘅聖誕佈置有迪士尼卡通做主題, 最重要有天諾至愛-反斗車王(McQueen同Sally), 我哋當然唔放過去影相啦!!不過d相影得痳痳, 搵日再去先!
p.s. 今朝阿b6點鐘就起身, 原本好攰好激氣俾佢攪到冇覺好瞓, 不過媽媽返工時佢喊住咁話"跟住你" "跟住你", 攪到冧晒!!

22個月喇~~

22個月B, 身高85cm體重30磅, 出牙數量14隻(include上排兩隻犬齒見白), 好有主見(其實係脾氣好大), 唔係樣樣玩具肯玩, 最鍾意反斗車王產品, 爸爸媽媽覺得佢最叻係成日講唔該, 好有禮貌, 同埋識得叫痾poopoo跟住响potty度解決, 最難攪係想要某種玩具即時俾唔到就扭計喊, 最驚係睇到now TV Disney channel Winnie the pooh節目嘅驢仔(因為個配音老牛聲, 佢聽到會先眼紅, 跟住匾咀, 然後放聲大喊), 最鍾意聽high school musical來跳舞, 見到爸爸媽媽換衫返工佢會話”跟住你”, 沖涼時會唱洗白白, 臨瞓前有時會叫刷牙仔, 肯自己食飯(只限頭5分鐘)………
早前影下同表表孖鋪!

科技大學

好玩好玩好好玩呀~~~有一大遍草地, 一班朋友仔, 有得食有得玩, 仲影咗好多靚相tim!!!! 今日天諾同好識照顧人嘅一一哥哥, 13個月嘅為食妹妹, 7個月嘅思考型細佬同埋大件頭表表去咗科大影相, 過程有好多攪笑野, 全靠三個爸爸將d精髓影低晒=>http://www.fotop.net/nunuplato/20071110_UST
=>http://www.fotop.net/antickey/HKUST
大合照時, 唔係天諾走咗去, 就係表表喊,好唔容易影嘅一張大合照呵~~

呢張相, 天諾掛住飲野, 要靠一一兄妹扶住未坐穩嘅表表~~

<--- 佢哋兩個傾緊咩大生意呢?

呢個video: Tim Tim第一次踢波俾人踢倒都冇喊, 一一哥哥仲識傳返個波氹佢, 抵錫!!
精彩過後阿b下午返屋企瞓咗3個鐘zzzzzzzzz

P.S. Tim Tim 跟一一哥哥學識講Yummy, 好攪笑!!

又一個精彩周未

今日犀利喇係靚表姨畢業, 媽媽d親戚到場支持, 天諾係繼姨姨結婚宴後第一次見晒d叔公同姑婆, 見慣大場面嘅佢當然係冇怯場啦, 仲個個叫晒(睇張相就知叫完都要飲啖水抖吓!), 佢不知幾識氹人, 仲有陌生人(其他畢業生搵佢影相tim), 成舅父仔抱住响草地彈吓彈吓最開心, 玩完一次又一次用個背脊”得”住舅父要再玩, 好好笑架, 同場仲攬表弟影相, 大家唔好以為佢蝦表弟呀, 佢係開心得滯發肉緊!!

第一次幼稚園interview
上星期六帶咗天諾去迦南幼稚園interview, 校舍好大好靚好乾淨, 老師又nice, 爸爸媽媽都好鍾意呵~~不過天諾嘅表現唔知收唔收呢因為天諾無時停, 見老師時周圍走, 仲爬上張椅到望野(爸爸話阿b做完呢個動作老師响張報名表寫咗野呀!!) 依家等消息3星期內通知喎!!
lunch同嫲嫲食完飯去咗宜家買臺仔俾天諾, 返到屋企玩一輪先午睡zzzzzzzzz
夜晚就同媽媽嘅朋友食飯, 係坐得最耐嘅一餐飯呵, 坐咗成個幾鍾都冇扭計出街, 佢又好留意我哋傾咩同跟人口水尾, 仲有恩恩妹妹陪住, 天諾好鍾意同佢玩呀, 要多d出來玩至得, 臨走仲fly kiss各叔叔姨姨, 最重要係同未來朋友打招呼呀,哈哈!!