BB揸車車

BB出街好鍾意睇住爸爸或爺爺揸車, 放佢企响司機位, 佢會好似水手咁揸住個軑好興奮~~呢張相係探完太麻,响停車場影嘅! 跟住就同bb去咗遊艇會食buffet……..bb當然係睇住冇得食啦!!

見bb咁鍾意揸車車, 爸爸媽媽買咗個玩具扣係bb的私家車度,等佢幾時都有得玩…hehe ……睇吓d相究竟bb似爸爸定媽媽多d呢?
同場加影, bb同爸爸玩到kaka聲… http://www.youtube.com/watch?v=j_cpht2y0Ro
仲有bb食餅餅變污穢貓…http://www.youtube.com/watch?v=4aLFBGgIqpM
http://www.youtube.com/watch?v=sBZyaVl-swI

BB的第一張郵票面世喇~~

等咗三個星期, bb嘅郵票郵票終於完成印刷喇…….
第二組嘅郵票正在制作中, 你可以搵天諾出來嗎??

BB臉上敏感

尋日放工返到屋企, 差d唔認得bb呀~~~唔知bb對咩敏感, 爸爸3點鐘見完bb, 跟住六點鐘返去, bb成張臉又紅又腫, 好可憐啊~~~雖然好痕好唔舒服, 但你同佢講嘢同玩都會笑ga!! 尋晚即刻幫bb影咗相send俾”王蜂醫生” consult咗, 好彩bb今朝起身已消腫, 暫時唔駛睇醫生, bb你好叻呀!!自己打win仗~~張相唔post出呢喇, 媽媽同爸爸獨有!

太爺生日宴

星期日bb响太爺生日宴上表現咗踢可樂罐, 佢就踼得好開心, 不過爺爺就手都軟lu………返到屋企bb依然好興奮, 沖涼前同佢試咗嬸嬸買嘅泳裝, 雖然依家有d鬆, 但遲吓等bb識坐去游水就差唔多喇~~~睇吓bb似去玩體操定游水?

BB半歲生日Party

參加咗0601媽媽會攪嘅party, 原來06年1月出生bb有超過180個, 今次個party有六十幾個bb參加. 天諾識咗好多朋友仔, 佢一泊埋其他bb度就左右手捉住, 媽媽係工作人員, 出去一陣得爸爸睇住bb, 返到位唔見咗阿b, 原來坐對面個媽咪引唔住佢咁得意抱咗佢出去威, 有好多媽媽搵佢影相, ~~ 由於太多bb, 影合照要分批, 呢張係1月11-20號出生嘅bb!! 如果想睇多d靚相以下係大會提供片段
http://albums.babyface.com.hk/BKK-0601-20060715/portrait
以及bb御用攝影師-爸爸 嘅出品http://hk.pg.photos.yahoo.com/ph/tinnok_bb/album?.dir=3d44scd&.src=ph

BB食半歲生日餅

前日係bb半歲生日, 爸爸媽媽準備咗生日餅俾bb食(其實係牙仔餅呀)………選咗一隻有機產品仲係原味, bb初初食得好滋味, 但手仔好懶食食吓放低好似狗仔咁食, 好好笑!! 不過到最後都放棄唔要lu。bb唔要之後我們食過又真係幾難食...... http://www.youtube.com/watch?v=78tR671JEwE

BB同魚魚傾計??
尋日姨姨同BB玩, 拿住柏天尼叔叔送個條布魚引佢, bb一點到就eeoo好似同佢講野咁, 表情仲好鬼馬……記得開大聲d聽呀!! 佢bubu吓自被口水濁親 好攪笑!!! http://www.youtube.com/watch?v=zVEHcR1wltg

BB的第一口香蕉

尋日第一次俾香蕉bb食, 佢食香蕉嘅反應好過蘋果, 第一啖覺得好陌生, 但係食食吓就好滋味!! 第一次唔可以食得太多, 大概食咗兩茶匙………


熱愛足球的BB
鷹叔叔送咗件Brazil波衫俾bb, 諗住weekend幫bb著, 不過尋日幫bb沖完涼著咗~~好彩早d著….唔係過多幾日就唔知啱lu…件衫著20分鐘就換lu…哈哈有d緊身!! 睇吓個片片位都扣唔埋呀~~鷹叔叔件衫好得意呀多謝晒~~不過下次買大件d :P

bb週記

星期一至四,bb夜晚訓得好乖, 唔知係咪响屋企4日冇出街有關呢? 星期四幫bb換咗細姨姨送嘅可愛裝, 好得意, 佢趴响度好想咬bb呀!!!





星期六下午, 買咗部攪拌機諗住準備攪d果蓉俾bb食, 點知bb同爸爸一齊訓咗3粒鐘晏覺, bb又冇睇world cup唔知點解咁好訓? 最後等佢訓醒磨咗蘋果蓉佢試吓~~~~哎呀!! bb食到”翁”口”翁”鼻, 仲伸埋脷tim, 唔知係咪蘋果蓉有酸味, 攪到佢好似食咗酸梅干咁, 好攪笑ga……….


星期日節目多羅羅, 同bb著咗貓姨姨送嘅衫襯埋媽媽買嘅庫, 紅色好sharp好醒神…不過bb見到庫上poohpooh覺得好奇好想同佢玩咁!!!

第一站同爺爺麻麻去飲茶, 再去買玩具……收獲係麻麻送嘅一架學行車, 原本想買個款係企向樹bb自轉玩玩具, bb試過鍾意玩但又貴又唔實用, 最後買咗Disney學行車, 雖然d人話用學行車, bb易有O-型腳, 用學行車唔夠自己摸索行好, 但又有人話”你同我都係坐學行車大, 依家都冇事啦”。 學行車只係一種玩具, 如果唔係抱bb抱到手軟都盡量唔用ga, 俾bb响地墊度自己摸索吓…….
http://www.youtube.com/watch?v=ET_LQB8xQTw
http://www.youtube.com/watch?v=9w6a-du5Z2Y
http://www.youtube.com/watch?v=Td1llRL7ePM
買完玩具, bb跟住去咗上playgroup, 一去到幾個媽咪抱住自己個bb囡過來撩天諾…..哈哈話要黐吓d囝氣wow…….bb好鍾意呀仲伸手同佢哋玩, 影集體相時, 個個bb趴係度, 天諾側面個b喊晒但佢自己又表現得好鬼high…….不過到入正題時就要飲奶同訓……..訓足3份2堂…..都玩唔晒導師教嘅野~~~

BB的第一口

BB的第一口米糊
平時bb望住我們食飯, 吞晒口水遞食物俾佢又開口要食, 雖然健康院d姑娘話最好6個月先俾bb食, 但見bb咁渴望食嘢,早少少俾佢試吓~~依家逐步引進半固體食物, 第一步食米糊- 係用嬰兒米粉+bb平時食的奶開 (咁bb易接受d)。餵時bb個樣好好奇, 要放到佢個口先知食得, 個樣好似唔多like, 食到最尾一啖仲吐出來!! 呢次食完要觀察bb有冇allergy先可再餵lu~~ 哎呀!! 個vedio太大upload 唔到tim…….

BB學踢波
公公準備咗個足球俾bb, 諗住到佢識行時踢, 點知俾佢試吓玩啦~~原來已經識踢lu…黃金右腳….簡直係叻叻……我們不斷讚佢,bb就不斷好興奮咁踢….踢踢吓仲叫埋,又會搵讚佢嘅人望吓, 好攪笑!! http://www.youtube.com/watch?v=gz6I5KaZgus
http://www.youtube.com/watch?v=KM7k0hOBmbI

忙碌的一星期

遲咗update…6月25日星期日劉氏飯局第二回, bb今次嘅表現冇上次咁開放, 可能多咗人攪到佢有d怯場, 哈哈!!我醒咗準備咗相機~~六叔公最鍾意抱bb去睇魚魚, 睇完番嚟影相都識望鏡頭呀!! 表叔抱住bb自己都好似有d驚….


星期三bb去咗爺爺度, 爺爺係幾日仲帶bb去咗唔同地方.....
上星期四, bb剛從爺爺家過完夜, 接咗佢返婆婆度玩, 因為hehe表舅父有生日party, 我哋食飯果時仲 要姨婆抱住行來行去先制..... bb冇得食蛋糕唯有食手指, 但係都玩得好開心!!


上星期六媽媽嘅同事有bb gathering, 我幫bb著咗準輝表嫂送嘅麵包超人造型衫…好盞鬼呀!! 出發前仲响屋企擺咗幾個post. 雖然bb係最細,但份量唔差得遠喎, bb未識行唯有坐定定睇人玩, 祺叔叔屋企張sofa好啱bb坐呀, 放隻手仔係個柄度成個大少咁~~四個bb各有特色......tong tong口齒伶俐, 一一跳舞耍家, chunchun成日扮笑氹人, 天諾 唔出招已經個個見到都開心.........玩咗差唔多兩個鐘佢晏訓到暈都唔肯訓, 攪咗半粒鐘先訓到 .......oh!!睇番張相先知bb俾chun chun撩都唔知!!! 祺叔叔睇住你個仔呀~固住影相:p , 不過bb都唔弱用手仔禁住chun chun.....哈哈!!
http://www.youtube.com/watch?v=KLUYOtYidl8

唔知bb係咪出得太多街, 成個星期夜晚好醒訓, 都要諗個辦法調較吓佢先!!
仲未update完上星期嘅精華, 等我有時間先~~